vastushastra men dhan rakhne ke lie sabse upyukt aur shubh sthan uttar disha ko mana gaya hai kyonki is disha ke svami kuber hain. kuber samriddhi ki devi man lakshmi ke khajanchi hain. islie baink ko uttar men rakhne ki salah di jati hai taki dhan evan samriddhi ka pravah bainkon men nirantar bana rahe. baink ki banavat is tarah rakhen ki uska samne vala hissa purva ya uttar ki taraf rahe.
pra0-baink men svagat kaksh ke lie kaun sa kshetra upyukt hote hain?
u0- baink men svagat kaksh purva ya uttara-purva ki taraf rakhni chahie. svagat kaksh ke kauntar par baithne vale karmachariyon ka chehra uttar ya purva ki taraf hona anivarya hai. atithiyon ko baithne ke lie sthan dakshin evan pashchim men banana chahie.
pra0-baink men vittiya karyon ke len-den ke lie sabse upyukt sthan kahan par hai ?
u0- baink men vittiya karyon ke len-den ke lie uttar disha sabse upyukt hai. isi sthan par jama evan nikasi ka kauntar banana chahie. kaish kauntar uttar men rakhna chahie. kaishiyar ko sirf uttar ya purva ki taraf chehra karke baithna chahie. kaish baks ko dakshin ki taraf rakhna chahie tatha use uttar ki taraf khulna chahie. baink men kaish ka mukhya kamra arthat strang rum tatha lakar ke lie dakshin ki taraf kamre banana chahie. lakar tatha kaish ko kamre ke dakshin ya pashchim ki taraf rakhna chahie, taki khulne par uska munh uttar ya purva ki taraf rahe. baink men dastavej rakhne ke lie sabse upyukt jagah dakshin-pashchim ki disha hai.
pra0-baink men mukhya shakha prabandhak ke lie sabse upyukt sthan kahan par hai ?
u0- baink men mukhya shakha prabandhak ke lie dakshin-pashchim ke kshetra men karyalay banana chahie. karyalay ke antrik banavat ko vastu ke niyamon ko dhyan men rakhakar banana chahie. prabandhak ko kamre ke dakshin-pashchim men dvar se thodi dur uttar ki taraf chehra kar baithna chahie. isse unki karyakshamata evan karyakushlta nirantar bani rahti hai.
pra0- baink men kanpyutar ke lie sabse upyukt sthan kahan par haiai ?
u0- vartaman samay men bainking karya purnatah kampyutar paddhati par adharit hai. falasvarup iska mahatva kafi badha hua hai. khasakar mastar kanpyutar arthat sarvar jismen anya kanpyutar netavarking ke dvara jude rahte hain iske lie dakshin-purva ka sthan nirdharit karna chahie. sath hi jenretar kaksh, inavartar kaksh evan anya vidyutiya sanyantron ke lie dakshin-purva ka kshetra upyukt hota hai. vatanukulit planton ke lie dakshin-purva ya uttara-pashchim ka sthan upyukt hota hai.
pra0-baink men sidhi evan shauchalay adi ke lie sabse upyukt sthan kahan par hai?
u0- sidhiyan dakshin-pashchim, pashchim ya dakshin-purva ki taraf banana labhaprad hota hai. shauchalay pashchim ya utr-pashchim men rakhna chahie. pine ka pani ishanya kshetra ya uttar kshetra men rakhna shubh faldayak hota hai. bainkon men vahnon ke parking ke lie sabse upyukt sthan uttar ya purva ka kshetra hai. jamin ki satah ki dhal uttar ya purva ki or rakhni chahie.
jivan men jarurat hai jyotishiya margadarshan ki? abhi bat karen fyuchar point jyotishiyon se!