kin karyon ke lie upyogi hai baglamukhi sadhna premshankar sharma s mahavidyaon tatha unki upasna paddhatiyon ke bare men sanhitaon, puranon tatha tantra granthon men bahut kuch diya gaya hai. baglamukhi devi ki ganna das mahavidyaon men hai tatha sanym-niyampurvak baglamukhi ke path-puja, mantra jap, anushthan karne se upasak ko sarvabhisht ki siddhi prapt hoti hai. shatru vinash, marn-mohan, uchchatan, vashikaran ke lie baglamukhi se barh kar koi sadhna nahin hai. mukaddame men ichchanusar vijay prapti karane men to yah ramban hai. bahri shatruon ki apeksha antrik shatru adhik prabal evan ghatak hote hain. atah baglamukhi sadhna ki, manav kalyan, sukh-samriddhi hetu, vishesh upyogita drishtigochar hoti hai. yathechch dhan prapti, santan prapti, rog shanti, raja ko vash men karne hetu karagar (jel) se mukti, shatru par vijay, a a k shar a n a , iv dva e sh a n a , maran adi prayogon hetu a n a id kal se baglamukhi s a dh a n a dvara logon ki ichcha purti hoti rahi hai. baglamukhi ke mandir varansi (uttarapradesh) himachalapradesh tatha datiya (madhyapradesh) men hain, jahan ichchit manokamna hetu ja kar log darshan karte hain, sadhna karte hain. mantra mahoddhi men baglamukhi sadhna ke bare men vistar se diya hua hai. iske prayojan, mantra jap, havan vidhi evan upyukt saman ki jankari, sarvajan hitay, is prakar hai: uddeshya: dhan labh, manchahe vyakti se milan, ichchit santan ki prapti, anisht grahon ki shanti, mukaddame men vijay, akarshan, vashikaran ke lie mandir men, athva pran pratishthit baglamukhi yantra ke samne iske stotra ka path, mantra jap, shighra fal pradan karte hanai. jap sthan: baglamukhi mantra jap anushthan ke lie nadiyon ka sangam sthan, parvat shikhar, jangal, ghar ka koi bhi sthan, jahan shuddhata ho, upyukt rahta hai. parantu khule sthan (asman ke niche) par yah sadhna nahin karni chahie. khula sthan hone par upar kapra, chandoba tanna chahie. vastra: is sadhna ke samay keval ek vastra pahnna nishedh hai tatha vastra pile rang ke hone chahien, jaise pili dhoti, dupatta, angocha le kar sadhna karni chahie. pushp evan mala: baglamukhi sadhna men sabhi vastu pili honi chahien, yatha pile pushp, jap hetu haldi ki ganth ki mala, pila asan. bhojn: dudh, falahar adi, kesar ki khir, besan, kela, bundiyan, puri-sabji adi. mantra evan jap vidhan: sadhak apne karya ke anusar ¬ inin baglamukhi sarvadushtanan vachan mukhan padan stambhay jihnan kilay buddhin vinashay inin ¬ svaha. mantra ke 1 lakh, athva 10 hajar jap, 7, 9, 11, ya 21 din ke andar pure karen. kisi shu( sthan par chaiki par, athva pate par pila kapra bichaen. usapar pile chaval se asht dal kamal banaen. usapar man baglamukhi ka chitra, ya yantra sthapit kar, shodshi ka pujan kar, jap aranbh karna chahie. dhyan rahe ki pratham din jitni sankhya men jap karen, pratidin utne hi jap karne chahien; kam, ya adhik jap nahin. havn: jap sankhya ka dashansh havan, havan ka dashansh tarpan, tarpan ka dashansh marjan tatha marjan ka dashansh brahman bhojan karana chahie. is prakar sadhna karne se siddhi prapt hoti hai. yathechch dhan prapti: chaval, til evan dudh mishrit khir se havan karne par ichcha anusar dhan labh hota hai. santan prapti: ashok evan karvir ke patron dvara havan se santan sukh milta hai. shatru par vijy: semar ke falon ke havan se shatru par vijay prapt hoti hai. jel se mukti: gugal ke sath til mila kar havan karne se kaidi jel se chut jata hai. rog shanti hetu: 4 angul ki redi ki lakdiyan, kumhar ke chak ki mitti tatha shahad, ghi, bura (shakkara) ke sath laja (khil) mila kar havan karne se sabhi prakar ke rogon men shanti milti hai. vashikrn: sarson ke havan se vashikaran hota hai. sab vash men ho jate hain. akarshana: shahad, ghi, shakkar ke sath namak se havan karne par akarshan hota hai. is prakar, manokamna hetu, shraddha-vishvas se jap dvara karya siddh hote hain.
Kya aapko lekh pasand aaya?
Subscribe