ham jahan rahte hain vahan kai aisi shaktiyan hoti hain, jo hamen dikhai nahin detin kintu bahudha ham par pratikul prabhav dalti hain jisse hamara jivan asta-vyast ho uthta hai aur ham dishahin ho jate hain. in adrishya shaktiyon ko hi am jan upri badhaon ki sangya dete hain. bhartiya jyotish men aise katipay yogon ka ullekh hai jinke ghatit hone ki sthiti men ye shaktiyan shakriya ho uthti hain aur un yogon ke jatkon ke jivan par apna pratikul prabhav dal deti hain.
yahan upri badhaon ke kuch aise hi pramukh yogon tatha unse bachav ke upayon ka ullekh prastut hai.
û lagn men rahu tatha chandra aur trikon men mangal v shani hon, to jatak ko pret pradatt pira hoti hai.
û chandra pap grah se drisht ho, shani saptam men ho tatha koi shubh grah char rashi men ho, to bhut se pira hoti hai.
û shani tatha rahu lagn men ho, to jatak ko bhut satata hai.
û lagnesh ya chandra se yukt rahu lagn men ho, to pret yog hota hai.
û yadi dasham bhav ka svami athven ya ekadash bhav men ho aur sanbandhit bhav ke svami se drisht ho, to us sthiti men bhi pret yog hota hai. ukt yogon ke jatkon ke acharan aur vyavhar men badlav ane lagta hai. aise men un yogon ke dushprabhavon se mukti hetu nimnalikhit upay karne chahie.
û sankat nivaran hetu pan, pushp, fal, haldi, payas evan ilaichi ke havan se durgasaptashati ke barhven adhyay ke terhven shlok sarvabadha........n sanshyah mantra se sanputit navchandi prayog karaen.
û durga saptashati ke chaithe adhyay ke chaibisven shlok ka path karte hue palash ki samidha se ghrit aur silabhish ki ahuti den, kashton se raksha hogi.
û shakti tatha saflta ki prapti hetu gyarhven adhyay ke gyarhven shlok srishti sthiti vinashanan......ka uchcharan karte hue ghi ki ahutiyan den.
û shatru shaman hetu sarson, kali mirch, dalchini tatha jayafal ki havi dekar adhyay ke unchalisven shlok ka sanputit prayog tatha havan karaen.
kuch anya upay
û mahamrityunjay mantra ka vidhivat anushthan karaen. jap ke pashchat havan avashya karaen.
û mahakali ya bhadrakali mata ke mantranushthan karaen aur karyasthal ya ghar par havan karaen.
û guggul ka dhup dete hue hanuman chalis tatha bajrang ban ka path karen.
û ugra devi ya devta ke mandir men niyamit shramdan karen, sevaen den tatha saf safai karen.
û yadi ghar ke chote bachche pirit hon, to mor pankh ko pura jalakar uski rakh bana lane aur us rakh se bachche ko niyamit rup se tilak lagaen tatha thori-si rakh chata den. ghar ki mahilaen yadi kisi samasya ya badha se pirit hon, to nimnalikhit prayog karen. sava pav mehandi ke tin paiket (lagabhag sau gram prati paiket) banaen aur tinon paiket lekar kali mandir ya shastra dharan kie hue kisi devi ki murti vale mandir men jaen. vahan dakshina, patra, pushp, fal, mithai, sindur tatha vastra ke sath mehandi ke ukt tinon paiket charha dane. fir bhagvti se kasht nivaran ki prarthana karen aur ek fal tatha mehandi ke do paiket vapas lekar kuch dhan ke sath kisi bhikharin ya apne ghar ke aspas safai karne vali ko den. fir usse mehandi ka ek paiket vapas le len aur use gholakar pirit mahila ke hathon evan pairon men laga den. pirita ki pira mehandi ke rang utrne ke sath-sath dhire-dhire samapt ho jaegi. vyapar sthal par kisi bhi prakar ki samasya ho, to vahan shvetark ganpti tatha ekakshi shrifal ki sthapna karen. fir niyamit rup se dhup, dip adi se puja karen tatha saptah men ek bar mithai ka bhog lagakar prasad yathasanbhav adhik se adhik logon ko banten. bhog nitya prati bhi laga sakte hain.
û kaman prayogon se hone vale dushprabhavon se bachne ke lie dakshinavarti shankhon ke jore ki sthapna karen tatha inmen jal bhar kar sarvatra chirkte rahen.
û hani se bachav tatha labh evan barakat ke lie gorochan, laksha, kunkum, sindur, kapur, ghi, chini aur shahad ke mishran se ashtagandh banakar uski syahi se niche chitrit panchdshi yantra banaen tatha devi ke 108 namon ko likhakar path karen.
û badha mukti ke lie: kisi bhi prakar ki badha se mukti ke lie matsya yantra se yukt badhamukti yantra ki sthapna kar uska niyamit rup se pujn-darshan karen.
û akaran pareshan karne vale vyakti se shighra chutkara pane ke lie: yadi koi vyakti bagair kisi karan ke pareshan kar raha ho, to shauch kriya kal men shauchalay men baithe-baithe vahin ke pani se us vyakti ka nam likhen aur bahar niklne se purva jahan pani se nam likha tha, us sthan par apne baen pair se tin bar thokar maren. dhyan rahe, yah prayog svarthavash n karen, anyatha hani ho sakti hai.
û rudraksh ya sfatik ki mala ke prayogon se pratikul paristhitiyon ka shaman hota hai. iske atirikt sfatik ki mala pahnne se tanav dur hota hai.