nam badlo, bhagya badlega do. bi. el. sharma am taur par har vyakti karm to karta hai lekin uska bhagya nahin badal pata kyonki use namank ki shakti pata nahin hota. mulank aur bhagyank to aprivartanashil hain lekin yojnabaddh dhang se yadi namank, mulank aur bhagyank ka mel ho jaye to vyakti ka bhagya badlne men der nahin lagti. ajmakar dekhen to sahin.
vedshastra evan dharm granth kahte hain, manushya ka bhagya nahin badla ja sakta. manushya jivan ki tin mukhay ghatnaen yatha janm, vivah evan mrityu to bilkul bhi nahin badli ja sakti kyonki vivah ke jore adi sab pahle se nishchit hote hain tatha janm aur mrityu ki tarikh bhi nahin badli ja sakti. janm samay ke grah-nakshatra manushya ka bhagya darshate hain jo uske purva janmon ke karmon ke anusar banta hai.
parantu janm rashi, janm lagn evan ank jyotish ka mul adhar mulank v bhagyank to janm ki tarikh se bante hain jisko badla nahin ja sakta. lekin nam men parivartan karke ap apne jivan ki ruprekha men kuch mahatvapurn parivartan avashya la sakte hain.
buy detail numerology report
apna mulank aur bhagyank janne ki saral vidhi yah hai ki janm tarikh ka yog karen vah apka mulank aur janm tarikh, mah aur san ke ank ka yog bhagyank kahlata hai. jaise 3, 12, 21, 30 janm tarikh vale ka mulank 3 hoga aur 18-01-1926 janm tarikh vale ka bhagyank 1 hoga.
isme janm tarikh mah aur san ka yog karne se 28 ank aya. is ka yog 2+8 = 10, yani mulank 1 . adhikatar jivan ke mulank aur bhagyank vale mah, tarikh tatha san labhkari rahte hain. yadi rashi ke hisab se bhi yogkari grah ka ank, mulank ya bhagyank se mel khata hai to vah ank bahut labhkari rahega. isi ke sath yadi vyakti ke nam ka ank bhi bhagyank ya mulank se mel khave to vah vyakti jivan men bahut unnati karta hai.
nam bhi bhagyank ke anusar rakhen to vah labhkari siddh hoga. jo log jivan men jhanjhavaton se jujhte dekhe gaye, unmen prayah yah paya gaya ki unke in tinon ankon men talmel nahin tha. yadi mulank, bhagyank aur namank men talmel n ho to ham namank badal sakte hain, kyonki janmank aur bhagyank to janm lete hi nishchit ho jate hain. ye bhagvan ke diye hote hain. keval nam hi hai, jise manushya deta hai- use badla ja sakta hai- yadi avashyak ho to apna nam badlen aur uska labh uthayen.
kuch vyakti itne bhagyashali hote hain ki unke mulank tatha bhagyank aur namank men samanvay rahta hai aur ve sukhi jivan vyatit karte hain. ank jyotish ankon ka ganit nahin, balki ankon ka vigyan hai.
yah jyotish v hastarekha jaisi hi vidya hai. ank jyotish ka adhar vastav men nau grah hi hain. angreji ke pratyek akshar ka tatha pratyek grah ka bhi ek ank nirdharit kiya gaya hai. jo is prakar hai :- hindi ke aksharon ko bhi ank shastra men nanbar diyen gaye hain. a se an, aah tak 1 se 24 ank siriyal men tatha k, kh se h tak 1 se 36 ank siriyal men diye gaye hain. inhen bhi ajma kar dekhen. yadi mulank ya bhagyank ke anusar namank bhi ho to jivan men unnati ki sanbhavna adhik rahti hai.
iske atirikt yadi janma/rashi lagn ke yogkari grah ka ank mulank ya bhagyank se milta hai to us ank ke anusar namank bana len to bahut unnati hogi. kuch vartaman prasiddh logon ke in ankon ke parikshan se siddh hota hai ki ank shastra upyogi hai.
1. shrimti soniya gandhi ji ki janm tarikh 9.12.1946 hai. inka mulank nau (9) hai aur bhagyank panch (5) hai. in ki rashi mithun aur janm lagn kark hai. inke janm lagn ke hisab se mangal yogkari hai. mangal ka ank 9 hai. inke namank ka ank bhi 9 hai. isi karan inhen itni prasiddhi mili. inki rashi ka svami budh hai aur budh ka ank 5 haijo inka bhagyank hai. inhin karnon se inhonne prasiddhi arjit ki.
2. film star shahrukh khan ki janm tarikh 2.11.65 hai. uska mulank 2 hai aur bhagyank 7 hai tatha namank 6 hai. inki rashi makar ke lie shukra yogkari grah hai aur shukra ka ank 6 hai. namank 6 isi karan labhkari hai aur usko bahut prasiddhi mili tatha dhan-daulat mili. yah janm rashi ke yogkari grah ke anusar namank hone se unnati ka pratyaksh praman hai. (inki janm patrika men shash v ruchak namak do panch mahapurush rajyog bhi hain॥
3. prasiddh film star hema malini ki janm tarikh 16.10.48 hone se bhagyank 3 hai aur unka namank bhi 3 hai. yah ank 3 guru ka ank hai. unka lagn kark evan rashi min hone se guru yogkari hai. unka svabhav rahn-sahan guru pradhan hone se unka jivan sukhi hai. unki pravritti bhi satvik bani. guru ne janmapatri men hans namak panch mahapurush rajyog bhi banaya. yah bhi janm tarikh aur janmapatrika ke anusar namank se unnati + prasiddhi ka uttam udaharan hai.
4. ritik roshan ne film jagat men ek hi film se dhum macha di. iska karan ham ank shastra ke najriye se dekhen to uski janm tarikh 10.01.1974 hai- uska mulank ek surya ka ank hai aur uska bhagyank panch budh ka nanbar hai- uski janm rashi kark hai uske lie yogkari grah mangal ka ank nau hai- uska namank do hai. uska mulank surya ka ank ek aur namank chandra ka ank do hone se vah surya +chandra ki bhanti jagat men varshon tak jagmgata rahega. uske mulank aur namank ke svami ek evan do ank param mitra - rayal grah hone se uska nam tivra gati se roshan hua. jaise surya aur chandra ke uday hone par andhera dur ho jata hai aur prakash charon aur fail jata hai.
uske namank do ka svami chandra hone se jivan men samanjasya bana rahega- mesh rashi ke svagrahi mangal ne kendra men ruchak namak panch mahapurush rajyog banaya hai aur chandra-mangal rajyog, gajkesri jaise rajyogon ke karan uski bahut unnati hogi. parantu ham ank shastra ke anusar dekhen tab bhi uski unnati bahut hogi kyonki mulank ek aur namank do ke svami surya aur chandra jyotish men raja rani kahlate hain.
is ank vale ko shikhar par pahuncha dete hain- bhagvan shriram ki kark rashi thi. shri ritik ki rashi bhi kark hone se vah apna nam roshan karega. vyapar ke liye, vyapar sansthan ka nam yadi ham is shastra ke anusar rakhen to vyapar men achchi unnati ki sanbhavna banti hai. kai vyapar sansthaon ke nam badlne se unhen labh hua hai.