sharir shubhashubh lakshanam pan sharad tripathi puranon men lakshanon ke adhar par manav sharir ke tin prakar ke lakshan batlae gae hain. manushya ke uÿam, madhyam tatha adham ye tin prakar ke lakshan hote hain jinke dvara ek vidvan jyotishi unke bhut, vartaman evan bhavishya ka andaja laga leta hai. vidvan vyakti ko shubh muhurt ke madhyahn men sharir ke lakshanon ko dekhakar unka fal kathan karna chahie. pahle jatak ki ayu dekhakar hi lakshan dekhna chahie kyonki kam ayu ke jatak ke sabhi lakshan sahi evan spasht parilakshit nahin hote hain. jiske karan faladesh bahudha galat siddh ho jata hai. praman samuh, chaya gati, sharir ke samast ang, dant, kesh, nakhun, rom, bal, tvacha adi ka gahan vivechan karke hi falakathan karna chahie. apni anguliyon se jo purush ek sau ath arthat char hath barah angul ka hota hai vah uÿam lakshanon vala hota hai. sau angul praman ka hone par madhyam tatha nabbe angul ka hone par, adham mana jata hai. jiska pair komal, mansal, rakt varn, snigdh, uncha pasine se rahit ho aur uski nariyan dikhayi nahin parti hon to vah manushya raja hota hai. jiske pair ke talve men ankush ka chihn ho, vah sada sukhi rahne vala hota hai. sup ke saman rukha, safed nakhunon se yukt, viral anguliyon se yukt charan vala, terhi evan rukhi nariyane se vyapt sharir vale purush sada daridra aur duahkhi rahte hain. ag men tapai hui mitti ke saman rang vala brahm hatya karne vale, pile charan vale surapan men lipt evan shvate varn ke charan vale abhakshya padarthon ka bhakshan karne vale hote hain. mote anguthe (pairon ke) vale purush bhagyahin, vikrit anguthe vale duahkhi hote hain. chipte, vikri t tatha tute hue anguthe vale jatak prayah vidit hote hain. terhe-merhe, fate hue tatha chote anguthe vale jatak sada kasht bhogte hain arthat unka jivan bahudha sangharshamay evan kashtamay hi rahta hai. jis purush ke pair ki tarjani, anguthe se bari ho usko stri sukh prapt hota hai. kanishtha anguli bari hone par svarn ki prapti hoti hai. chapti, sukhi tatha viral hone par purush dhanhin hokar sada hi duahkhi rahta hai. rom yukt janghaon vala purush bhagyahin choti janghaon vala aishvaryashali kintu vivadon men lie rahne vala hota hai. mrig ke saman jangha vala vyakti raja hota hai. sinh tatha vagh ke saman jangha vala dhanvan v lambi moti aur mansal jangha vala aishvaryavan hota hai. mans rahit ghutne vale vyakti ki mrityu pardesh men hoti hai. hans, shukra, vrish, sinh, gaj adi jivon ke saman gati hone par vyakti bhagyavan athva raja hota hai. jis jatak ka rakt kamal ke sadris hota hai vah dhanvan hota hai. kuch lal tatha kuch kala rakt vala manushya adham tatha papakarm karne vala hota hai. jis purush ka khun munge ke saman lal tatha snigdh hota hai vah saton dvipon ka raja hota hai. bagh, sinh, mendhak adi ke saman pet hone par raja hota hai. mans se pusht, sidha aur gol pith vala vyakti raja hota hai. bagh ke saman pith vala vyakti sena nayak hota hai. kachue ke saman pith vala vyakti dhanvan hokar sukh saubhagya se sampann hota hai. rukhi-sukhi vikrit hath ki anguliyon vala purush dhanhin evan dukhi hota hai. jis jatak ke hath men matsya rekha hoti hai vah sabhi karyon ko siddh karne vala dhan-dhanya putra-pautra ka sukh bhogne vala hota hai. jiske hath men taraju ya vedi ka chihn hota hai vah purush kray-vikray (vyapar) se labh prapt karta hai. jiske hath men vriksh aur parvat ka chihn hota hai vah sthir dhan lakshmi ka svami hota hai. jiske hath men ban, dhanush, tonar, bhala, bardi, kharag adi ayudhon ka chihn hota hai vah yuddh men vijyi hota hai. jiske hath men dhvaja aur shankh ka chihn ankit hota hai vah jalmarg athva vayumarg se vyapar karta hai. hath men kamal, vajra, rath, kalash adi ka chihn hone par vyakti shatruon ko vash men karne vala ya shatruon se rahit raja hota hai. dahine hath ke anguthe men yav (jau) ka chihn hone par purush sabhi vidyaon ka gyata tatha kushal pravakta hota hai. jis jatak ke hath men kanishtha ke niche se tarjani ke madhya tak akhandit rekha jati hai to vah vyakti sau sal tak jivit rahta hai. jiska pet sanp ke saman lamba aur enethan liye hue hota hai. vah prayah adhik bhojan karne vala evan dhanhin hota hai. vistirn, faili hui, gol evan gahri nabhi vala vyakti dhan-dhanya se sampann tatha sukhi hota hai. nichi evan choti nabhi vala vyakti anek prakar se kleshit evan duahkhi rahta hai. dakshinavart nabhi buddhi pradata tatha vamavart nabhi shanti pradata hoti hai. sau dalon vale kamal ki karnika ke saman nabhi vala jatak raja hota hai. pet men ek bali hone par shastra se mara jata hai, do bali hone par stri-bhogi, tin bali hone par raja athva acharya hota hai. char bali hone par anek putra vala tatha sidhi bali hone par dhan ka upbhog karne vala hota hai. kathor evan mansal evan saman kandhe vale jatak raja hote hain. unnat evan barabar, mansal aur vistrit vakshah sthal ke svami purush raja ke sadris tatha parakrami hote hain. agar kisi jatak ke donon vaksh sthal saman hain to vah prayah dhanvan evan pusht hone par parakrami evan shurvir, chote hone par dhanhin tatha visham (chota-bara) hone par shastra se marne vala hota hai. unnat hanu (thuddi) vala bhogi tatha visham thuddi vala dhanhin hota hai. bhainse ke sadris griva vala valshali evan shurvir, chipti grivaval dhanhin tatha mrig ke saman grivavala prayah darpok evan kayar hota hai. choti grivavala dhanvan evan sukhi tatha saman grivavala raja hota hai. adhikanshtah tota, hathi, bagula, unt adi ke saman lamba tatha shukra griva vala dhanhin vyakti hota hai. choti bhuja vala purush das tatha visham (choti-bari) bhuja vala purush chor pravriÿia vala hota hai. pusht, unnat, durgandh rahit, sam evan alp rom yukt kankh vale dhani hote hain. lambi bhujaon vala sabhi gunon se yukt hota hai evan januon tak lambi banh vala raja hota hai. jiske hath ka tal gahra hota hai vah pita ke dhan se vanchit tatha darpok hota hai. unche karatal vala purush dani, visham karatal vala mishrit falvala v rakt varn ka karatal rahne par vyakti raja hota hai. shyam v nil varn ka karatal rahne par purush mans mandira gahri aur snigdh hoti hai ve dhanvan hote hain. gahri aur chidrahin anguli vala jatak dhan ko jorne vala tatha kanjus hota hai. viral anguliyon vale jatak ke pas dhan tik nahin pata hai. vyakti ke lakshanon ko janne men mukhakriti ka vishesh adhyayan karna hota hai. chandra mandal ke saman mukh vala vyakti dharmatma hota hai. sunr ki akriti ke mukh vala vyakti bhagyahin hota hai. vikrit, terha-merha, tuta evan sher ke saman mukh vala vyakti chor ya apradhi hota hai. hathi ke saman bhara-pura, sundar evan kanti yukt mukh vala vyakti raja hota hai. bandar athva bakre ke saman mukh vala vyakti dhani hota hai. bare mukh vala vyakti prayah bhagyahin hota hai aur samasyaon se grast rahta hai. lambe mukh vala vyakti dhanhin tatha papakarm men rat hota hai. chaikor mukhakriti vala vyakti dhurt, stri ke saman mukh vala purush tatha nimn mukh vala purush putra hin athva putra se duahkhi hota hai. chipte kanon vala vyakti rogi, chote kan vala kanjus, mans rahit kan vala sangram (yuddha) men marne vala ya parajit hota hai. nariyon se tript kal vala krur hriday, bal evan rom se yukt hone par dirgh jivi tatha lamba evan pusht kan vala devta, guru evan brahmanadi ka bhakt, kripalu bhagyavan tatha raja ke sadris hota hai. tote ki chonch ke saman nak vala vyakti vividh sukhon ka bhog karne vala hota hai. shushk nak vala dirghayu, patli nak vala raja, lambi nak vala bhogi, choti nak vala dharmashil tatha tikhi nakvala vyakti safal vyapari hota hai. baÿais dant vale raja, iktis dant vale bhogi, tis dant vale samanya evan untis dant vale vyakti sada duahkhi rahne vale hote hain. bhalu evan bandar ke saman dant vale bhukhe, shvet, ujjaval evan chamkdar dant vale prani raja tatha chikne evan saman dant vale manushya guni evan sukhi hote hain. tute-fute, rukhe, asman, alg-alag evan behtrin dant vale manushyon ka jivan kasht, avlad evan duahkhon se grast rahta hai. kala evan nili jibh vala vyakti das (naukr), moti evan rukhi jibh vala krodhi, prakriti vala hota hai. shvet varn ki jihva vala adhyatmik evan pankti acharan vala, raktavarn evan choti jihva vala vidvan tatha kamal patra ke sadris jihva vala vyakti raja hota hai. megh ke saman ganbhir svar vale, hans ke saman saumya evan madhur svar vale purush uÿam kahe gaye hain jo karya kushal, guni sukhi evan vakpatu hote hain. kraunch ke saman svar vale raja, adhyatmik dhan sampaÿia ke svami tatha anek prakar se sukh sampann rahte hain. chakravak pakshi ke saman svar vale vyakti praja palak evan dharmavatsal raja hote hain. tute-fute evan vikrit svar vale adham tatha bhagyahin tatha rukhe, krur, unche tatha gharghar svar vale prani prayah duahkhi hote hain. mote kesh tatha rom vale purush duahkhi, do munhe kesh tatha rom tatha rukhe rom vale prani sada bhagyahin evan samasyaon se grast rahte hain. bahut adhik gahre evan kathor kesh vale bhi duahkhi hote hain. viral, komal, snigdh, bhramar athva anjar ke saman ati shyam kesh vale purush dhanvan, sukhi tatha raja hota hai. striyon ke vishesh lakshana: jis pati se pyar pane vali hoti hai. lambe bal, sundar nak tatha dhanushakar bhaunhon ki svamini atishay sukhon ka bhog karne vali hoti hai. shankh ke saman dhaval evan svachch danton vali, madhur bhavi, snigdh angon vali nari aishvarya sampann hoti hai. jis stri ke vam stan par, hath men, kan ke upar athva gale par til ya massa hota hai vah stri pratham garbh se putra ko janm dene vali, saubhagyashali nari hoti hai. bare-bare pairon vali rog se yukt sharir vali mote, rukhe tatha chote hathon vali stri dasi hoti hai. utkat pair, vikrit mukh v upar ke hothon par rom vali nari pati hanta hoti hai. rakt varn ke pairon vali, sundar evan sugthit ungliyon se yukt tath raktim abhavali evan madak netron vali stri atyant sukhon ka bhog karne vali tatha pati ki pran ballabha hoti hai. nitya snan karne vali, sugdhint dritya lagane vali, mridbhashini, alpabhoji, kam sone vali tatha sada pavitra rahne vali stri devi ke saman tatha uÿam hoti hai. vah nari ghar men dhan samriddhi ki vriddhi karne vali, patipriya evan sanskarit balak ki mata hokar sadaiv sukhi hoti hai. gupt rup se pap karne vali, apne pap ko chipane vali, pati ki ninda karne vali stri marjari sangyak hoti hai. pati athva bandhu-badhvon dvara kahe gaye vachnon ko n manne vali, sada manmani karne vali, achar-vichan apvitra rakhne vali stri asuri hoti hai. atishay chanchal svabhav vali, chapal netron tatha malin achar vali stri vanri ke saman hoti hai. chandra mukhi, raktavarna netron vali, shubh chihnon se yukt stri vidyadhari shreni ki hoti hai. vina, meri, mridang, vanshi adi vadyon ko sunne vali, sugandh ka prayog karne vali stri gandharvi shreni ki hoti hai. nari ki griva men rekha ho, netron ka prant bhag thori lalima yukt ho to vah nari lakshmi ke sadris hoti hai aur jis grih men jati hai vahan dhan-dhanya ki vriddhi tatha mangal hota hai. lalat men trishul ke chihn vali stri saubhagyashali tatha anek dasiyon se sobhit hoti hai. hans ke saman gativali, mrignyni, shvet, svachch evan dhaval danton vali stri uÿam, karya kushal men gunon daksh hoti hai. hans ke saman mridu bhashi, madhu (shahd) ke saman pingal varn vali stri, anek putron se yukt, dhan-dhanya se samriddh tatha