shastra kahta hai ‘avashyamev bhoktavyan kritan karm shubhashubhm’ arthat manushya ko apne kie gae shubh-ashubh karmon ke falon ko avashya hi bhogna parta hai. shubh-ashubh karm manushya ka janm janmantar tak picha nahin chorte. yahi tathya brihtparashar hora shastra ke purvashapfladhyay men spasht kiya gaya hai. is adhyay men maitrey ji maharshi parashar se putrahinta ka karan aur uski nivritti ka upay janna chahte hain. maitrey ji kahte hain- ‘putrahin vyakti ko sadgati nahin milti, aisa shastron men kaha gaya hai.
atah kripya kahen ki putrahinta kis pap ke karan hoti hai. janm kundli se us purvakrit papadi ka gyan kaise hoga tatha badha janakar uski shanti kaise hogi? parashar muni bole - ‘he maitrey ! tumne bahut hi uttam prashn pucha hai. pahle parvati ji ke puchne par bhagvan shankar ne jo kaha tha, vahi main yathavat tumhen kahta hun. parvati ji ne pucha- ‘prabho ! kis pap ya kis yog men santan hani hoti hai? santan raksha ke lie kripya upay bhi kahen.’ shankar ji bole- ‘devi ! main tumhen santan hani ke yog-duryog sahit uske fal se bachne ka upay kahta hun. santan hani yog: guru, lagnesh, saptamesh, panchmesh ye sare hi balhin hon to santan nahin hoti hai.
surya, mangal, rahu aur shani yadi balvan hokar putra bhav men arthat pancham bhav men gae hon to santan hani karte hain. yadi ye grah nirbal hokar panchamasth hon to santandayak hote hain. shap ka gyan: sarp shap se santan sukh ka abhav nimnalikhit yogon men sarparaj ke shap arthat purva janm ya is janm men jane anjane ki gai sarp hatya janit dosh se santan hani hoti hai-
- pancham men sthit rahu ko mangal purn drishti se dekhe athva rahu mesh ya vrishchik men ho.
- panchmesh rahu ke sath kahin bhi ho tatha pancham men shani ho aur shani ko ya mangal ko chandrama dekhe ya usse yog kare.
- santankarak guru rahu ke sath ho aur panchmesh nirbal ho, lagnesh aur mangal sath-sath hon.
- guru aur mangal ek sath hon, lagn men rahu sthit ho, panchmesh chathe, athven ya 12 ven bhav men ho.
- pancham men tisri ya chathi rashi ho, mangal apne hi navansh men ho, lagn men rahu aur gulik ho.
- pancham men pahli ya athvin rashi ho, panchmesh mangal rahu ke sath ho athva panchmesh mangal se budh ka drishti ya yog sanbandh ho.
- pancham men surya, mangal, shani ya rahu, budh, guru ekatra hon aur lagnesh aur panchmesh nirbal hon.
- lagnesh aur rahu ek sath hon, panchmesh aur mangal bhi ek sath hon aur guru aur rahu ek sath hon. sarpashap shanti vidhan: sarpasap ki nivritti ke lie nagpuja apni kul paranpranusar karen. nagraj ki murti ki pratishtha karen athva nagraj ki sone ki murti banvakar pratidin puja karen. tatpashchat godan, bhumidan, tildan, svarnadan apni samathrya ke anusar karen. tab nagraj ki prasannata se vansh chal parta hai.
pitrishap se santan hani:
- pancham men surya tula rashi men makar ya kunbh navansh men ho tatha pancham bhav ke donon or pap grah hon.
- pancham men sinh rashi ho, panchven ya nauven bhav men surya v pap grah hon tatha surya pap drisht ya pap madhya men ho.
- sinh rashi men guru ho tatha panchmesh aur surya sath hon. pahle tatha panchven bhav men pap grah hon.
- lagnesh durbal hokar pancham men ho, panchmesh suryayut ho tatha pahle aur panchven bhav papyut hon.
- dashmesh hokar mangal panchmesh se yukt ho tatha pahle, panchven aur 10 ven bhav men pap grah hon.
- dashmesh chathe, athven ya 12 ven men ho tatha santankarak guru pap grah ki rashi men ho aur pahla aur panchvan bhavesh papyukt hon.
- dashmesh pancham men ya panchmesh dasham men ho tatha pahla aur panchvan bhav papyukt hon.
- pahle ya panchven bhav men kisi bhi prakar se surya, mangal aur shani sthit hon tatha athven ya 12 ven men rahu ya guru ho.
- ashtam bhav men surya, pancham men shani aur panchmesh rahu ke sath pahle ya panchven aur lagn men pap grah hon.
- dvadshesh lagn men, ashtamesh pancham men aur dashmesh ashtam men ho.
- shashthesh pancham men ho, dashmesh shashth men ho tatha guru aur rahu sath hon. uparyukt yogon men pitrishap se santanhinta hoti hai.
pitrishap shanti ka upay: pitridosh nivaran hetu gaya (bihar) men shraddh karen tatha ek hajar ya das hajar brahmanon ko vahan bhojan karaen. is vidhan men asamarth hon to kanyadan karen v godan karen. is tarah vidhanpurvak shanti karne se pitrishap se mukti hoti hai tatha putra-pautradi se vansh ki vriddhi hoti hai. matrishap se santan hani: nimnalikhit yogon men matrishap ya matridosh se santan hani hoti hai.
- pancham bhav men kark rashi ho aur chandrama bhi nichagat ya pap madhya ho aur chaithe aur panchven bhav men pap grah hon.
- ekadash sthan men shani ho, chaturth bhav men pap grah ho, aur pancham men nichagat chandrama ho.
- panchmesh chathe, athven ya 12ve men ho, lagnesh nichagat ho aur chandrama papyukt ho.
- panchmesh chathe, athven ya 12ven men ho, chandrama pap navansh men ho aur pahle aur panchven bhavon men pap grah hon.
- pancham men kark rashi ho, chandrama shani, mangal ya rahu se yukt ho aur panchven ya nauven bhav men ukt chandrama ho.
- pancham men mangal ki rashi ho tatha mangal, shani aur rahu ek sath hon, pahle ya panchven bhav men chandra aur surya hon.
- pahla v panchvan bhavesh shashth men hon, chaturthesh ashtam men ho aur athvan v 10van bhavesh lagn men hon.
- chatha v athvan bhavesh lagn men hon, chaturthesh 12ven men ho, pancham men chandra aur guru papyukt hon.
- lagn pap grahon ke madhya ho, kshin chandrama saptam men ho tatha rahu v shani chaithe ya panchven bhav men hon.
- ashtamesh pancham men ho, panchmesh ashtam men ho aur chandrama v chaturthesh chathe, athven ya 12ven men hon.
- kark lagn men mangal aur rahu sath hon aur chandrama aur shani pancham men hon. lagn ya pancham ya ashtam ya dvadash men mangal, rahu, surya, shani kisi bhi prakar se hon. pahla aur chaitha bhavesh chathe, athven ya 12ven men hon.
- brihaspati ashtam men ho tatha mangal aur rahu sath hon, pancham men shani aur chandrama hane. matrishap ka nivarn: uparyukt matrishap yogon men santan ki raksha hetu shanti karni chahie. rameshvaram men snan athva ek lakh gayatri jap karke chandi ke patra men pratidin dudh pien. tatpashchat grahon ka dan karen evan brahman bhojan karaen athva 1008 bar pipal ki vishnurup men puja karke parikrama karen. is prakar karne se he parvati ! ‘shap se mukti aur suputra ki prapti hoti hai tatha kul-vriddhi hoti hai.’ bhratrishap ka gyan:
- shankar ji bole, ‘he parvati ! ab main bhratrishap se santanhinta kahta hun. in yogon men prayatnapurvak shanti karni chahie.
- tritiyesh pancham men mangal aur rahu ke sath ho aur pahla v panchvan bhavesh ashtam men hon.
- pahle ya panchven bhav men mangal aur shani hon tatha navam men tritiyesh aur ashtam men guru ho.
- tritiya men guru nichagat ho, pancham men shani tatha ashtam men chandra v mangal hon.
- lagn ke donon or pap grah hon aur pancham bhav bhi pap madhya ho. pahla v panchvan bhavesh ashtam men hon.
- lagnesh ashtam men ho, pancham men mangal aur ashtam men papyukt panchmesh ho.
- dashmesh tritiya men ho, navam bhav men pap grah ho aur pancham men mangal ho.
- pancham men mithun ya kanya rashi tatha shani aur rahu hon. dvadash men budh aur mangal hon.
- lagnesh tritiya men, tritiyesh pancham men aur pahle, tisre aur panchven bhav men papagrah hon.
- tritiyesh ashtam men aur guru pancham men ho tatha guru aur rahu shani se yut ya drisht hon.
- ashtamesh pancham men tritiyesh ke sath ho tatha ashtam men shani aur mangal hon to bhratrishap se putra nahin hota hai.
shapmukti ka upay: bhratrishap se mukt hone ke lie harivansh puran ka vishnu bhagvan ke samne shravan tatha chandrayan vrat karen athva pipal ke vriksh ki sthapna aur puja karen tatha das gayon ya dashmhadhenu ka dan karen.
sath hi putrechchuk vyakti patni ke hath se bhumi dan karaen. is prakar dharmapatni sahit jo ukt upayon ko karta hai, use avashya hi putra hota hai aur uski vansh vriddhi hoti hai. matulshap se santanhani: nimnalikhit yogon men mama ke shap se santan nahin hoti hai.
- pancham men budh, guru, mangal aur rahu ki sthiti ho aur lagn men shani ho.
- pancham men pahle aur panchvane bhavesh ke sath budh, mangal aur shani hon.
- panchmesh ast ho aur pahle ya satven bhav men shani, lagnesh aur budh sath hon.
- chaturthesh lagn men dvadshesh ke sath ho aur pancham men chandra, budh aur mangal hon. shapvimochan ka upay: is dosh ki shanti ke lie vishnu bhagvan ki pratima ki sthapna karen. paropkararth bavri, kuan, taragadi (jal ke pyau adi ya sarvajnik jalasthan) tatha pul banvane chahie. brahm (brahmana) shap se santanhani nimnalikhit yogon men brahmashap se santan nahin hoti hai.
- rahu nauven ya 12ven rashi men ho pancham men guru, mangal aur shani ho aur navmesh ashtam men ho.
- navmesh pancham men ya panchmesh ashtam men guru, mangal aur rahu ke sath ho.
- navmesh nichasth ho, dvadshesh pancham men ho aur rahu se yukt ya drisht ho.
- guru nich men ho, rahu lagn men ya pancham men ho, panchmesh chathe, athven ya 12ve men ho.
- panchmesh hokar guru ashtam men papyukt ho athva panchmesh surya chandra ke sath ho.
- shani ke navansh men shani ke sath guru aur mangal hon tatha panchmesh dvadash men ho.
- lagn men shani aur guru hon, navam men rahu ho athva dvadash men guru ho. shap nivaran vidhi: brahmashap ke nivarnarth chandrayan vrat karna chahie aur tin prayashchit brahmakurch karke dakshina sahit godan karen. sath hi svarn v pancharatnon ka dan karen aur yathashakti brahman bhojan karaen. aisa karne se suputra ki prapti hoti hai tatha manushya shapmukt hokar shuddhatma v sukhi hota hai. purnamasi ko lagatar 24 ghante ka vrat karke agle din pratah panchagavya pikar vrat kholna ‘brahmakurch vrat’ hai. patnishap se santanhani: nimnalikhit yogon men patni ke shap se (purva patni ya purvajanmakrit patni dosh) santanhinta hoti hai.
- navam men shukra tatha ashtam men saptamesh aur pahle tatha panchven men pap grah hon.
- navmesh shukra ho, panchmesh shashth sthan men ho aur guru, lagnesh v saptamesh chathe, athven aur 12ve men hon.
- pancham men shukra ki rashi ho, rahu aur chandra pancham men hane tatha pahle, dusre aur 12ven men pap grah hon.
- saptam men shukra aur shani hon, ashtamesh pancham men tatha surya aur rahu lagn men hon.
- saptamesh pancham men ho v saptamesh ke navansh men shani ho aur panchmesh ashtam men ho.
- saptamesh aur panchmesh ashtam men hon v guru papyukt ho.
- shukra pancham men ho, saptamesh ashtam men ho aur guru papyukt ho.
- dvitiya men koi pap grah ho, saptamesh ashtam men ho v pancham men koi pap grah ho. - dvitiya men mangal, dvadash men guru aur pancham men shukra ho tatha pancham par shani v rahu ka yog ya drishti ho.
- dusra aur satvan bhavesh ashtam men hon, pahle aur panchven men mangal v shani hon aur guru papyukt ho.
- pahle, panchven v nauven men kramshah rahu, shani, mangal ho aur panchvan tatha satvan bhavesh ashtam men hon. dosh nivaran ke upay: ukt dosh ka nivaran karne ke lie kanyadan karen athva lakshmi v vishnu ji ki sone ki murti, das gaen, shayya, abhushan v vastra kisi garib grihasth brahman ko dan karen. aisa karne se santan hoti hai aur bhagyavriddhi hoti hai. pretadishap se santanhani: pitrikarya shraddh, tarpanadi n karne se pitar pret rup ko prapt ho jate hain. tab unke shap se vansh nahin chalta. janmalagn men in yogon ko dekhakar yah yog kahna chahie.
- pancham men surya aur shani, saptam men kshin chandrama aur lagn aur dvadash men rahu v guru hon.
- panchmesh shani ashtam men ho, lagn men mangal aur ashtam men guru ho.
- lagn men pap grah, vyay men surya, pancham men mangal, budh aur shani aur ashtam men panchmesh ho.
- lagn men rahu, pancham men shani aur ashtam men brihaspati ho.
- lagn men rahu, shukra aur guru hon, chandrama v shani sath hon aur lagnesh ashtam men ho.
- panchmesh nichasth ho, guru bhi nichasth ho aur kisi nichasth grah se guru drisht ho.
- lagn men shani, pancham men rahu, ashtam men surya tatha dvadash men mangal ho.
- saptamesh chathe, athven ya 12ven men ho, pancham men chandrama tatha lagn men shani aur gulik hon.
- ashtamesh pancham men shani aur shukra ke sath ho aur guru ashtam men ho. (pitr) pret shap ke upay: is dosh ki shanti ke lie gaya men shraddh tatha rudrabhishek karen athva brahmaji ki svarnamayi murti, chandi ke vartan aur nilam ka dan tatha godan karen aur brahmanon ko bhojan karakar dakshina den. aisa karne se shap se mukti hoti hai tatha putrotpatti evan vansh vriddhi hoti hai.
grah yogon se niahsantan yog:
- dusra, panchvan tatha satvan bhavesh pap rashi men papyukt hokar sthit hon ya inke navanshesh paprashi ke navansh men papyukt hon.
- dvadshesh ka navanshesh ashtam men ho aur panchmesh krur shashtyansh men ho.
- pahla aur panchvan bhavesh chathe, athven ya 12ven men hon, guru nichagat ho aur pancham men koi napunsak grah (budh, shani) ho.
- guru krur shashtyansh men, panchmesh ashtam men v ashtamesh pancham men ho.
uparyukt yogon men santan nahin hoti hai. is prakar ke yogon men ukt grah ki shanti karni chahie. grah badha shanti: yadi santan sukh men budh aur shukra badhak hon to shivpujan karen.
guru chandrakrit dosh ho to mantra, yantra aur aushdhi prayog karen. rahu badhak ho to kanyadan karen. surya ka dosh ho to vishnu ji ka jap ya harivansh puran ka shravan karen. samanyatah achchi santan prapt karne ke lie aur sab doshon ko dur karne ke lie harivansh puran ka bhaktipurvak shravan karna chahie.