prashna- vastu men badhe hue bhukhand ko kaise thik kiya jata hai? uttar -kisi bhi avasiya,vyavsayik ya audyogik bhukhand ka uttara-purva disha ko chodakar kisi bhi disha men badha hua hona achcha nahin hota. khasakar south-west man badha hona mahapatki, daridrata, karj evan durghatana adi ka karak hota hai. is prakar ke dosh ke nirakaran ke lie piramid ki divar bana kar bhukhand ke niche lagana chahie taki bhukhand aytakar ya vargakar ban jae. in piramidon ki ek se dusre ki duri adhik se adhik tin fut rakhni chahie prashna- brahm sthan ko piramid ke dvara kis prakar thik kiya jata hai? uttara-kisi bhi vyavsayik evan audyogik parisar ke brahm sthan ko thik rakhna avashyak hai kyonki vastu men brahm sthal ko hriday mana jata hai. vyavsayik evan audyogik parisar ke thik bichonbich khambha, pilar ya kisi bhi prakar ka vajan rakhna achcha nahin hota. aisa karne se vyavsayik evan audyogik vikas men gatirodh hota hai. is sthan par dosh rahne par lakh prayatn ke bavjud vikas nahin ho pata. udyog-dhandhe thik dhang se karya nahin kar pate jiske falasvarup bandi ke kagar par chale jate hain. us sthan par sukh-samriddhi evan shanti khatm ho jati hai, divaliyapan ki sthiti ban jati hai, bhagya so jata hai tatha sara parishram vyarth ho jata hai. atah is sthal ko urjamay banae rakhne ke lie nau maltiyar piramid ko brahm sthan par lagana labhaprad hota hai.bahm sthan par khambha ya pilar rahne par iske lie khanbhe ke charon or ath piramid lagaen jisse yah sthan doshrhit hokar udyog dhandhe ko pragti ke path par le jata hai. safltaen kadam chumne lagti hain tatha lokapriyata badhti hai. prashna- jamin ke satah ke dhal ka sudhar kis prakar karna chahie? uttara-vastu men jamin ki dhal uttar, purva ya uttara-purva ki or honi chahie. isse jivan men sukh samriddhi bani rahti hai tatha lakshmi ka sthir vas hota hai. dakshin-pashchim men satah ke dhal rahne par karyon men gatirodh evan pareshaniyan bani rahti han. vyavsayik ya audyogik vikas aisi jaghon par purn rup se nahin ho pata hai. yah dhal doshpurn ho arthat dakshin-pashchim men nicha evan uttara-purva men uncha rahe to is dosh ko dur karne ke lie chitranusar piramid lagaen prashna-ishan kshetra men bani hui sidhi ko kis prakar dosh rahit banaya jata hai? uttara-ishan kon man sidhi arthik tangi, mansik ashanti evan anya vibhinn prakar ke kashtan ka karak hota hai. yadi is sthan par ho to vahan se hata kar rnaitya kon ki or le jaen. yadi aisa sanbhav nahin ho to sidhi ke niche 9 g 9 ka maiks piramid lagaen. sath hi tin piramid pratham tin step tak lagaen taki ishan kon men sidhi ke vajan se urja men ane vali kami ki purti ki ja sake.
Kya aapko lekh pasand aaya?
Subscribe