pichle lekh men apko barth taim rektifikeshan (biti. ar) karne ke thos niyamon se avagat karvaya gaya tha. is lekh men ek udaharan ki sahayta se bi. ti. ar. ko samjhane ka prayas kiya gaya hai. pahle niyam yani ki ruling plainets ;tnasapadah chsandmjeddh ki sahayta se is vishisht kundali ka janm samay shuddh karenge tatha uske pashchat ham bi. ti. ar. ke sudrirh niyamon ko bhi lagu karenge. kisi jatak ne apni janm tithi 6 julai 1973, janm samay subah 6 baje se lekar 6.30 baje ke bich dilli men janm ki ditel prastut ki tatha yah jatak dhatu (loha, tanba, elaey) ka vyapari hai. is jatak ko apne janm samay ko lekar sandeh hai. yahan janm samay men adhe ghante ka sandeh hai. is kes men sabse pratham hamen jatak ke janm samay ko thik karne hetu is jatak ke janm samay ki chandra ki pojishan ko thik karna hoga. taduprant ham jatak ke lagn ko fiks karenge. aisi samasya se niptne ke lie ruling plainets ki madad li jati hai. ruling plainets ka tatparya hai ki jis samay ap kundli par kam karne baithe us samay chandra aur lagn ki pojishan ke sahshasak grah kaun -kaun se hain yani ki chandra kisi rashi men, kisi star men, kisi sab (up) men aur kisi sab sab (up up) men hoga tatha usi samay par lagn bhi kisi rashi, kisi nakshatra, kisi sab aur kisi sab sab men hoga. is prakar mun ke ruling aur lagn ke ruling apko char-char grah upalabdh ho jate hain. mun ke ruling plainets ki sahayta se jatak ke lagn ki pojishan ko fiks kiya jata hai aur lagn ke ruling grahon ki sahayta se ap jatak ke chandra ki pojishan ko fiks karenge.
1) dinanak 13 julai 2016 ko subah 10.48.26 baje, tilak nagar, dilli men jab is vishisht kundali ke janm samay shuddhikaran hetu kampyutar khola gaya tatha jatak ki ditel kampyutar men dali gayi to us samay ruling plainet lagn ki pojishan is prakar thi budh-surya-shani-chandra yani ki us samay lagn budh ki rashi, surya ke nakshatra, shani ke sab aur chandra ke sab sab men uday ho raha tha . is prakar lagn ke ruling char grah budh, surya, shani aur chandra ke rup men is jatak ke chandra ki pojishan ko fiks karne hetu prapt ho gae . isi prakar us samay ruling plainet mun ki pojishan is prakar se thi shukra-rahu-guru-mangal yani ki chandra us samay shukra ki rashi rahu ke nakshatra men, guru ke sab men aur mangal ke sab sab men gochar kar raha tha. rahu is vishisht din surya aur shukra ka bhi pratinidhitva kar raha tha kyonki rahu us din sinh rashi aur shukra ke nakshatra men tha. is prakar ruling plainet chandra ke bhi char grah shukra, rahu, guru, mangal ke rup men is jatak ke lagn ko fiks karne hetu upalabdh ho gae .
2) ruling plainets lagn ke charon grahon ki sahayta se is jatak ke janm ke samay ke chandra ki pojishan ko thik karna hai kyonki janm samay men jatak ko adhe ghante ka sandeh hai. jab bhi janm samay men antar jyada ho to sabse pahle jatak ke janm samay ke chandra ki pojishan ko thik karne ki salah di jati hai.
3) jatak dvara batlaya gaya hai ki uska janm subah 6 aur 6.30 ke bich men hua hai. yahan ham jatak ki kundli ka samay 06ah15 baje rakhakar aranbh karenge kyonki bich ke samay par kundli banane se apko die gae samay ke anusar age aur piche donon taraf jane ki chut mil jati hai.
4) jatak ki kundli 06ah15 baje ki banai gai. is samay par jatak ke chandra ki pojishan budh-surya-shani-rahu ke rup men prakat hui yani ki chandra budh rashi men, surya ke nakshatra, shani ke sab aur rahu ke sab sab men gochar kar raha tha.
5) ab ruling plainets lagn yani ki budh-surya-shani-chandra ki sahayta se jatak ke chandra ki pojishan ko fiks karna hai.
6) budh-surya-shani ye sabhi grah jatak ke chandra ki pojishan men prakat ho rahe hain yani ki yah kundli sab leval tak sahi pratit hoti hai. ab apne sabse strang ruling plainet lagn ke grah chandra ko istemal men lana hai. 6 baj kar 15 minat par jatak ke chandra ka sab sab laerd rahu hai jo ki ar. pi. lagn ke grahon men prakat nahin hua .
7) kundli ka samay tab tak piche kiya gaya jab tak ki jatak ke chandra ki pojishan men chandra n mil jae. jatak ke chandra ki pojishan men sab sab laerd ke rup men chandra ko fiks karna hoga kyonki chandra sabse strang ruling plainet hai.
8) subah 6 baj kar 35 sekand par jatak ke chandra ki pojishan men chandra ka sab sab laerd shuru ho gaya aur vah subah 5 bajakar 41 minat aur 26 sekand tak raha. iska tatparya yah hua ki ishvar ne jo bhi ruling plainets die ar. pi. lagn ke rup men, ve charon grah yani ki budh- surya - shani - chandra jatak ke janm samay ke chandra ki pojishan ko batlate hain yani ki yah sunishchit karne men tanik bhi kathinai nahin ai ki is vishishth jatak ka janm 05.41.26 baje se subah 06.00. 35 baje ke bich men hua hai.
9) ab ham ruling plainet mun ki madad se jo ki shukra-rahu-guru-mangal hai jatak ke lagn ko fiks karne ka prayas karenge. 05.41.26 baje se 06.00.35 baje ke bich jatak ki kundli men jatak ka lagn mithun rashi men 22.08 digri se mithun 26.17.07 digri ke bich rahta hai. matalab is samay ke bich lagn ka rashi svami budh rahne vala hai aur budh ar. pi. mun men grah ke rup men prakat nahin ho raha hai fir bhi lagn ka svami budh ke rup men rakhna parega aur isi samay yani ki 05. 41.26 baje se 06.00.35 baje ke bich lagn ka nakshatra guru (punarvasu) bhi nahin badlta tatha guru ruling plainets mun ke grahon men bhi upalabdh hai. guru ko lagn ke nakshatra ke rup men fiks kiya ja sakta hai.
10) jab 05.41.26 baje se age samay barhaya gaya to lagn ka sab laerd shani aur uske pashchat budh ban kar ae, shani aur budh ruling plainet mun ke grahon ke rup men nahin mile islie lagn ke sab laerd ke rup men shani aur budh ko nahin rakha jaega .
11) budh ke pashchat ketu ka sab laerd subah 05.58.15 baje se subah 06.01.50 baje tak rahne vala hai. lekin jatak ke chandra ki pojishan se chandra ka sab sab laerd 06.00. 35 baje tak hi rahta hai. taduprant mangal ka sab sab shuru ho jata hai tatha mangal ko ham jatak ke chandra ke sab sab laerd ke rup men nahin rakh pae the kyonki ruling plainet lagn men hamen mangal plainet nahin mila tha. to ham yahan yah sunishchit kar sakte hain ki is vishisht jatak ka janm 05.58.15 baje aur 06.00.35 baje ke bich men hi hona chahie .
12) subah 06.00.35 baje jatak ka lagn mithun men 26.17.07 digri par uday ho raha hai yani ki jatak ka lagn, budh-guru-ketu-guru ke rup men prakat ho raha hai. ruling plainets mun men shukra-rahu-guru-mangal ke rup men char grah upalabdh hue hain. shukra bahut hi strang ruling plainet hai kyonki rahu bhi yahan shukra ka pratinidhitva karta hai tatha sath men surya ka bhi kyonki rahu 13 julai 2016 ko sinh rashi aur surya ke nakshatra men gochar kar raha tha. shukra beshak bahut hi strang ruling plainet hai fir bhi shukra ko jatak ke lagn men ko - ruling grah ke rup men prayog men nahin laya ja sakta kyonki jab jatak ke lagn ka sab sab laerd shukra rakha jaega to kaspal niyam ke anusar lagn ke sab sab laerd ka sanbandh chandra ke nakshatra se hona anivarya hai. mun star is kes men surya hai aur surya aur shukra ka sanbandh apas men nahin banta is lie shukra ko lagn ka sab ya sab sab laerd rakhna upyukt nahin hai. beshak shukra ruling plainets mun men bahut hi prabal taur par upalabdh hai. parantu lagn ke sab laerd ke rup men ketu ko rakhna hoga. ketu ruling plainets mun ke grahon men prakat ho raha hai kyonki ar. pi. mun men rahu ruling grah ban kar prakat hua hai. jis din yani ki 13 julai 2016 ko janm samay shuddh karne hetu ruling plainets lie gae us din ketu rahu ka pratinidhitva kar raha hai kyonki ketu rahu ke nakshatra men hai. islie lagn ke sab laerd ke rup men ketu ko rakhna upyukt hai. shukra ko ham lagn ke sab laerd ke rup men nahin rakh pae kyonki shukra ka sab laerd 06.00.35 baje ke bad ata hai tatha jatak ke chandra ki pojishan men chandra, sab sab laerd ke rup men nahin rahta balki mangal a jata hai. mangal ko ham jatak ke chandra ka sab sab laerd nahin rakh pae the kyonki mangal ruling plainets lagn men upalabdh nahin hua tha jiski charcha upar hi ki ja chuki hai.
13) ab bat lagn ke sab sab laerd ko fiks karne ki hai. lagn ka sab sab laerd jo bhi grah fiks karna hai vah 06.00.35 baje se pahle aur 05.58.15 baje ke bich men fiks karna hoga. 06.00.35 baje lagn ka sab sab laerd guru hai. guru ko lagn ke sab sab laerd ke rup men rakh sakte hain kyonki guru ruling plainets mun men upalabdh hai aur iska sanbandh jatak ke mun star surya se bhi sthapit hota hai. parantu guru ko ham pahle hi jatak ke lagn ke star laerd ke rup men fiks kar chuke hain. guru se pahle rahu aur usse pahle mangal ko ham jatak ke lagn ke sab sab laerd ke rup men nahin rakh paenge kyonki is vishisht kundli men rahu aur mangal ka rileshan jatak ke mun star surya se nahin banta beshak rahu hamara ruling plainet mun hai. mangal se pahle chandra ko ham lagn ka sab sab laerd rakh sakte hain kyonki chandra ka jatak ke mun star se sanbandh sthapit ho jata hai. parantu chandra hamare ruling plainet mun men prakat nahin hua islie ham chandra ko bhi lagn ke sab sab laerd ke rup men nahin rakh paenge.
14) chandra se pahle surya ko lagn ka sab sab laerd rakha ja sakta hai kyonki surya ka sanbandh jatak ke mun star se sthapit hota hai. dusre, surya hamara ruling plainet ke mun ka grah bhi hai kyonki ar. pi. mun men rahu prakat ho raha hai tatha rahu surya ka pratinidhitva karta hai. surya ka sab sab laerd 05.59.02 baje se 05. 59.13 baje ke bich rahne vala hai. iska tatparya jatak ka janm isi samay ke bich men hona nishchit hai. 05.59.13 baje lagn ki chap (arka) 95.78 pratishat hai aur purush rashi men lagn uday ho raha hai. niyam hai ki purush jatak ki kundali ko fiks karne hetu lagn ki ark ka 50 pratishat se kam rakhna anivarya hai tatha 05.59.08 baje par lagn ka sab sab laerd surya tatha ark 50 pratishat se kam rakhi gai .
15) upar hamne ruling plainets mun aur ruling plainets lagn ki sahayta se jatak ki kundli ko thik kiya tatha hamne yahan kaspal jyotish men barth taim rektifikeshan ke kuch aur niyamon jaise ki lagn ke sab sab laerd ka jatak ke mun star se sanbandh sthapit hona tatha surya ke ruling, mun ke ruling aur lagn ke ruling grahon ko pahle ya satven ya dasven bhavon ko signifai karna ityadi ko bhi lagu kiya tatha ham yahan yah sunishchit kar pae ki is jatak ka sahi janm samay 05.59.08 baje hai.
16) jaisa ki hamne upar likha ki yah jatak dhatu ityadi ka vyapar karta hai. ise kaspal jyotish ke sudrirh niyamon se bhi kanfarm kiya ja sakta hai.
17) tisre bhav ka sab sab laerd shani mangal ke nakshatra men hai aur mangal dasven bhav men prakat ho raha hai. dasven bhav ka sab sab laerd budh hai. budh shani ke nakshatra men hai aur shani tisre bhav ka sab sab laerd hai. satven bhav ka sab sab laerd shukra shani ke nakshatra men hai aur shani dasvin kaspal pojishan men prakat ho raha hai. iska tatparya yah kundali har prakar se is jatak ke vyapar sanbandhi bhi jankari de rahi hai.