baglamukhi sadhna : kuch dhyan yogya baten nirmal kothari b galamukhi aradhna men nimn baton ka vishesh dhyan rakhna jaruri hota hai. sadhna men pit vastra dharan karna chahie evan pit vastra ka hi asan lena chahie. aradhna men puja ki sabhi vastuen pile rang ki honi chahie. aradhna khule akash ke niche nahin karni chahie. aradhna kal men purn brahmacharya ka palan karna chahie tatha sadhna kram men stri sparsh, charcha aur sansarg katai nahin karna chahie. sadhna darpok kism ke logon ko nahin karni chahie. baglamukhi devi apne sadhak ki pariksha bhi leti hain. sadhna kal men bhayanak avajen ya abhas ho sakte hain, isse dhabrana nahin chahie aur apni sadhna jari rakhni chahie. sadhna guru ki agya lekar hi karni chahie aur shuru karne se pahle guru ka dhyan aur pujan avashya karna chahie. baglamukhi ke bhairav mrityunjay hain, islie sadhna ke purva mahamrityunjay mantra ka ek mala jap avashya karna chahie. sadhna uttar ki or munh karke karni chahie. mantra ka jap haldi ki mala se karna chahie. jap ke pashchat mala apne gale men dharan karen. sadhna ratri men 9 baje se 12 baje ke bich praranbh karni chahie. mantra ke jap ki sankhya nirdharit honi chahie aur roj usi sankhya se jap karna chahie. yah sankhya sadhak ko svayan tay karna chahie. sadhna gupt rup se honi chahie. sadhna kal men dip avashya jalaya jana chahie. jo jatak is baglamukhi sadhna ko purn kar leta hai, vah ajey ho jata hai, uske shatru uska kuch nahin bigar pate.
Kya aapko lekh pasand aaya?
Subscribe