bachche tatha uske mata-pita dvara kie gae purva janm ke dushkrityon se sanchit shishu ki janmakalik krur grah sthiti adi ko risht ya arisht kaha gaya hai. risht tatha arisht ka arth shabdakosh ke anusar shubh aur ashubh hai, kintu ayu nirnay men iska arth ashubh yog hi hai. in risht yogon men se kuch risht yog keval shishu ko, kuch shishu ki mata ko, kuch pita ko, kuch pita aur shishu donon ko, kuch mata-pita aur shishu tinon ke lie kashtakarak ya maranaprad mane gaye hain. kuch aise bhi risht yog hain jo shishu ke bhai-bahan, dada-dadi, nana-nani, mama-mami, sas-sasur, sala, devr-devrani adi ke sath anya bandhuon ke sath bhi jatkkaron ne ashubh mane hain.
jatkkaron ka manna hai ki shishu apni kayik aur mansik param komlta ya durbalata ke karan mrityu pravan prani hai. atah iske tin varshon men bina arisht ke bhi vah mar sakta hai. atah shishu ki ayu ke pratham tin varshon ko shishu ke lie dustar mana hai. unka mat hai ki uski janmakalin grahasthityadi se uski jivnavdhi ko tin varsh ki ayu tak ‘idmitthama’ nishchit nahin kiya ja sakta. is prakar unhonne tin varsh ki ayu ho jane par hi shishu ki janmapatri banane ka daivagya ko paramarsh diya hai. apni jatak paddhati men acharya keshav ne ise is prakar likha hai: jivetkvapi vibhangrishtaja-shishurishtam vinamiyate'thadhobdah shishudustaro'pi ch parau karyaishu no patrika.. shishu ki ayu ke pahle tin varsh bahut sanktpurn hote hain. ye varsh rishtaj yogon ke kuprabhav se shighra prabhavit hone vale hain. vaidyanath ke anusar - pratham char varshon men mata ke papon (purvajanmakrit dushkrityon) tadnantar char varshon men pita ke papon tatha age shishu apne papon se hi mrityu ko prapt karta hai.
adye chatushke janni kritadyaiah madhye tu pitrarjitpapsanchyaiah balastadanyasu chatuahsharatsu svakiya daushaiah samupaitinashye.. barah varsh ki avastha tak mata-pita ke doshon se arthat lalan palan men asavdhani, balavastha men sanbhavya rogon se bachav evan use bharpur suraksha pradan n kar sakne ki avastha men nishchay hi balak ka anisht ho sakta hai. prachin samay men chikitsadi suvidhaon ka paryapt prachar v prasar n hone ke karan jatkon ki mrityu dar adhik thi.
atah prachin samay men balarisht ka prabhav adhik hota tha kintu adhunik yug men ayu ka nirnay karte samay balarisht ke sath-sath shishu ke parivesh ko bhi dhyan men rakha jana chahie. mantreshvar, vaidyanath tatha venktesh sharma ke anusar barah varsh tak yogon ka prabhav hone se tatha atmaraksha ke vivek ki kami hone se balak ki anyatha gyat ayu men sanshay ho sakta hai.
atah achchi ayu pratit hone par bhi tab tak balak ko kisi sanbhavit durghatana v rog se bachane ke prayatn, chikitsa, savdhani, ishvaradhna v jap, yagya, danadi karte rahna chahie. yatha- advadshabdajjantunamayu jrnyatun n shakyate. jap hom chikitsadyai balirakshan tu karyet.. taddoshshantyai prati janmatarma dvadshabdan jap hom purvam. ayushkaran karm vidhay tato balan chikitsadibhirev rakshet.. jatak granthon men rishtajanak grah sthitiyan bhari sankhya men di gai hain jinmen se kuch ka yahan ullekh kiya ja raha hai
yatha- shishu ka tatkal mrityu yog chakrasya purvapar bhaggeshu krureshu saumyeshu ch kitalagne. kshipran vinashan samupaiti jatah papairvilagnastamayabhitashya.. varahmihir ne uparyukt shlok men kaha hai ki janmakundli ke purvardh men (dasham se chaturth tak) arthat purva kapal men vidyaman pap grahon se tatha lagn kundli ke parardh pashchim kapal (chaturth bhav se dasham bhav tak) men shubh grahon ki sthiti men bhi jatak ki shighra mrityu hoti hai tatha lagn aur saptam se dvitiya sthan sthit pap grahon se bhi jatak ka shighra maran hota hai. yatha papavudyast gatau kruren yutashch shashi. drishtashch shubhairn yada mrityushch bhavedchirat.. arthat lagn saptamasth pap grahon se tatha papyukt chandrama par shubh grah drishti nahin hone se bhi jatak ki shighra mrityu hoti hai.
shishu ka saptah ayu yog: shri kalyan varma ne saravli men arisht yog bataya hai ki yadi chandrama saptam bhav men mangal aur surya ke sath yuti kare to jatak ki ayu ek saptah hoti hai. yatha- sahitau chandrajamitre yasyangark-bhaskarau. jatasya tasya hi tada bhavetsaptahjivitam.. ek mas men hi shishu mrityu yog: mukund daivagya ‘parvatiya’ ke anusar kuch arisht yogon men jatak ki ayu mas paryant ho jati hai jaise dvitiya, tritiya v navam sthan men mangal ho tatha surya v shani ek hi rashi men hon to das din se pahle hi jatak ki mrityu ho jati hai
yatha- mangle mangle vittevanuje mitra mandayo. ek rashigyormrityuah pakasya pragdashahtah.. jatak sardip men shri nrisinh daivagya ne ise is prakar kaha hai- shashthashtaga vakritpapdrishta hanyuah shubhamasi shubhairdrishtaah. horaptiah papjitahsmarasthomasen tan maryti prasutam.. yadi ashtam sthan men makar ya kunbh rashi ka brihaspati ho tatha pap grahon se drisht ho to gyarhven din jatak ki mrityu ho jati hai. yatha- samandabhe'chrye mritigedanhsekshit. .ekadshahe'tyaymeti shavkah.. chaturth sthan men rahu tatha shashth v ashtam men chandrama ho, chandrama se trikon sthanon men surya ho, in yogon men utpann jatak bis din ki ayu lekar ata hai.
bhogishvare'mbho bhavne bhanayke'trikshate va'mritarashmitorvau. putrepthivyadhibhyarchito'rbhakastada nakhahe'ntakarmandaran vrajet.. chah mas paryant ayu: sarvarth chintamni men venktesh sharma ke anusar yadi sabhi grah apoklim men gae hon aur nirbal hon to do mas ya adhikatam chah mas ayu hoti hai. yatha- apoklimesthitaah sarve graha balvivarjitaah. shanmasan va dvimasan va tasyayuah samudahritam.. ek varsh paryant ayu: chandrama se kendra men pap grah hon aur shubh grah n hon to ek varsh ke bhitar mrityu hoti hai. yatha- kendraishchandratpapyuktair saumyaiah. svarganyati prochyate vatsaren.. do varsh paryant mrityu: vakri shanirbhaum grihe kendre shashthe ashtame'pi va. kujen balina drishte hanti varshadvaye shishum.. shishu-matri mrityu yog: lagn se 7ven, 8ven bhavon men kai pap grah yadi chandrama ko dekhen to mata v putra donon ki mrityu hoti hai. yadi shubh drishti bhi ho to satyacharya ke mat se rog karak hota hai.
yatha- lagnatsaptashtabhagaiah papairbhivikshitashchandra sahajananya. bhriyate shubhsandrishtaiah satyamtadvaded vyadhim.. shishu-pitri mrityu yog: nrisinh daivagya ke anusar chaturth men rahu ho to putra ki, navam men hon to pita ki mrityu hoti hai. yadi pap grah ki drishti bhi ho to tin dinon men hi aisa ho jata hai. yatha- rahushchaturthagah putran navme pitran tatha. hanyatketushchatadvasyat pap drishtodinatraye.. shishu evan tatsanbandhiyon ko shighra mrityu yog: vaidyanath ke anusar yadi lagn se panchven v naven ghar men pap grah ki rashi ho aur pap grah ki rashi men surya ho to bhai ki, budh ho to mama ki, brihaspati ho to nani ki, shukra ho to nana ki, shani ho to svayan balak ki mrityu hoti hai.
tatanbikasodr-matulashch matamhi matri-pita ch balah. suryadikaiah panchm-dharmayataiah krurakrshagaiah ashuhta kramen.. isi tarah se abhukt mul, bhadra, yamghant, dagdh, mrityu yog, vyatipat, vaidhriti, vajrayog, grahnkal, surya sankranti, amavasya, krishn chaturdashi, nakshatra-tithi, vish ghati chandra evan lagn ka rashi mrityu ansh adi anekanek anya ashubh kal jatak muhurt granthon men varnit hain jinmen janm shishu tatha uske sanbandhiyon ke lie kasht evan mrityu karak bataya gaya hai.
in kalon ko bhi risht ki koti men mana jata hai. iske atirikt janmakalin vajrapat, vatya, ulkapat, bhukanp, dhumketu uday adi asankhya apshkun bhi risht mane gaye hain jinmen janm lena shishu ke lie arisht batlaya gaya hai. kisi bhi prakar ke arisht yog ka faladesh karne se pahle jatak granthon men (brihajjatak adi) arisht yogon ke bhang (parihar) ka bhi puri tarah se manan kar len.