jyotish ki najar men sheyar bajar svami sham dhingra kisi desh ki kundli ke adhar par navagrah uske sheyar bajar ko niyantrit karte hain. grahon ke adhar par hi kisi samy-vishesh par kisi udyog vishesh men pragti v avnti hoti hai aur teji ya mandi ati hai. jo grah shubh aur sakaratmak prabhav lie hote hain unse prabhavit kanpniyon ke sheyron men teji dekhne ko milti hai aur ashubh evan nakaratmak prabhav vale grahon se prabhavit kanpniyon ke sheyar men mandi ka rukh rahta hai. kisi bhi desh ka sheyar bajar us desh ki arthavyavastha ka aina hota hai.
sheyar bajar ka utar-charhav aur uski sthirta us desh ki arthik pragti, vikas, mudrasfiti aur desh men upalabdh nagdi aur videshi mudra ki upalabdhata ko darshati hai. jis prakar kisi jatak ki kundli men lagn, grahon aur nakshatron ka prabhav rahta hai aur gocharavash grahon ki sthiti mahadsha aur antardasha men koi jatak arthik pragti karta hai athva avnti ki or agrasar hota hai. surya aur chandra vishesh rup se sarkari kanpniyon, sona, chandi, manikya, dugdh, krishi adharit udyogon, vimanan, videsh vyapar arthat ayat aur niryat ko prabhavit karte hain.
mangal aur shani tanba, bijli, bhumi, pavar, rel, auto mobail, transport, lebar, loha, stil, hevi mashin, hotal, khan-pan, pulis aur sena ke saman banane vali kanpniyon ka prabhavit karte hain. budh grah panna, baink, sheyar treding, bima, marketing, arhat, salahkar, chaterd lekhakar, adi vyaparik kanpniyon ko prabhavit karte hain. brihaspati grah sona, pital, shiksha, prakashan, samachar patra, rajnaitik sansthaon, risarch aur gyan vigyan, takniki par adharit kanpniyon ko prabhavit karte hain.
shukra grah vilasita, saundarya prasadhan, medisin, sharab, gahne, film, madling, mahange hire-moti, vastra, ilektroniks, audyogik kanpniyon par asar dikhate hain. rahu-ketu telikom, kampyutar informeshan teknoloji, viman, prodyogik, bradkasting, kanun aur nyay vyavastha ityadi se sanbandhit kanpniyon par asar dikhate hain. varsh 2011 men vyapar sanbandhi grah sthitiah varsh ke aranbh men 03 janvri somvar ko shani kanya men, guru min men, rahu dhanu men, ketu mithun men, budh aur shukra vrishchik men, surya, chandrama aur mangal, dhanu rashi men honge varsh ke dauran shani 26 janvri ko vakri hokar sinh rashi ki or agrasar hoga aur 13 jun ko
punah margi hokar 15 navanbar ko tula rashi men pravesh karega. guru 08 mai ko mesh rashi men pravesh karega aur 30 agast ko vakri hokar min rashi ki or agrasar hoga evan 26 disanbar ko punah margi hokar vrishabh ki or agrasar hoga. rahu 03 mai ko vrishchik rashi men pravesh karega. ketu bhi usi samay vrishabh rashi men pravesh karega. mangal dhanu se yatra praranbh karke varshant men sinh rashi men vidyaman rahega. budh, shukra evan surya sabhi 12 rashiyon men bhraman karenge.
chandrama har mah sabhi rashiyon men se hokar gujrega. bharat varsh ki kundli men guru chandrama se navam aur dasham men gochar karega. shani, tritiya aur chaturth bhav men gochar karega jiske falasvarup sheyar bajar men nishchit rup se pragti to hogi parantu pakistan aur chin ki or se simaon aur antrik suraksha ko kshati pahunchane ke prayason aur videshi mudra ki nikasi se varsh men do bar bajar men tej giravat ki asha rahegi aur do ya tin jani mani kanpniyon ki arthik sthiti buri tarah se larkhra jaegi. rajnaitik asthirta ki khabren bhi uthengi parantu koi vishesh satta parivartan nahin hoga.
parantu yah sthiti lanbe samay tak nahin chalegi aur bajar punah pragti ki or agrasar rahega. bhartiya mudra rupye ke mulyon men dolar aur paund ki tulna men majbuti aegi. prati dolar ki kimat 40 rupye tak gir sakti hai. videshi nivesh men nishchit rup se anpekshit teji aegi. shiksha, bainking aur vittiya sansthaon men, bhari mashinri, loha, motar, vahan aur auto udyog evan pavar kshetra men vishesh teji ki sanbhavna rahegi. mainn pavar ki kimton men apratyashit teji aegi. sone-chandi, tanba aur elyuminiyam men bhi kafi teji ane ki asha rahegi.
sharab aur aishvarya ke sadhnon vali kanpniyon men bhi teji ka rukh dikhai dega. sheyar bajar apekshit masik utar-charhav ki sthiti is prakar rahne ki sanbhavna hai. 01 janvri varsh ke aranbh men bajar teji ke sath khulenge. loha evan bhari mashin udyogon men teji rahegi aur pavar sektar men bhi labh kamane ke avasar milenge. unka sadupyog karen. baink aur vittiya sansthaon men bhi teji ate hi labh kamana ek uchit nirnay rahega kyonki shighra hi niche mulyon par milne ki asha rahegi. siment aur riyalti evan infrastrakchar ke sheyron m nivesh kar sakte hain. tel aur gais udyog men bhi giravat ane par nivesh kar sakte hain.
telikom aur ai. timen kisi vishesh teji ya mandi ki asha nahin rahegi. dhatuon men bhi nivesh se agle mahine men labh ki prapti rahegi. teksatail udyog men giravat ate hi labh kamane ke uddeshya se khariddari karna ek uchit nirnay rahega. mah ke ant men bajar giravat ke sath band hone ki asha rahegi. farvri men vyapar ka aranbh 01 tarikh ko manglvar ke din hoga grahon ke prabhav svarup bajar giravat ke sath khulenge motar vahan aur loha evan bhari mashin udyogon men giravat dikhai de sakti hai isi sthiti men inmen nivesh se isi mah labh prapti ki asha rahegi.
relve se jure udyogon adi men bhi nivesh se shighra hi labh-prapti ki asha rahegi. baink aur vittiya sansthaon men sheyar niche ke mulyon par milne ki asha rahegi. inmen nivesh karna ek uchit nirnay rahega. krishi adharit udyogon aur ef.em.si.ji. men bhi giravat dekhne ko milegi. inmen nivesh kar sakte hain, isi mah labh prapti ki asha rahegi. telikom aur aiti. men labh kamane ke avasar milne par labh uthaen. siment aur riyalti evan infastrakchar ke sheyron men labh kamane ke avasar milenge. inmen teji ate hi labh kamana ek uchit nirnay rahega.
tel aur gais udyog men bhi labh kamana ek uchit nirnay rahega kyonki shighra hi niche ke mulyon par milne ki asha rahegi. dhatuon men teji ki sanbhavna rahegi, teji ate hi labh kamana ek uchit nirnay rahega. midiya men labh kamane ke avasar mil sakte hain. unka sadupyog karen. ant men bajar barhat ke sath band honge. march men vyapar ka aranbh 01 tarikh ko manglvar ke din hoga. grahon ke prabhav svarup bajar teji sath khulenge. lekin teji men sthirta nahin rahegi aur bajar men giravat ka rukh aega. telikom aur ai.ti. ke lie yah ek achcha samay rahega.
teji ate hi labh kamana ek uchit nirnay rahega. midiya aur prakashan men giravat ki asha rahegi. nivesh ke lie achche mauke milne ki sanbhavna rahegi. loha aur bhari mashin udyogon adi men labh kamane ke avasar milenge. unka sadupyog karen. chini aur chaval milon evan krishi adharit udyogon men teji ki prabal sanbhavna rahegi. teji ate hi labh kamana ek uchit nirnay rahega kyon ki vapas niche ke mulyon par milne ki asha rahegi. hotal, sharab aur sigret udyog men giravat ane ki prabal sanbhavna rahegi. parantu giravat par nivesh kar sakte hain.
baink aur vittiya sansthaon men labh kamana ek uchit nirnay rahega. siment aur riyalti evan infrastrakchar ke sheyar niche mulyon par milne ki asha rahegi. is samay nivesh kar sakte hain. nivesh se isi mah labh prapti ki asha rahegi. tel aur gais udyog men bhi giravat ane par nivesh kar sakte hain. dhatuon men bhi nivesh se labh prapti ki asha rahegi. teksatail udyogon men giravat ate hi khariddari karne se isi mah labh prapti ki asha rahegi. mah ke ant men bajar ke giravat ke sath band hone ki asha rahegi. aprail men vyapar ka aranbh somvar ke din hoga.
aranbh ke samay min rashi men panch grahon surya, chandrama, mangal, budh aur guru ka sangam hoga shani kanya men, shukra kunbh men, rahu dhanu men, ketu mithun men rahenge jiske prabhav svarup bajar men giravat ke sath khulne ki sanbhavna rahegi kyonki panch grah yog se bajar men sudhar ka mahaul banega aur anavashyak teji vale sheyar, satte bajaron ke niyantran se bahar ho jaenge unmen giravat aegi. parantu telikom aur ai.ti. men teji ki prabal asha ko dekhte hue pratyek giravat par nivesh se shighra labh kamane ke avasar milenge. ilektrikal aur ilektroniks men pratyek giravat par nivesh ek uchit nirnay rahega aur isi mah labh prapti ki asha rahegi.
pavar sektar men teji ki sanbhavna rahegi. isilie ismen pratyek giravat ane par nivesh ek uchit nirnay rahega. shiping kanpniyon men labh kamane ke avasar milenge, labh uthaen. loha aur bhari mashin udyogon adi men labh kamane ke avasar milenge, unka sadupyog karen. baink aur vittiya sansthaon men labh kamana ek uchit nirnay rahega kyonki shidhra hi niche mulyon par milne ki asha rahegi. siment aur riyalti evan infrastrakchar ke sheyar niche mulyon par milne ki asha rahegi, inmen nivesh kar sakte hain. tel aur ges udyog men bhi giravat ane par nivesh kar sakte hain.
get: baby horoscope
dhatuon men kisi vishesh teji ya mandi ki asha nahin rahegi. islie giravat ane par kharid aur teji ane par bechna thik rahega. mah ke ant men bajar barhat ke sath band hone ki asha rahegi. mai men vyapar ka aranbh 02 tarikh ko somvar ke din hoga. aranbh ke samay min rashi men char grahon, mangal, guru, budh aur shukra ki yuti hogi, 08 tarikh ko guru mesh rashi men pravesh karenge. surya, chandrama, mesh rashi men, shani kanya rashi men honge. rahu, dhanu aur ket mithun men honge evan 03 mai ko apni nich rashi se vrishchik aur vrishabh rashi men pravesh karenge, jiske parinam svarup bajar men kafi uthl-puthal dekhne ko mil sakti hai, islie is mah vishesh dhyan purvak nirnay lene ki avashyakta rahegi.
bajar giravat ke sath khulne ki purn sanbhavna rahegi parantu dhire-dhire khariddari ane ke karan bajar men teji ka rukh a jaega lekin bar-bar bajar ka rukh palat sakta hai. surya ke uchch rashi men chandrama ke sath hone ke falasvarup sarkari kanpniyon men teji ki vishesh sanbhavna rahegi. islie teji ate hi labh kamana ek uchit nirnay rahega. ilektrikal aur ilektraniks men bhi teji ki asha rahegi aur labh prapti ki bhi asha rahegi. povar sektar men bhi labh kamane ke avasar milenge.
pratyek teji par labh kamana ek uchit nirnay rahega. manoranjan, hotal aur sharab udyog men giravat ki prabal sanbhavna rahegi islie pratyek teji par labh kamaen. siment aur riyalti evan infrastrakchar ke sheyar men teji ate hi bech sakte hain kyonki giravat par nivesh ka moka isi mah mil sakta hai. mah ke ant men bajar mamuli barhat ke sath band hone ki asha rahegi. 06 jun men vyapar ka aranbh 01 tarikh ko budhvar ke din hoga. grahon ke prabhav svarup bajar teji ke sath khulenge aur sarkari kanpniyon ke sheyar men lagatar teji ka rukh bana rah sakta hai.
islie ismen labh kamana ek sahi nirnay rahega. krishi adharit udyogon men vishesh rup se teji dekhne ko milegi nivesh se isi mah labh prapti ki asha rahegi. hotal udyog men videshi punji ke nivesh ki asha ke chalte inke sheyar men teji a sakti hai. us sthiti men teji ate hi inmen labh kamana ek uchit nirnay rahega. kyonki shighra hi niche mulyon par milne ki asha rahegi. siment aur riyalti evan infrastrakchar ke sheyar niche mulyon par milne ki asha rahegi inmen nivesh kar sakte hain. tel aur ges udyog men bhi giravat ane par nivesh kar sakte hain.
telikam aur ai.ti men kisi vishesh teji ya mandi ki asha nahin rahegi. teksatail udyog men shighra labh prapti ki asha ko dekhte hue inmen giravat ate hi khariddari karna ek uchit nirnay rahega. mah ke ant men bajar ke barhat ke sath band hone ki asha rahegi. 07 julai men vyapar ka aranbh 01 tarikh ko shukravar ke din hoga grahon ke prabhav svarup bajar lagabhag pichle staron par hi khulenge. is mah sebi aur sarkar dvara kuch kanpniyon men animiyattaon ki khabar ke chalte achanak giravat a sakti hai
atah paisa bachakar rakhen aur giravat ane par rilayans grup men anbani bandhuon ki kanpniyon men nivesh se hi labh prapti ki asha rahegi kyonki donon bhaiyon men kai maslon par samjhote ki asha rahegi. sivil evieshan ki kanpniyon men, labh kamane ke avasar milenge, labh uthaen. farma men bhi teji ki asha rahegi. islie pratyek giravat par inmen nivesh kar sakte hain. loha aur bhari mashin udyogon men adi pratyek giravat par nivesh se jaldi hi labh kamane ke avasar milenge, unka sadupyog karen. baink aur vittiya sansthaon men bhi labh kamana ek thik sauda rahega.
telikam aur ai.timen teji ki prabal asha ko dekhte hue pratyek giravat par is kshetra men nivesh se shighra labh kamane ke avasar milenge. siment aur riyalti evan infrastrakchar ke sheyar men labh kamana ek uchit nirnay rahega kyonki shighra hi niche mulyon par milne ki asha rahegi. islie teji ate hi bechna thik rahega aur elyuminiyam ki kanpniyon men bhi nivesh ek achcha sauda rahega. mah ke ant men bajar ke sudhar ke sath band hone ki asha rahegi. agast men vyapar ka anrabh 01 tarikh ko somvar ke din hoga. grahon ke prabhav svarup bajar giravat ke sath khulne ki sanbhavna rahegi. parantu
dhire-dhire videshi niveshkon ke ane se bajar men teji a jaegi aur bhari mashin udyogon men labh kamane ka mauka milega, uska sadupyog karen. motar vahan men bhi teji ate hi labh kamana thik rahega. loha evan relve se jure udyogon men pratyek giravat par nivesh se shighra hi labh prapti ki asha rahegi. baink aur vittiya sansthaon men labh kamane ke avasar milenge. sheyar men bhi teji ate hi labh kamana thik rahega aur pratyek giravat par nivesh karen. krishi adharit udyogon aur ef. em.si.ji. men bhi giravat dekhne ko mil sakti hai. aise men inmen nivesh kar sakte hai.
kopar aur elyuminiyam men teji ane ki asha rahegi. atah teji ate hi labh kamaen. rabar aur rasayan udyog men bhi teji ki asha rahegi islie pratyek giravat men nivesh ek achcha sauda rahega. povar sektar men bhi niche ke mulyon par nivesh kar sakte hain. evieshan udyog men teji ate hi labh kamaen. ant men bajar teji ke sath band hone ki asha rahegi. sitanbar men vyapar ka aranbh 01 tarikh ko guruvar ke din hoga. grahon ke prabhav svarup bajar teji ke sath khulne ki sanbhavna rahegi. motar vahan aur ato mobail udyog men teji ki asha ko dekhte hue inmen pratyek giravat par nivesh ek uchit nirnay rahega. ilektriikal aur ilektraniks men pratyek teji par labh kamana ek uchit nirnay rahega.
telikam men punah halachal dikhai degi islie har teji par men labh kamana thik rahega lekin giravat par dobara kharidna ek uchit nirnay rahega. videshi vyapar men teji ke chalte aur dolar ki kimton men chal rahi giravat men sthirta ke karan ai ti. sektar men bhi sudhar ki asha rahegi islie inmen nivesh ek uchit nirnay rahega. rasayan men bhi teji ki asha rahegi islie inmen bhi giravat par kharid se shighra labh prapti ki asha rahegi. saundarya prasadhnon aur telon men halki si giravat a sakti hai. par aise men nivesh kar sakte hain. loha aur bhari mashin udyogon adi men labh
kamane ke avasar milenge unka sadupyog karen siment aur riyalti evan infrastrakchar ke sheyar niche mulyon par milne ki asha rahegi, inmen nivesh kar sakte hain. tel aur ges ke udyog men bhi giravat par nivesh kar sakte hain. mah ke ant men bajar ke barhat ke sath band hone ki asha rahegi. aktubar mah men vyapar ka aranbh 03 tarikh ko somvar ke din hoga. grahon ke prabhav svarup bajar giravat ke sath khulenge. parantu giravat men sthirta nahin rahegi aur videshi niveshkon ke ane se bajar men vapas sakaratmak rukh a jaega. teji ate hi vahan aur automobail sektar men labh kamaen. loha evan bhari mashin udyogon adi men bhi pratyek teji par labh kamana ek uchit nirnay rahega. relve se jure udyogon adi men nivesh se isi mah labh prapti ki asha rahegi. inmen baink aur vittiya sansthaon ke sheyars niche mulyon par milne ki asha rahegi.
inmen nivesh se shighra hi labh prapti ki asha rahegi. krishi adharit udyogon aur ef.em.si.ji. men bhi teji dekhne ko milegi. inko bech sakte hain. hotal aur sharab udyog men labh kamana ek uchit nirnay rahega. siment aur riyalti evan infrastrakchar ke sheyron men bhi labh kama sakte hain. ant men bajar pichle staron par hi band hone ki asha rahegi. navanbar men vyapar ka aranbh 01 tarikh manglvar ko hoga.
anrabh ke samay shani kanya men honge aur 15 tarikh ko apni uchch rashi tula men pravesh karenge, guru mesh men, rahu budh aur shukra ke sath vrishchik men, ketu vrishabh men, mangal sinh men, surya tula men, chandrama dhanu rashi men honge jiske prabhav svarup bajar teji ke sath khulenge aur lohe aur bhari mashin udyog ke sheyron men teji dekhne ko milegi aranbh men giravat par nivesh se isi mah labh-prapti ki asha rahegi. chini milon men krishi adharit udyogon aur ef.em.si.ji. men vishesh rup se teji dekhne ko milegi, inmen nivesh se isi mah labh prapti ki asha rahegi.
midiya evan prakashan men bhi teji ki sanbhavna rahegi. teji ate hi inmen labh kamana ek uchit nirnay rahega. shiping kanpniyon men labh kamane ke avasar milenge, labh uthaen. baink aur vittiya sansthaon men labh kamana ek uchit nirnay rahega kyonki shighra hi niche mulyon par milne ki asha rahegi. siment aur riyalti evan infrastrakchar ke sheyron men bhi teji dikhai dene par labh kamana thik rahega. tel aur ges udyog men bhi giravat par nivesh kar sakte hain. telikam aur ai.timen kisi vishesh teji ya mandi ki asha nahin rahegi. rui aur poliyastar yarn ke damon men teji chalte giravat ki asha ko dekhte hue inmen labh kamana thik rahega.
kemikal udyog men teji ate hi labh kamaen. dhatuon men bhi nivesh se agle mahine men labh prapti ki asha rahegi. mah ke ant men bajar men giravat ke sath band hone ki asha rahegi. disanbar men vyapar ka aranbh 01 tarikh ko guruvar ke din hoga. grahon ke prabhav svarup bajar giravat ke sath khulenge. motar vahan aur loha evan bhari mashin udyogon adi men bikvali ke dabav men giravat a sakti hai.
ismen nivesh se isi mah labh prapti ki asha rahegi. relve se jure udyogon adi men bhi nivesh se shighra hi labh prapti ki asha rahegi. baink aur vittiya sansthaon ke sheyar niche mulyon par milne ki asha rahegi, inmen nivesh karna ek uchit nirnay rahega. krishi adharit udyogon aur ef.em.si.ji. men bhi giravat dekhne ko milegi. inmen nivesh kar sakte hain.
hotal aur sharab udyog men labh kamana ek uchit nirnay rahega. telikam aur ai.ti. men labh kamane ke avasar milne par labh uthaen. siment aur riyalti evan infrastrakchar ke sheyron men teji ate hi labh kamana ek uchit nirnay rahega nivesh kar sakte hain, tel aur ges udyog men bhi labh kamana ek uchit nirnay rahega. mah ke ant men bajar giravat ke sath band hone ki asha rahegi. not : uprokt faladesh grah sthiti par adharit hai.
iska uddeshya pathkon ka margadarshan karna hai. nirnay lene se pahle bajar ko prabhavit karne vale anya karkon par bhi dhyan den. satta khelne ki pravritti, nirnay men galti evan niji bhagyahinta ke karan hone vale kisi bhi nuksan ke lie lekhak, prakashak ya sanpadak ki koi jimmedari nahin hogi.
if you seek an expert’s help, you can also consult our panel of top astrologers in india as your guide.