ayurved men achche khane ka arth hai jismen ghi ho, halka aur asani se pachne vala ho, thora garm ho. aisa khana pachan tantra ko sahi rakhta hai, pet saf rakhta hai, sharir ka poshan karta hai aur asani se pach jata hai. ayurved men har khane vali chij ki tasir ko mahatvapurn mana gaya hai.
arthat kuch chijon ki tasir garm hai aur kuch ki thandi, aise men aise do chijon ko ek sath khana jinki tasir viprit hai hanikarak hota hai. jaise dudh thanda hota hai aur machli garm islie inhen ek sath nahin lena chahie. ayurved ke anusar kis-kis chij ko ek sath nahin khana chahie aur kyon? jante hain: dudh ke sath dahi dudh aur dahi ki tasir alg-alag hai. islie inhen ek sath nahin lena chahie. yadi ham inhen ek sath lenge to hamen esiditi ho sakti hai. pet men gais, apach v ulti adi ho sakti hai. isi tarah dudh ke sath anya khatti chijon ka prayog hanikarak ho sakta hai.
yadi donon ko khana hi hai to donon men kam se kam do ghante ka antral hona chahie. ismen bhi pahle dudh aur bad men anya khatta padarth. dudh aur machli dudh ki tasir thandi hai aur machli ki tasir ati garm. islie in donon ko sath nahin lena chahie. isse pet men gais, esiditi, elarji, aur charm rog utpann ho sakte hain. isi prakar dahi ke sath machli khane se bhi vaisi hi hani ho sakti hai jaise dudh aur machli ki kahi gai hai. tala-bhuna aur namkin ke sath dudh dudh men protin, vitamin, minaral adi hote hain. uske sath namak milane se protin jam jate hain aur paushtikta nasht ho jate hain.
islie dudh ke sath paranthe, pakaure aur anya tali bhuni aur namkin padarth nahin khane chahie anyatha charm rog ho sakte hain yadi ham lanbe samay tak aise hi karte rahen. dudh aur falon ko sath-sath khana dudh aur falon ko sath-sath nahin lena chahie kyonki dudh ke andar ka kailshiyam falon ke kai enjaims ko khud men samet leta hai jisse unka poshan sharir ko nahin mil pata. santra-annanas jaise khatte fal to dudh ke sath kabhi nahin lene chahie. bahut se log kele aur dudh ko lete hain jo ki sahi nahin hai. kela kaf barhata hai. yadi donon ko sath lane to kaf barhta hai aur pachan par bhi asar parta hai.
am aur dudh ko bhi milakar nahin pina chahie. am men khatas hoti hai jo dudh ke sath milakar khamir bana deti hai jisse dudh ke pachan par prabhav parta hai. fal aur dahi sath-sath len ya n len falon aur dahi donon ki tasir alg-alag hain aur inke enjaims bhi alag hain. is karan yah ek sath khane se pach nahin pate islie donon ko ek sath nahin khana chahie. log jo frut rayta bana kar khate hain sehat ke lihaj se achcha nahin mana gaya hai. kabhi-kabhi lene se fark nahin parta, lekin bar-bar lene se nuksan hota hai. khane ke sath falon ka khana falon ko pachne men jahan do ghante lagte hain vahin khane ko pachne men char se panch ghante lagte hain. karan karbohaidret aur protin ke pachan ka maikenijm alag hota hai.
karbohaidret ko pachane vala salaiva enjaim elklain midiyam men kam karta hai jabki khatte-mithe fal esidik hote hain. donon ko sath khaya jae to karbohaidret ya starch ki pachan prakriya dhimi ho jati hai. islie khane ke sath fal n khaen? fal evan salad khane se adha ghanta pahle len to achcha hota hai. isse pachan tantra sucharu rup se karya karta hai esiditi bhi nahin hoti. lassi ya chach khane ke sath khane ke sath lassi v chach le sakte hain kyonki chach bahut achchi pey ya edishanal dait hai aur sharir ko poshan bhi jyada milta hai. yah khud asani se pach jati hai. ismen agar namak, jira, kala namak dalakar len to behatar hoga.
mithi lassi pine se atirikt kailori milti hai islie mithi lassi n pien. namkin lassi khane ke sath lena ya bad men lena behatar hai. khane men pahle lene se pet bhara mahsus hoga jisse bharpur khana nahin kha paenge. lekin agar vajan ghatana ho to khane se pahle lassi pien taki faltu khane se bach saken. khane ke sath pani pina chahie ya nahi khane ke sath pani pine se bachna chahie taki khana lanbe samay tak pet men rahe aur sharir ka poshan kare. yadi khane men masale tej hain aur pet men jalan paida karte hain to avashya pani pien taki jalnshil tatva pani men ghul kar niche chale jaen. sade khane ke sath pani nahin pien. yadi mausam ke anusar pani pine ki ichcha ho to ghunt-ghunt kar pani pien taki khane men kuch taravat rahe aur asani se pach jae. vaise pani khane se adha ghanta pahle ya khane ke ek ghante bad pien.
protin aur fait sath-sath len ya nahin protin aur fait ek sath khane men nahin lena chahie kyonki do tarah ke khane agar ek sath khae jaen to vah ek-dusre ki pachan prakriya men dakhal dete hain. isse pet men dard aur pachan garbra jata hai. parathe ke sath dahi len ya nahin siddhant anusar parathe ya puri adi tali bhuni chijon ke sath dahi nahin khana chahie kyonki dahi, fait pachan men rukavat dalta hai aur faits se milne vali enarji sharir ko nahin mil pati. dahi khana hi hai to usmen kali mirch, sendha namak ya anvla paudar mila den. khane ke bad chay len ya n len khane ke bad chay pina koi labhdayak nahin hai balki pachan tantra ko bigarne vali bat hai
kyonki kudrti pachane vala salaiva-enjaim nasht ho jata hai jisse hamara pachan tantra apna kudrti svabhav chor chay par nirbhar ho jaega jo bhavishya ke lie thik nahin hoga. pyaj, lahsun khana chahie ya nahin? lahsun ko rojana khana chahie balki ise roj ke khane ka hissa bana len. lahsun fait kam karta hai aur kharab kolestrael ghatakar achcha kolestrael paida karta hai. ismen enti-baedij aur enti aeksident gun hote hain. pyaj bhukh barhata hai aur khun ke naliyon ke aspas fait jama hone se rokta hai. iske atirikt ye sardi-jukam aur sans sanbandhi elarji ka mukabla achchi tarah se karta hai.
lahsun-pyaj kachcha ya bhunakar kaise bhi khaya ja sakta hai. lekin lahsun ko kachcha khana achcha hai. kachche lahsun ko niglane nahin, chaba kar khaen kyonki kachche lahsun men kai aise tel hote hain jo chabane se hi niklte hain jo sharir ke lie labhkari hote hain. ahar (dait) kaisi ho? hamesha santulit ahar hi khana chahie jismen karbohaidrets, protin, fait, minarals aur vitamins adi bharpur matra men hane. ayurved ke anusar viprit gunon aur mijaj ke khane se, jyada matra men sath-sath khane se hani ho sakti hai.