riyo olanpik men baidmintan pleyar pi. vi. sindhu ki shandar kamyabi se har koi romanchit ho raha hai. apne dhamakedar pradarshan se silvar medal jit kar itihas rachne vali sindhu aur uske koch pi. gopichand par badhaiyan aur puraskaron ki barsat ho rahi hai. ab har koi apne bachche ko pi. vi. sindhu banana chahta hai. isilie hal hi men pi. gopichand dvara gretar noyda men kholi gai baidmintan akaidmi men edmishan ke lie hajarane enkvayri a chuki hai. sindhu ke mata-pita vijya aur pi. vi. ramanna donon vaelibael ke pleyars rahe hain. uske pita pi. viramanna ko bhi vaelibael khel men ullekhniya yogdan hetu varsh 2000 men bharat sarkar dvara pratishthit arjun puraskar se navaja gaya. sabko lagta tha ki sindhu bhi isi gem ko chunegi par sindhu ne 2001 ke ael inglaind opan baidmintan chainpiyan bane pulela gopichand se prabhavit hokar baidmintan ko apna kariyar chuna aur mahaj ath sal ki umra se baidmintan khelna shuru kar diya.
sindhu ne sabse pahle sikandrabad men indiyan relve signal injiniyaring aur dursanchar ke baidmintan kort men mahbub ali ke margadarshan men baidmintan ki duniyavi baton ko sikha aur iske bad ve pulela gopichand ke gopichand baidmintan akaidmi men shamil ho gain. khel ke lie sindhu ki pratibaddhata ka alam yah tha ki ve apne ghar se 56 kimi. dur gopichand baidmintan akaidmi men trening ke lie kabhi let nahin pahunchin. jald hi gem ko lekar sindhu ke ravaiye se gopi prabhavit hone lage aur kahte pae gae ‘‘uske gem ki sabse achchi bat uska ettityud aur kabhi n jhukne vali spirit hai. sindhu ne pichle 12 sal men ek din bhi trening mis nahin ki. unke papa ramanna ke anusar, jab vah choti thi tab unhen bhi uske sath sikandrabad se chalakar haidrabad sthit akaidmi tak ana parta tha. agar ek bhi din use nahin le jate the to vah ro-ro kar bura hal kar leti thi.
2012 men saina ko olanpiks braenj jitte dekhne vali sindhu ne agle hi sal apna pahla siniyar intrneshanal taital maleshiyan opan jita. sindhu maleshiyan opan ke bad makau opan aur valrd chainpiyanships men medal jitne vali pahli indiyan shatalar hai. isi sal sirf 18 sal ki umra men sindhu ko arjun avard se sammanit kiya gaya. mahaj 20 sal ki umra men sal 2015 mane padmashri samman prapt karne vali sindhu sabse kam umra ki padmashri hanai. mehnti, kabhi n thakne vali sindhu ke lie baidmintan se barhakar kuch nahin hai. gem se pahle apna fon bhi khud se dur rakhti hanai aur olanpiks shuru hone ke bad se sindhu ne soshal midiya se bhi duri bana li thi. yah vastav men sindhu ka apne khel ke prati purn samarpan hi tha jisne uske atmavishvas ko barhae rakha aur uske khel men itni jununiyat bhar di ki sindhu ne rajat padak prapt kar bharat ko gaurvanvit kar diya.
jyotishiya vishleshan aiye dekhen kya kahte hain pi. visindhu ke sitare jinhonne use aj ke asman ka sabse adhik roshan sitara bana diya hai. sindhu ki janm rashi v janm lagn kanya rashi ke hone se ye saumya svabhav ki hain. inka janm lagnesh budh grah trikon men mitra rashi men sthit hai. lagn men shubh grah chandrama baithe hain aur lagnesh budh ki tritiya bhav men sthit guru par drishti hai. sindhu men gajab ka atmavishvas hai tatha ye parishrami hone ke sath-sath sakaratmak tatha lakshya ke prati giddh drishti rakhne vali hain. inke sabhi shubh grah inhen kuch alag mukam hasil karne ki prerna dete hain. sindhu ki kundli men anek shubh evan mahatvapurn yog vidyaman hain. amla yog: kundli men lagn athva chandra se dasham bhav men shubh grah hon to yah yog banta hai. sindhu ki kundli men lagn v chandra donon se dasham bhav men shukra sthit hai. isi yog ke karan inhen vishesh yash aur dhan ki prapti hui hai.
voshi yog: brihatparashar hora shastra ke anusar yadi chandrama ko chorakar surya se barhven bhav men koi grah ho to yah yog banta hai. inki kundli men surya se barhven sthan men budh grah sthit hone se yah yog ban raha hai. isi yog ke anusar sindhu ne apne karya kshetra men dakshata prapt ki aur apne bal, mehanat, vidya, buddhi ke mel se khel jagat ke dvara pure sansar men nam kamaya. saral yog: yadi ashtamesh ya ashtam bhav par ashubh grahon ki drishti ya sthiti ho tatha ashtamesh 6, 8, 12 bhav men sthit ho to saral yog banta hai. sindhu ki kundli men ashtam bhav men ketu sthit hai tatha rahu ki bhi drishti hai evan ashtamesh mangal barhven bhav men sthit hai jisse yah yog purn rup se ban raha hai. is yog ke karan inhonne apne drirh nishchay v athak parishram se olanpik men rajat padak prapt kar bahut bari saflta hasil ki. durdhra yog: chandrama ke donon or grah ho to yah yog banta hai.
sindhu ki kundli men chandrama ke donon or rahu aur mangal grah sthit hanai jisse yah shubh yog ban raha hai jiske karan sindhu ko uchch pratishtha, khyati ke sath-sath vishesh dhan ki prapti bhi hui hai. sindhu ki kundli men chaturth bhav ka svami guru parakram bhav men mitra rashi men sthit hai tatha dashmesh budh bhagya bhav men sthit hai. donon grah budh aur brihaspati paraspar ek-dusre ko dekh rahe hain tatha matri karak grah chandra evan pitri karak grah surya donon hi kendra men balvan sthiti men hone se inhen apne mata-pita donon ka bharpur sahyog prapt hua jiska parinam aj sabke samne hai. panchmesh shani bhi shubh grah ki rashi men kendra men sthit hai. do shubh grahon (brihaspati tatha chandra) ki panchmesh shani par purn drishti hone se sindhu apni shiksha tatha diksha donon ke prati purn rup se samarpit thin aur unhen gopichand jaise uttam shikshak bhi mile.
parakramesh mangal ki parakram bhav par drishti tatha karmesh budh ki bhi parakram bhav par drishti hone se sindhu ka khelon ke prati rujhan bachapan se hi tha aur unhen apne uddeshya men saflta bhi mili. sindhu ki kundli ke tisre ghar men pluto bhi hai jo vrishchik rashi men sthit hai jisne sindhu ke khel men gajab ki shakti pradan ki hai. vartaman samay men inki rahu ki mahadsha chal rahi hai. rahu grah atyant shubh sthiti men hai. rahu bhagyesh tatha mitra grah shukra ki rashi men sthit hai. rahu ke donon or brihaspati aur chandrama hone se ek vishesh shubh kartari yog ban raha hai jisse rahu vishesh shubh faldayak ho gaye hain. ajakal rahu men shani ki antardasha bhi chal rahi hai. shani kundli men yog karak hone ke sath gochar men balvan sthiti men, parakram bhav men parakram ke karak mangal ke sath sthit hai jiske prabhav se inhen abhutpurva saflta prapt hui.
2016 riyo samar olanpiks ke lie sindhu ke puraskar
1. 1.01 lakh salman khan ki or se riyo men pratiyogi ke taur par kvalifai karne ke lie.
2. 5 karor aur jamin telangana sarkar ki or se.
3. 3 karor aur grup e kaidar ki naukri aur 1000 varg gaj jamin andhra pradesh sarkar ki or se.
4. 2 karor dilli sarkar ki or se.
5. 75 lakh inke emplaeyar bharat petroliyam kaerporeshan ki or se sath hi asistent se dipti spotars mainejar ke pad par pramoshan.
6. 50 lakh hariyana sarkar ki or se.
7. 50 lakh madhya pradesh sarkar ki or se.
8. 50 lakh yuva mamle aur khel mantralay ki or se.
9. 50 lakh bhartiya baidmintan samiti ki or se.
10. 30 lakh bhartiya olampik samiti ki or se.
11. 5 lakh akhil bhartiya futbal sangh ki or se.
12. biem dablyu kar haidrabad jila baidmintan samiti ki or se jise sachin tendulakar ne bhent kiya.
13. kamandent ka pad si. ar. pi. ef. ki or se.
14. maharaja eksapres tren men muft trip ka aefar bhartiya relve ki or se.
pi. vi. sindhu ke bare men kuch mahatvapurn tathya
1. pi. vi. sindhu pahli bhartiya mahila hai jisne olanpik khelon men rajat padak liya hai.
2. pi vi. sindhu olanpik khelon men koi bhi padak lene vali panchvin mahila hanai.
3. 10 agast 2013 ko sindhu 2013 vishva chainpiyanship men baidmintan mahila ekal men padak jitne vali pahli bhartiya mahila ban gai.
4. 30 march 2015 ko unhen padmashri se navaja gaya.
5. 18 agast 2016 ko olanpik baidmintan fainal men pahunchne vali pratham mahila bani.
6. olanpik baidmintan men inse pahle saina nehval ne landan 2012 khelon men kansya padak jit liya tha. lekin rajat padak to sindhu ne hi pahli bar jita hai bharat ke lie.
7. pi. vi. sindhu ki sabse adhik charcha tab hui jab unhonne 19 agast 2016 ko bharat ke lie riyo 2016 olanpik khelon men baidmintan mahila ekal pratiyogita men rajat padak hasil kiya.