vartaman samay men sushikshit yuvk-yuvtiyan apne karyakshetra men tatha intaranet dvara paraspar akarshit hokar mata-pita ki sahmti ke bina bhi vivah kar lete hain. vivah ‘vichched ke ankron ka mukhya karan hai vivah purva ek dusre ki purn jankari n hona jiska ek mahatvapurn karan hai vivah purva janmakundliyon ka jyotishiya akalan n karvana. is karan nav danpatti vivahottar apsi samanjasya, prem, sharirik tatha santan sukh aur samriddhi ke satik purvanuman se vanchit rah jate hain, aur unka nirnay galat sabit hota hai.
janmakundli ka lagn bhav jatak svayan tatha saptam bhav vivah aur pati/patni ko darshata hai. in bhavon men sthit rashiyan tatha unke svami paraspar mitra nahin hote tatha bahut kam kundliyon men achcha vaivahik sukh hota hai. vastav men hamare daivagya manishiyon dvara batae gaye sutron ke anusar kiya gaya purn jyeatishiya kundli milan hi vivah vichched ki sanbhavna ko simit karne ka ekmatra saksham tatha sulabh sadhan hai.
vaivahik jyotish sutra saptam bhav men shubh rashi, shubh grah ki sthiti, tatha shubh grah ki drishti sukhi vaivahik jivan ko darshati hai. iske viprit saptam bhav men papi/krur grah (shani, mangal, surya, rahu v ketu) ki yuti ya drishti vaivahik sukh ka nash darshati hai. yuvak ki kundli men shukra patni ka tatha yuvti ki kundli men brihaspati pati ka, karak hota hai. atah saptam bhav, saptamesh tatha karak (brihaspati v shukra) ka balvan tatha dosh rahit hona sukhi vaivahik jivan ka dyotak hai. viprit sthiti ashubhkari hoti hai.
purush ki kundli men ashubh grahon se pirit shukra tatha stri ki kundli men ashubh grahon se pirit brihaspati, mangal tatha chandra vaivahik jivan men samanjasya ka abhav evan ek se adhik yaun sanbandhon ke lie prerit karte hain. brihajjatak granth (24.1) ke anusar uprokt sutra purush v stri ki kundli men saman rup se prabhavi hote hain. jatak alankar granth ke anusar jab saptamesh kendra ya trikon men svarashi ya uchch rashi, ya shubh grah yukt v drisht ho to jatak ka jaldi vivah hota hai tatha patni sushil tatha dirghajivi hoti hai.
punashch, faldipika granth (10.7) ke anusar: bharyanashastvashubh sahitau vikshitau varthakami tatra prahustavashubhfldan krurdrishtin visheshat. evan palya api sati made chashtame vasti doshah saumyairdrishte sati shubhyute danpatti bhagyavantau.. arthat ‘‘dvitiya v saptam bhav men pap grah hon ya yah bhav pap drisht hon to patni sukh nasht hota hai. papi grah ki sthiti ki apeksha krur drishti visheash ashubh mani gai hai. stri ki kundli men bhi saptam v ashtam bhav men pap grah yog v drishti pati-sukh nashak hoti hai. parantu uprokt bhavon ke shubhyukt v drisht hone par pati-patni bhagyashali hote hain.
vivah vichchedkarak grah yog
1. saptamesh ka lagn se dvitiyasth (apni rashi se), ashtam, dvitiyesh ka saptamasth (apni rashi se shashtha) hona, tatha rahu ya ketu ka dvitiyasth ya saptamasth hona.
2. saptamasth rahu par kisi papi grah ki drishti ya donon ki yuti hona.
3. stri ki kundli ke saptam bhav men rahu, mangal aur surya men se ek ya adhik grahon ka sthit hona.
4. stri ki kundli men rahu athva shani se drisht surya ka saptam bhav men sthit hona.
5. stri ki kundli men surya ka saptam bhav men hona aur saptamesh ka nichasth, shatru rashi, athva trik (6, 8, 12) bhav men sthit hona.
6. saptamesh aur dvadshesh ka paraspar rashi vinimay hona tatha saptam bhav men mangal, rahu ya shani ka sthit hona.
7. saptam bhav sthit pap grah par shashthesh ki drishti tatha saptamesh ka dvadash bhav (apni rashi se shashtha) men sthit hona.
8. surya, shani, rahu ya ketu ka saptam bhav men hona tatha saptamesh aur dvadshesh ka trik (6, 8, 12) bhav men hona. keval gun milan par adharit vivah vichched kundliyon ka gun milan 26.5/36 hai. gan dosh hai. pati ki kundli men kalatrakarak shukra purn ast hai, aur saptam bhav par ketu tatha shani ki drishti hai, parantu koi shubh prabhav nahin hai. yadyapi chandrama pakshabali hai, parantu ‘kemadrum yog’ men hai, tatha ketu se drisht hai jo jatak ka mansik sukh shanti nasht karta hai.
patni ki kundli men lagnesh chaturth bhav men nichasth hai tatha ketu se drisht hai jo parivarik sukh nashak hai. shani aur mangal ki saptam bhav par drishti hai jisse is par nirbal brihaspati ki drishti arthahin ho jati hai. saptamesh, shashthamesh ke sath, lagn men hai jo pati-patni men virodh darshata hai. nichasth mangal tatha rahu ki nirbal chaturthesh chandrama par drishti hai, jisse jatika gussail v shakki hai. jatika lagn, shukra v chandra tinon se mangal dosh se pirit hai, jabki jatak chandrama se mangli hai. atah bali mangal dosh ka nirakaran nahin hua. donon kundliyon men pancham (santan) bhav dushit hai.
inka vivah navanbar 2002 men hua. jatika janvri 2003 se sasural nahin gai. donon parivaron men samjhauta n ho pane se julai, 2005 men shkpaavatabam il unjnans nhtmmaumadajash liya. vichched ke 2 sal bad jatika ne bina kundli milan ke vivah kiya jo fir asafal raha. is sandarbh men ek aur kundli prastut hai.
jatika ki kundli men kendra sthanon men krur grah sthit hain. jatika ne bina kundli milaye 2008 men prem vivah kiya, parantu ek sal ke andar hi pati se alag ho gai. saptamesh aur pati ke karak dvitiyasth brihaspati par rahu ki drishti hai. saptam bhav par lagn sthit mangal v shani ki drishti hai. nichasth chandrama par shani ki drishti hai. chaturth bhav men sthit ketu par mangal ki drishti parivarik sukh ka abhav dikhlati hai. jatika prabal mangal dosh se grast hai jo use ugra svabhav ka banata hai.