kanika aj bahut thak gai thi pura din vah prasuti grih men ek ke bad ek aepreshan kar bachchon ka janm karva rahi thi. din ke ant men jahan pura din kam karne ke bad thakan to hoti hai par uske man ko bahut sukun milta hai ki akhir usne apna barsane se sanjoya sapna pura kar hi liya. bachapan se hi vah daektar banna chahti thi aur uske mammi papa ne bhi uske sapnane ko sakar karne men koi kasar nahin chori.
use achche skul men parhaya, achche kaelej se usne em. bi. bi. es. aur em. di. kiya aur aj vah ek siniyar gaynekolaejist ke rup men dilli ke vikhyat aspatal men karyarat hai. uski barson ki mehanat rang lai thi. aj uski rat ki dyuti thi islie vah apne kaksh men susta rahi thi. tabhi use subah papa ki kahi bat yad a gai ki ab ve uski mammi se kah rahe the ki ab tum larke ki jat pat par mat socho, bahut samay barbad kar liya ajakal to antarjatiya vivah khub ho rahe hain.
islie kanika ke lie bhi antarjatiya vivah men koi fark nahin parta. kanika yah sunakar chaink pari thi aur ab soch rahi thi ki ye vahi mata pita hain jinhonne uski pasand ke kartik ko isilie thukra diya tha kyonki vah unki jat ka nahin tha. kitna pyar karti thi vah kartik se aur kitna girgirai thi, roi thi par uske man-bap nahin mane aur ab jab mane hain to bahut der ho chuki hai. kartik se uski mulakat kaelej men hui thi. donon sath-sath parhte the.
vah bahut hoshiyar tha tatha kuch bara karne ki khvahish rakhta tha. em. di karne ke bad munbai men uski ek bare aspatal men naukri lag gai thi aur kanika ko bhi usi haespital se aefar tha. donon ne yahi socha tha ki donon pahle kuch samay kam karenge aur fir apna aspatal khol lenge. inhin sapnon ko lie vah apne ghar dilli ai thi. uske mata-pita uske lie apni biradri men larka dhunrh rahe the lekin jab usne unhen kartik ke bare men bataya to unhonne jamin asman ek kar diya aur use saf mana kar diya gaya.
kanika ke jid karne par uske mata-pita mar pit tak par utar ae, uska mobail fon chin liya gaya. kanpyutar tak ghar se hata liya gaya aur uska ghar se niklna tak band kar diya gaya. do mahinon tak vah apne doston se aur kartik se bat nahin kar pai aur uske vidroh karne par uski sakhti se pitai bhi ki gai aur udhar unhonne kartik ke ghar par uske mata-pita aur svayan kartik ko bhi dhamkiyan de dali ki agar kanika se milne ki koshish bhi ki to jan ki khair nahin. donon buri tarah se tut chuke the.
kanika ne kisi tarah se ek bar kartik ko fon kiya aur ro-rokar apni ap-biti batai to kartik ne uska pura sath dene ka vayda kiya aur kaha ki vah uska intjar kar raha hai aur karta rahega par idhar kanika ki ghar men kisi ne ek n suni. pyari si kanika murjha kar ek dam sukh gai par mata-pita ne apni beti ki koi sudh nahin li. usko aspatal khud chorne jate aur khud hi lene jate.
isi tarah se karib chah mahine bit gaye. dhire-dhire kartik ke fon bhi ane band ho gae. kanika jo sirf kartik ki as par ji rahi thi vah bilkul tut gai aur jab use kahin se bhi koi pyar ka asra n raha to usne atmahatya ki koshish ki aur apne hath ki nas kat li par vah bach gai kyonki abhi use bahut kuch sahna tha. thik hokar usne kartik se bat karni chahi to kartik ne saf kah diya ki vah dar ke sae men rahakar usse shadi nahin kar sakta aur ab vah apne mata-pita ke batae rishte se hi vivah kar raha hai aur is tarah se uska hamasafar kartik usse juda ho gaya.
kanika ne khud ko apne ap men samet liya aur puri tarah se apne ap ko aspatal men jhonk diya. ab vah sari rat dyuti karti taki ghar kam se kam jana pare. use apne mata-pita se nafarat si ho gai thi jinke karan uska pyar usse chin gaya aur aj vahi mata-pita antarjatiya shadi ki bat kar rahe hain jabki aj vah apne vivah ko lekar tatasth si ho gai hai.
uske lie uske mata-pita ne kitne hi larke dekhe par kahin koi bat nahin bani aur jab bhi kahin se bat khatm hoti to vah uske man men dukh ke sath-sath apne mata-pita ke lie chunauti bhi hoti ki ab dhanurho apni biradri men apni pasand ka. meri pasand ko to itni bedardi se thukra diya. kanika isi soch men dubi thi ki nars ne akar bataya ki ek apatkalin kes a gaya hai aur kanika uth pari ek aur bachche ki dilivri karvane. kanika ki kundli ka jyotishiya vishleshan kanika ki janmakundli ke anusar uski sam rashi tatha sam lagn hai
jiske karan vah kafi saumya svabhav ki hai aur bhavuk bhi hai aur apne dil se adhik sochti hai. tritiyesh chandrama tritiya bhav men svarashi ke hone se vah apne kam ko bahut nishtha se karti hai tatha har samay kuch naya sikhne ka prayas karti rahti hai. adhik sikhne ki chah men hi vah apni praivet aspatal ki naukri chorakar dilli ke nami pratishthit sarkari sansthan men naukri kar rahi hai taki jyada se jyada kes kar sake aur nai-nai jankari hasil kar sake.
panchmesh budh apni uchch rashi men chaturthesh surya tatha lagnesh shukra ke sath hone se kanika ne medisin ke kshetra men uchch shiksha prapt ki tatha mangal aur shani ki paraspar drishti sanbandh tatha pancham karak guru ki mangal par drishti hone ke karan ek safal prasuti visheshagya bani. dashmesh shani kendra men sthit hai tatha navmansh men bhi apne svanvansh men hone se kanika ko uchch pad aur pratishtha prapt hui. kanika ke vaivahik sthiti par vichar karen to saptam sthan men shatru rashi men sthit shani evan saptamesh mangal ki paraspar drishti sanbandh ke karan uske vivah men anek badhaen a rahi hain aur anavashyak vilanb ho raha hai.
prem sanbandh ki drishti se bhi dekhen to pancham sthan men nichasth shukra ki surya evan ketu ke sath yuti hone se tatha pancham karak guru ki kamjor sthiti hone se kanika ka prem sanbandh bich men hi tut gaya aur kartik uska hamasafar nahin ban paya. kanika ki kundli men surya tatha chandra donon hi shunya ansh ke hokar atyant kamjor ho gaye hain jiske karan mata-pita ka saport nahin mila aur kanika ko sharirik yatnaen bhi jhelni parin.
vartaman samay men budh ki mahadsha chal rahi hai. budh panchmesh hokar pancham sthan men svarashi men hone se shubh fal pradan kar rahe hain isilie kanika ko ek pratishthit chikitsa sansthan men naukri mili. budh ki dasha iske profeshan ki drishti se bahut achchi rahegi aur unche mukam tak pahunchaegi. age budh men surya ane par fir se kanika ke jivan me koi dastak de sakta hai jise vah apne jivan ka asli hamasafar bana sakegi.