jyotish men ishvar prapti ke yog do. pi. pi. es. rana jyotishmen ishvar prapti ke yogon ke lie sabse pahle janmakundli ke sabbhavon men se pratham, pancham v navam bhav v bhaveshon par vichar karna chahie. in bhavon men jitni shubh grahon ki sthiti ya drishti hogi jatak ka vishvas ishvariya satta men utna hi adhik hoga, jatak ka dhyan prabhu men utna hi adhik lagega. pancham bhav v navam bhav ka karak guru hota hai.
guru gyan ka karak, mantra vidya ka karak, vedant gyan ka karak, dharm guru, granth karta, sanskrit vyakaran adi ka karak hota hai yadi kundli men guru lagn men, tritiya bhav men, pancham bhav men ya navam bhav men ho to us jatak ka man bhagvan men lagta hai. man ka karak chandrama hai aur bhakti ka karak guru brihaspati hai.
chandra guru yog bhi kundli men ho to ishvar prem paida karta hai. yahi yog yadi kundli men pratham bhav, navam bhav, pancham bhav men banta ho to jatak adhyatmik unchaiyon ko chune vala hota hai. yadi guru lagn men ho to aisa jatak purva janm men ved pathi brahman hota hai. yadi kundli men kahin bhi uchch ka guru hokar lagn ko dekh raha ho to jatak purva janm men dharmatma, sadguni evan vivekshil sadhu hota hai. aisa rishiyon ka kathan hai. yadi pancham bhav men purush grah hon ya purush grahon ki drishti ho to jatak purush devtaon ki puja karne vala hota hai yadi pancham bhav men stri rashi ho ya chandrama, shukra baithe hon ya kisi ek hi drishti ho to jatak stri devta ki puja karne vala hota hai. yadi pancham bhav men shani, rahu, ketu hon ya in grahon ki drishti ho to jatak kamnavash puja karne vala hota hai.
guru v shani ek anshon men navam bhav ya dasham bhav men ek sath baithe hon shubh grahon se drisht hon to yah muni yog ka nirman karta hai. muni yog men janm lene vala jatak sansarik prapanchon se dur hokar umra bhar ke lie sadhu ban jata hai. chandrama se kendra men guru ho to yah gajkesri yog ka nirman karta hai is yog men janm lene vala jatak bhi ishvar bhakti karne vala hota hai.