sukhamay jivan jine ke lie vyakti ko tin prakar ki urja ki avashyakta hoti hai jismen ek urja hamen bhojan ke dvara prapt hoti hai. dusri urja hamen surya se prapt hoti hai aur tisri urja hamen ratnon ke dvara prapt ho sakti hai. sharir men jis grah ki urja kam ho use dhyan men rakhte hue ratn ka nirdharan kiya jata hai. ratn pahnne ke pashchat ratn akash mandal se grahon ki anukul tarangon ko ekatrit kar sharir men pravisht karta hai. ek prakar se ham kah sakte hain ki ratn entina ki bhanti karya karta hai. agar ham ise sadharan tarike se samjhen to yah usi tarike se kam karta hai jaise - kisi vyakti ki ankhon ki roshni kam ho jati hai to daektar use chashma pahnne ki salah dete hain aur jaise hi vyakti apni ankhon par chashma lagata hai use saf dikhai dene lagti hai. iska karan yahi hota hai ki vyakti ki ankhon ki roshni chashme ke shishe se takrati hai aur us vyakti ko saf dikhai dene lagta hai.
usi prakar jab vyakti ratn ki anguthi dharan karta hai to us ratn se sanbandhit grah use apne chunbkiya prabhav se us vyakti ko urja dete hanai aur use us grah ka purn fal ratnon ke madhyam se prapt hota hai. ratnon ki mahima ka gan hamare rishi-muniyon ne, vaidik aur dharmik shastron men tatha kaviyon ne apne-apne dhang se kiya hai. ved, ramayan, mahabharat aur puranon men kai tarah ki chamatkarik maniyon evan ratnon ka varnan milta hai. pauranik kathaon men sarp ke sir par mani ke hone ka ullekh milta hai. aisa mana jata hai ki chintamni ko svayan brahmaji dharan karte hain. rudramni ko bhagvan shankar dharan karte hain. kaustubh mani ko bhagvan vishnu dharan karte hain. isi tarah aur bhi kai maniyan hain jinke chamatkaron ka ullekh puranon men hai. jaise- paras mani, nil mani, nagmni aur n jane kitni maniyan prachin kal se sabhi ko apni or akarshit karti rahi hanai.
ratnon se vyakti ka prem kisi varg, dharm ya star ki simaon men bandha hua nahin hai. ratnon ka yah jadu aj har vyakti ke sir charh kar bol raha hai. yahan tak ki bolivud jagat bhi isse achuta nahin raha hai. kai nami girami bolivud abhineta-abhinetriyon ka ratnon se vishesh lagav dekha ja sakta hai. bolivud men ratnon ko saundarya aur akarshan shakti barhane ke lie hi dharan nahin kiya jata hai balki bolivud sitaron ka bhi jyotish vishay men vishesh astha-vishvas raha hai jiske chalte apne bhagya ko chamkane, jindgi ko behatar banane aur raton-rat saflta ke asman par cha jane ki kamna se ratnon ko dharan kiya jata hai. bolivud men yah dekha gaya hai ki ratn dharan karne vale sitaron ka bhagya ek hi rat men badal gaya aur vo chakachaindh ki is duniya men mashhur ho gae. aj ke samay men amitabh bachchan, aishvarya ray, hema malini, shilpa shetti, sanjay datt, govinda, lata mangeshakar, jaya prada tatha rajneta pranab mukharji, lalu prasad yadav, mulayam sinh yadav aur kriketar sunil gavaskar tatha charchit vyavsayi vijay malya bhi ratnon ke moh men fanse hue hain.
amitabh bachchan adhunik yug men rank se raja banne ki kahani men sinema jagat ke mahanayak amitabh bachchan ka nam liya jata hai. amitabh bachchan ne apne ‘‘kariyar men sabse behtrin aur sabse kharab daur bhi dekha hai. unke jivan men ek samay aisa a gaya tha ki lakshmi ji unse purn rup se rusht ho chuki thin. jab unhonne kisi jyotishiya salah se nilam ratn dharan kiya to unhen kaun banega karorpti’’ ke madhyam se ek nai shuruat karne ka mauka mila aur unhonne fir dobara piche mur kar nahin dekha. isilie kahte hain ki yadi jivan ki kathinaiyon men kisi anubhvi jyotishi ki sahi salah mil jae to jivan ka rukh badal jata hai. nilam ratn ko dharan karne ka unka faisla bilkul sahi sabit hua aur unhonne kamyabi ko dobara prapt kiya aur dekhte hi dekhte rusht lakshmi punah unke jivan men laut ain. ve aj bhi madhyama anguli men nilam dharan kie hue hain.
nilam ratn ke vishay men yah manyata hai ki yadi nilam dharan karna hai to mehanat avashya karni paregi kyonki shani ek mehanat priya aur imandar grah hai isilie iska ratn nilam sirf mehnti aur imandar logon ko chamatkarik fal deta hai aur yah bat shri amitabh bachchan ko dekhte hue solah ane sach sabit hoti hai. aishvarya ray bhavya aur akarshak aishvarya ray ne jab 1994 men ‘mis valrda’ ka khitab jita to bharat ke lie yah garva ka vishay raha. aishvarya ne apne pradarshan aur shalin vyavhar se sari duniya ko mantramugdh kar diya. iske pashchat jab aishvarya ray ne bolivud men apna pahla kadam rakha to unhen koi khas saflta nahin mili. lekin iske bad ‘tal’ aur ‘ham dil de chuke sanm’ jaisi filmon ne unhen saflta ka svad chakha hi diya. unhonne apne kariyar men kai charhav ke sath utar bhi dekhe. is sthiti men unhonne apne bhagya ko shakti dene ke lie ratnon ka sath prapt kiya.
kaha jata hai ki unhonne saundarya aur saflta ka pratik hira iske bad hi dharan kiya tha. hira saundarya ki duniya men saflta dilane men mahatvapurn bhumika nibhata hai. hira shukra ka ratn hai aur duniya bhar ke sitaron aur kalakaron ka pasandida ratn hai. is ratn ko vishesh rup se filmi duniya, manoranjan aur saundarya udyog men karyarat vyaktiyon ke dvara dharan kiya jata hai. is ratn ko dharan karne ke bad aishvarya ray hindi, angreji, tamil aur bangali men kai darjan safal filmen de chuki hain. hira ratn ko aishvarya ray kafi lanbe samay se dharan kie hue hain. iske sath hi aishvarya ray madhyama anguli men ek nilam aur kabhi-kabhi opal bhi pahnti hanai. aishvarya ray ki uplbdhiyan aur khyatiyan kafi had tak in ratnon ke falasvarup hai. aishvarya ray aj ke samay men vyavsayik saflta ki unchaiyon par hanai. is varsh bhi aishvarya ki kai filmen rilij hui hain.
ve aj svayan ko bhartiya film udyog ki samkalin abhinetriyon men agrani sthan par sthapit kar chuki hain. salman khan salman khan aur vivad ka choli-daman ka sath raha hai. parchain ki tarah vivad salman ka picha karte rahe hain. n chahte hue bhi vivadon se salman hamesha ghire rahe hain. jitne salman khan apne vyavhar ke karan charchit rahte hanai utna hi unka breslet charcha ka vishay raha hai. salman khan ki to jaise pahchan hi ban chuka hai unka firoja breslet. yah firoja ratn unhen unke pita ke dvara uphar svarup diya gaya hai. pita ke dvara diya gaya yah breslet salman ke lie kafi bhagyashali bhi raha hai. salman khan ko bhagyashali aur akarshak banae rakhne men firoja jarit breslet ne mahatvapurn bhumika nibhai hai. yah firoja unhonne chandi dhatu men jarva kar pahna hua hai. firoja ratn ke bare men yah mana jata hai ki firoja shighra bhagya badlta hai.
yah ratn achchi kismat lekar ata hai aur pahnne se buri kismat dur hoti hai. yah breslet aj unka pratik ban gaya hai. yahan tak ki tusad myujiyam men bani mom ki pratima men bhi salman khan ko breslet pahne darshaya gaya hai. shilpa shetti bhartiya film udyog ki jani mani abhinetri shilpa shetti ne bhi saflta ke lie ratn therepi ka istemal kiya hai. shilpa ka peshevar aur niji jivan jab pareshaniyon ke daur se gujar raha tha tab usne panna ratn dharan kiya. is ratn ko dharan karne ke bad shilpa ka jivan badlna arambh ho gaya. iske pashchat hi usne shadi ki aur uske peshevar jivan men sudhar ana arambh hua. shilpa shetti panna aur pukhraj do mahatvapurn ratn ek sath dharan karti hanai. donon hi ratn shilpa ko samman, saflta de rahe hain. shilpa samajik sansthaon ke lie karya kar rahi hain aur kriket jaise kshetron se bhi juri hui hain. shilpa shetti ke alava yah panna ratn priti jinta aur rani mukharji ne bhi dharan kiya hua hai.
tinon kalakaron ko bharat ki pramukh abhinetriyon ke rup men gina jata hai. ye sabhi film jagat ka safal hissa rahi hanai. ye sabhi panna ratn dharan kiye rahti hanai. karina kapur khubsurat bolivud abhinetri karina kapur bhi ratnon ki shakti men vishvas rakhti hanai. vah bhi achchi kismat aur bhagyoday ke lie pukhraj aur moti ki anguthi dharan kie rahti hain. grahon ki shubhta ko prapt karne ke lie ratn shakti ka karina ke dvara prayog kiya jata raha hai. pukhraj unka pasandida ratn hai. yah ratn unhen man-samman, achchi kismat, dhan aur bhagya de raha hai tatha chandra ratn moti ki shubhta se unka jivan shantipurn bana hua hai. moti ratn karina kapur ko sadaiv sakaratmak banae rakhta hai. pukhraj aur moti ka sanyojan kuch vishesh vyaktiyon ke lie chamatkari siddh hua hai. iske atirikt kabhi-kabhi vo lal munga bhi pahnti hain. vidya balan u lala fem vidya balan apne bhagya ko bal dene ke lie moti ratn dharan karti hain.
unke kangan men bhi ratn dekhe ja sakte hain. ye ratn inke lie bhagyashali ratn siddh ho rahe hain. sarvajnik puraskar ke ayojnon men inhen bhartiya paranprik veshbhusha men anek ratnon se saja hua kai bar dekha gaya hai. imran hashmi ratnon ka jadui sparsh filmi sitaron ko vastav men sitaron ka darja dila deta hai. filmi sitaron ki saflta aur jivan kafi had tak grahon ke ratnon par adharit hai. imran hashmi lal munga, manik, pukhraj aur opal jaise ratnon ko dharan kie rahte hanai. mana jata hai ki inhen mardara-2 aur jannata- 2 jaisi filmon men saflta inhin ko pahnne ki vajah se mili hai. aisa nahin hai ki inki filmen flop nahin hui hanai parantu ratnon ka sath hone ke karan nuksan thora kam hota hai. guru, surya aur mangal in sabhi grahon ki shubhta prapt karne ke lie imran hashmi ne in grahon ke ratnon ko dharan kiya hua hai. ratnon ke madhyam se ye grahon ki shakti ka dohan karne ki puri koshish kar rahe hain.
sanjay datt bolivud men apne nam aur kam donon se pahchane jane vale sanjay datt kai pasandida ratn dharan kiye rahte hain. sanjay datt pukhraj aur moti dharan karte hain. sanjay datt jemolaji ke ek bahut bare prashansak hain aur apne kariyar ke shuruati samay se hi inhonne ratnon ko dharan kiya hai. khalnayak film se bolivud men apni jagah banane vale sanjay apne dahine hath ki bich ki anguli men ek silon nili nilmni ka upyog karte hain. guru grah ka ratn pukhraj aur chandra grah ka ratn moti donon hi sanjay datt ne dharan kiye hain. in ratnon ko dharan karne ke bad hi ‘‘munna bhai embibies ’’ men saflta ke lie inhen puraskrit bhi kiya gaya.
farha khan bolivud men urja, shakti, prasiddhi aur bhagya ka sahyog banae rakhne ke lie farha ne bhi ratnon par vishvas kiya hai. bolivud men safal koriyografar farha apni pahli film se hi saflta ki sirhiyan charhti gai hain. om shanti om, jo jita vahi sikandar, haippi nyu iyar jaisi safal filmen de chuki farha khan ne sone ki anguthi men pukhraj pahna hua hai. jisse farha ki unnati ka marg khul gaya hai.