kaise janen ki jatak ko putra ya putri santan ki prapti hogi? santan sukh hone ya n hone ke jyotishiya karan kya hain? vistrit varnan karen. uttara: jivan ke sabhi sukhon men santan sukh ka ek alag hi sthan hai. n to purush napunsak kahlana chahta hai n stri banjh kahlana chahti hai. bhartiya hindu dharm granthon men jin panch prakar ke rinon ki vyakhya ki gai hai, unmen se ek pitri rin’ tatha usi prakar ‘matri rin’ bhi hai. yah rin bagair santanotpatti ke nahin chukaya ja sakta. parashar hora shastra men kaha gaya hai-
aputrasya gati nasti shastreshu shruyate mune. arthat santanhin vyakti ko sadgati nahin milti. prachin samay men putra-putri ko putra ka paryay mana jata tha, donon ko sammilit rup se santan kaha gaya. vivah sanskar ke pashchat log santanotpatti ki or agrasar hote hain. jyotish shastra kahta hai ki jatak ki janmakundli uske purva janmon ka lekha-jokha hai. karmon ka bhog janma-janmantar tak bhogna parta hai. isilie jis bij rupi jatak men jo sanbhavna hoti hai, vah usi tarah ke prabhavon ke bich arthat ghari aur nakshatra ko janm ke lie chunta hai. pratyek atma apna garbhadharan chunti hai, kaun sa garbh kab svikar karna hai. islie kaha jata hai ki santan sukh prarabdh, jise ham niyati kahte hain, se sanbandhit hai. santan sukh hone ya n hone, putra ya putri santan ki prapti prarabdh se jura hua hai.
jyotish ka santan ke bare men kisi bhi prakar ka faladesh keval jyotishiya gannaon ke adhar par purvanuman hai. jyotish shastra men varnit is ganna ka adhar keval grah, rashi v nakshatra hai. santan sukh par vichar karne ke lie pati-patni donon ki janm kundliyan avashyak rup se upalabdh honi chahie. jyotish men santan utpatti ke lie purush ko bij rup v stri ko kshetrarupa kaha gaya hai. purush ki kundli se uprokt vishay se sanbandhi santan sukh, paurush shakti, purva arjit punya v bhagya adi ka vichar kiya jata hai
tatha stri ki kundli se uprokt vishay se sanbandhi santan sukh, garbh dharan karne ki kshamata v garbh ki sthiti adi ka vichar kiya jata hai. vartaman samaj men jahan vivah uprant santan utpatti, pati-patni ki ichcha par nirbhar karti hai vahin dusri or santan utpatti ke lie donon ka sharirik samathrya v bhagya ka vichar bhi jaruri hai. jyotishiya drishti men santan sukh purva janm ke karmon se jura hai islie janmakundli men purvakarm v santan sukh ek hi bhav, pancham bhav se dekhen jate hain. santan ka adhyayan karne ki drishti se hi nav grahon v barah rashiyon men bhi purush v stri tatva mana gaya hai.
rashiyan: sabhi visham sankhya vali rashiyan (mesh, mithun, sinh, tula, dhanu v kunbh) purush tatva rashiyan kahlati hain tatha sabhi sam sankhya vali rashiyan vrish kark, kanya, vrishchik, makar v min) stri tatva rashiyan kahlati hanai. alp bahu prasav rashiyan
- mesh, sinh kanya, tula, dhanu v makar, ye alp prasav rashiyan mani gai hain.
- vrish mithun v kunbh, ye madhyam prasav rashiyan mani gai hain.
- kark, vrishchik v min ye bahu prasav rashiyan mani gai hai. yadi alp prasav rashiyan pancham bhav men hon to santan kam v vivah ke kafi samay ke bad hoti hai. jatak ko putra ya putri- ‘putra’ - yadi jatak ki kundli men pap grah panchmesh hokar pancham men ho tatha pancham men anya pap grah hon, to putra adhik hote hain. -
guru, mangal, surya tatha panchmesh purush navansh men hane athva purush grahon se yut ya drisht hon to putron ki sankhya adhik hoti hai. - pancham bhav men panchmesh purush rashi ke navansh men ho athva purush grahon se yut ya drisht ho to putron ki sankhya adhik hoti hai.
- makar rashi men keval guru ho aur vah pancham men ho to kai putra hote hain. - lagn men rahu, pancham men guru tatha navam men shani ho, to chah putra hote hain.
- kunbh rashisth shani ekadash men ho, to anek putra hote hain. - pancham bhav men tula rashi ho tatha pancham bhav par chandra v shukra ki drishti ho, to kai putra hote hain.
- pancham men surya ho, to ek putra, mangal ho to tin tatha guru ho to panch putra hote hain
- pancham bhav men surya shubh grahon se drisht ho, to tin putra hote hain.
- makar athva kanubh se pancham rashi kramshah vrish ya mithun men shani ho to keval ek putra hota hai. putri - jatak ki kundli ke ekadash bhav men budh, chandra ya shukra ho, to putriyan adhik hoti hain
. - chandra aur budh pancham men ho, to anek putriyan hoti hain.
- lagn ya chandra mangal ki rashi men tatha shukra ke trinshansh men ho to kai putriyan hoti hain. - pancham men sam rashi ya navansh ho, usmen budh ya shani sthit ho tatha us par shukra ya chandra ki drishti ho to anek putriyan hoti hain. - pancham bhav men chandrama ki rashi athva shukra ki sam rashi ho us par chandrama ya shukra ki drishti ho to anek putriyan hoti hain. - panchmesh dvitiya ya ashtam men ho to anek putriyan hoti hain. - chandra, budh ya shukra panchmesh hokar dvitiya ya ashtam men ho to putriyon ki sankhya adhik hoti hai
- makar rashisth shani pancham men ho to putriyan adhik hoti hain.
- budh pancham ya saptam bhav men sam rashi men ho to anek putriyan hoti hain.
- pancham men sam rashi ho tatha ekadash men budh, chandrama v shukra ho to putriyan adhik hoti hain.
- pancham men chandrama ho to do, budh ho to tin, shukra ho to panch tatha shani ho to sat putriyan hoti hain.
- tritiya bhav men bali budh ho tatha pancham men chandrama ho to panch putriyan hoti hain.
- budh pancham men athva panchmesh budh ho to tin putriyan hoti hain.
- kark rashi men guru pancham men ho to kanyaen adhik hoti hain.
- chandra ya shukra makar rashi men pancham men ho to putriyan adhik hoti hain. aj barhte jansankhya ghanatva, samuchit parvrish evan shiksha ke chalte simit parivar ko prerit kiya ja raha hai. aise men yah janne ki utsukta hoti hai ki pratham santan putra ya putri? pratham putra hone ka yog
- jatak ki kanudli men panchmesh purush grah ho, purush rashi ya purush navansh men ho
- chandra, mangal aur shukra dvisvabhav rashi men hon.
- lagnesh, lagn, dvitiya ya tritiya bhav men hon.
- pancham ya saptam men bali purush grah ho.
- panchmesh purush grah ho tatha uski drishti lagnesh par ho.
- bali guru par lagnesh ki drishti ho. pratham santan putri - panchmesh stri grah ho tatha stri rashi ya stri navansh men ho.
- saptamesh pancham men ho ya panchmesh saptam men ho.
- pancham ya saptam men bali stri grah ho.
- bali lagnesh, pancham, saptam, navam ya ekadash men ho.
- pancham men chandrama v shukra ho tatha ekadash men shubh grah ho.
- lagnesh, lagn ya dvitiya men pap drishti ho. putra ya putri janne ki anya vidhi sadharntya stri ke ritumti hone ke chaithe din se lekar 16ven din tak ka samay garbhadhan ke lie uttam mana jata hai. in dinon men garbhadhan ke lie kaha gaya hai ki - samratrishu jayte putra, kanya visham ratriya. arthat yadi masik dharm se sam ratri (8, 10, 12, 14 evan 16vin ratri men) sahacharya ho tamo putra janm tatha visham ratri men (9,11,13,15vin ratri) garbhadhan se putri janm hota hai.
isi tarah garbhadhan ke samay purush ki dakshin nasika aur stri ki vam nasika chal rahi ho to putra hota hai. iske viprit jab purush ki vam nasika aur stri ki dakshin nasika chal rahi ho to putri utpann hoti hai. santan sukh hai ya nahin? ‘faldipika’ ke anusar yadi janmakundli men pancham bhav ka svami shatru rashi ya nich rashi men ho ya ast ho aur lagn se shashth, ashtam ya dvadash ho to santan prapti men badha ati hai. isi prakar koi nich, shatru athva ast grah pancham bhav men sthit ho ya shashth, ashtam athva dvadash ka svami hokar pancham bhav men sthit ho, to bhi putra ka abhav ya putra kasht hota hai.
jo badhakarak grah jis rashi men sthit ho uske anusar yah nirnay karna chahie ki kis devta, vriksh ya jiv ke karan badha a rahi hai, aur fir uski shanti ka upay karna chahie. yadi santan ka badhakarak grah surya ho, to samjhna chahie ki bhagvan shanbhu aur garur ke droh ya pitron ke shap ka fal hai. yadi santan pratibandhak grah chandra ho, to mata ya kisi anya sadhva stri ko dukh pahanuchane ya bhagvti ke shap ke karan santanotpatti men badha ati hai. yadi santan pratibandhak grah mangal ho, to gram devta ya bhagvan kartik ke prati anastha ya shatruon athva bhai bandhuon ke shap ke karan santan kasht hota hai. yadi budh badhakarak ho, to billi ko marne ke karan ya machliyon athva anya praniyon ke andon ko nasht karne ke karan ya kam umra ke balk-balikaon ke shap ke karan athva bhagvan vishnu ke kop ke karan santan men kathinai ati hai. yadi janmakundli men guru ki sthiti shubh nahin ho aur uske karan santan nahin ho rahi ho to iska arth hai
ki jatak ne is janm men ya purva janm men faldar vrikshane ko katvaya hai ya apne kul guru ya kul purohit se droh kiya hai. yadi shukra badhakarak grah hai to iska arth hai vyakti ne pushp ke vrikshon ko katvaya hai ya gay ko kasht diya hai athva yah badha kisi sadhvi ke shap ke karan aya hai. yadi janmakundli men shani grah ashubh sthiti men ho aur badhakarak grah shani ho to santan badha pipal ke per ko katvane ya pishach, pret tatha yamraj ke shap ke karan ati hai. shighra santan pane ke yog
- janmakundli men pancham bhav men mesh, vrish ya kark rashi men rahu ya ketu ho to santan sukh ki prapti shighra hoti hai. - saptamesh ki navansh rashi ke svami par lagnesh, dvitiyesh v navmesh ki drishti ho to santan shighra hoti hai.
- lagnesh pancham men ho tatha us par chandra ki purn drishti ho to putra santan hoti hai.
- stri ka kshetra sam rashi v sam navansh men tatha purush ka bij visham rashi aur navansh men ho to shighra santan ki prapti hoti hai.
- bali guru par lagnesh ki drishti ho to santanotpatti shighra hoti hai. vilanb se santan prapti - rahu ekadash bhav men ho to santan adhik ayu men hoti hai.
- chandra kark rashi men pap yut ya pap drisht ho tatha surya par shani ki drishti ho to adhik ayu men santan ki prapti hoti hai.
- lagnesh, panchmesh aur navmesh shubh grahon se yut hokar trik bhavon men ho to santan vilanb se hoti hai.
- pancham bhav men pap grah tatha dasham bhav men shubh grah hon to santan hone men vilanb hota hai
- pancham men guru ho tatha panchmesh shukra ke sath ho to 32 varsh ke ayu ke bad santan hoti hai. - pancham men keval guru ho, ashtam men chandra ho, chaturth ya pancham men pap grah ho to 30 varsh ki ayu ke pashchat santan hoti hai.
- navam bhav men guru ho tatha guru se navam men shukra lagnesh se yut ho to 40 varsh ki ayu men santan hone ka yog banta hai. - kendra sthan men guru tatha panchmesh ho to 36 varsh ki ayu men santan labh hota hai. - lagn men mangal, pancham men surya tatha ashtam men shani ho to santan prapti men vilanb hota hai. - lagn men shani, ashtam men guru aur dvadash men mangal ho tatha pancham men jaliya rashi n ho to santan vilanb se prapt hoti hai. - lagn men ashubh rashi (mesh, sinh, vrishchik, makar ya kunbh) men pap grah hon, mangal sam rashi men ho tatha surya nirbal ho to 30 varsh ki ayu ke pashchat santan hoti hai. - guru chaturth men, chandra ashtam men tatha pap grah pancham bhav men ho to 30 varsh ki ayu ke bad santan prapt hoti hai.
- vrish, sinh, kanya aur vrishchik alp sut (kam santan vali) rashi kahlati hai. yah rashiyan pancham men hon to thori santti hoti hai aur vah bhi bahut samay bad. yatn karne par santan prapti - pancham men alpasut rashi (vrish, sinh, kanya aur vrishchik) men surya ho, shani ashtam men ho aur mangal lagn men ho.
- shani lagn men ho, guru ashtam men ho aur mangal dvadash men tatha panchven bhav men alpasut rashi ho. - chandra ekadash bhav men ho, guru se panchven bhav men pap grah ho aur lagn men kai grah hon. janmakundli se kaise janen santan prapti ka anukul samay - lagnesh, saptamesh, panchmesh, guru evan panchven bhav ko dekhne vale grahon men se kisi ek ki mahadsha ya antardasha men santan prapti hoti hai. - panchmesh jis rashi ya navansh men ho usse trikon men jab gocharavash guru ata hai, tab bhi santan prapti ka yog banta hai. - lagnesh jab gocharavash panchmesh se yog kare, apne uchch rashi men aye, apne svarashi men ae tab santan prapti hoti hai. - yadi lagnesh gocharavash pancham men ae ya panchmesh jahan sthit hai us rashi men ae tab santan prapti hoti hai.
- lagnesh ki rashi, ansh, kala, vikla ;iddh saptamesh ki rashi, ansh, kala, vikla ;baddh panchmesh ki rashi ansh, kala, vikla (rashyanshon ka yog karne par yadi rashiyon ka yog 12 se adhik ae to 12 rashiyan ghatakr) inko jorne se jo rashi ansh, kala, vikla ae vah kis nakshatra ke antargat ata hai, yah nikala jata hai. us nakshatra ke svami ki jab mahadsha aur pancham bhavasth grah ya pancham ko dekhne vale grah athva panchmesh ki antardasha ho to santan prapti hoti hai. - panchmesh, panchmesh jis rashi men hai
uska svami, panchmesh jis navansh men hai uska svami, guru jis rashi men hai uska svami, guru jis navansh men hai uska svami. dekhna hai ki inmen se kaun balvan hai? inme se jo balvan ho uski dasha-antardasha men santan prapti hoti hai. - yah dekhna hai ki guru se pancham men kaun si rashi hai, is rashi ka svami kis rashi aur kis navansh men hai? us rashi ya navansh se jab trikon men gocharavash guru ae tab santan prapti hoti hai. - yah dekha jay ki chandrama kis nakshatra men hai. is nakshatra ka svami aur is nakshatra se panchven nakshatra ka svami jo grah ho uski rashi ansh, kala, vikla apas men jor liya jay. jo yog ae, us rashi, ansh, kala, vikla par ya usse navam, pancham gocharavash guru ae to santan prapti hoti hai.
janmakundli se kaise janen stri-purush ki prajanan shakti samanyatya stri ke ritumti hone ke chaithe din se lekar 16ven din tak ka samay garbhadhan ke yogya hota hai, parantu yah avashyak nahin ki stri garbh dharan kar sake tatha purush garbhadhan kara sake. garbhadhan evan garbh dharan bhi janmakundli ke grah sthitiyon par nirbhar hai. sach hi kaha gaya hai- ‘‘sarvan grahadhinan jagtan’’. pancham bhav evan bhavesh ke adhar par stri ya purush ki prajanan shakti ka pata lagaya jata hai. yadi pancham bhav evan bhavesh shaktishali hon, to santan prapti ka sanket mil jata hai. purush ki janmakundli se pancham bhav ki kshamata ko bij tatha stri ke pancham bhav ki kshamata ko kshetra kaha jata hai.
sadharntah bij shukra ka tatha kshetra raj ka pratinidhitva karta hai. yadi bij aur kshetra donon hi kamjor hon to prajanan sanbhav nahin ho pata. surya prajanan shakti tatha shukra shukranuon ka karak hai. islie kundli men in grahon ko shubh sthiti men hona jaruri hai. jab yah visham rashi men ho to achcha hai. isi prakar stri ki janmakundli men mangal rakt ka svarup badlne ki kshamata rakhta hai tatha chandrama garbhadharan ki kshamata, islie in donon ka sam rashi men hona labhaprad hota hai,
halanki anya grahon ka pratikul prabhav n ho. bij evan kshetra spasht se santanotpatti ki kshamata purush ki kundli men surya spasht, shukra spasht aur guru spasht, surya, guru aur shukra tinon grahon ki rashi, ansh, kala aur vikla jor len. jorne par yadi visham rashi aur visham navansh ae to purush men santanotpatti ki purn kshamata mani jayegi. yadi rashi aur navansh men se ek visham aur ek sam ae to samanya fal samjha jaega aur yadi sam rashi tatha sam navansh ae to santanotpatti ki kshamata shunya mani jayegi.
stri ki kundli men chandra spasht, mangal spasht aur guru spasht, in tinon grahon ki rashi, ansh, kala aur vikla ko jorne se jo fal ae vah yadi sam rashi, sam navansh men ho to us stri men santanotpatti ki purn kshamata heati hai. rashi aur navansh men ek sam aur visham ho to adhi kshamata tatha donon visham ho to kshamata shunya mana jata hai.