aneko bar pucha jata hai ek prashn, kya mujhko hai jyotish men purn vishvas? uthte-baithte, sote jagte, subh-sham kya karti rahti hun main jyotish ki hi bat? sun kar yah prashn, muskara kar de deti hun main yah javab, ji janab, jyotish to hai ek vigyan lajvab. yah to hai vedang shastra ki chakrshujyoti, vedang manthan se nikla ek moti. nahin hai yah dharohar keval karmakandiyon ke lie, lalayit hai aj vidvat varg iski jankari ke lie. ab prashn yah uthta hai man men baranbar, kya kar sakta hai yah hamari pareshaniyon ka parihar? yah kuntha, yah pareshani, mansik vedna aur hairani, ata hai aisa daur jab, lagta hai sab bemani.
pane ko in sabse nijat, kya kar sakte hain ham jyotish par vishvas? apne anubhav ke gyan par kah sakti hun itna aj, han, jyotish n keval hai ek purn vigyan, apitu bandhata hai yah sabki as. jyotish hai ek sagar, anek hain iski vidhaen, yantra, mantra, tantra, ratn adi anek hain iske upay kathin samay ane par, jo lagte hain atyant sahay. chahe mantra japo, ya pahno ratn par vishvaspurvak purn karo yatn. man me ho agar purn vishvas mit jaega andhera aur jagega prakash. kar paoge sukh ki anubhuti, jan jaoge jab kal chakra ki gati. kabhi dukh, kabhi sukh, aise hi hogi jivan ki nauka par, samajh sako to samjho; yahi hai
jyotish ka sar. hal hi men, ek dainik men parhe, ek varishth patrakar ke vicharah ‘‘lagta hai unko jyotish ek kori bakvas. yagya ki ahuti lagti hai unko ghi ko funkna, chahte hain vah sabhi janm patrikaon ko jalana.’’ bharat ke ved, upnishad, khagol shastra, jyotish, kya ye hain keval kori bakvas? nahin, bilkul nahin.
yah to hai is nayi sadi men prachin hindu sanskriti ka agas. lupt kar di gayi thi yah, angrejon ke shasan kal men aur aj n keval bharat, apitu sanpurn vishva bhi prabhavit hai iske gyan se. nahin yah jaruri ki karo anukaran har jyotishi ko ho sake to grahan karo jyotishi ke gyan ko. ho sakta hai kisi bhi jyotishi ka gyan apurn par jyotish shastra hai apne men ek vigyan sanpurn.