madhumeh ke jyotishiya yog
1. guru nich rashi ya shashth, ashtam ya dvadash bhav men ho.
2. shani tatha rahu, guru se yuti ya drishti dvara pirit karte hon.
3. ast guru-rahu ketu aksh par ho.
4. shukra shashth bhav men, guru ke dvara dvadash bhav se drisht ho.
5. panchmesh 6, 8, 12 ven bhaveshon se yukt ho.
6. vakri guru trik bhav men pirit ho. yakrit aur agnyashay pancham bhav ke adhikar kshetra men ate hain. inke ek bhag ka karak guru tatha dusre bhag ka shukra hai. shukra sharir ki ‘harmon’ pranali ka bhi karak hai. atah pancham, guru tatha shukra ki bhumika rahti hai.
udaharan -1: stri ko madhumeh lagn kundli men guru shashth bhav men ashtamesh nich mangal se drisht hai. shukra, dvadshesh nich surya se yukt tatha shashthesh shani v ashtamesh mangal se drisht hai. pancham bhav tatha panchmesh rahu-ketu aur mangal se pirit hain.
navansh men pancham bhav men mangal v guru ikatthe hain. shukra ekadash bhav men mangal v shani se drisht hai. dreshkan men panchmesh budh, ashtamesh guru se yukt hai, donon mangal v shani se drisht hain. shukra surya se yukta/ast hai tatha mangal aur guru se drisht hain. vinshottari dasha: is stri ka janm 8 navanbar 1962 ko hua tha. rog ka shani-chandra (13-12-1981 se 13-7-1983) men pata chala. shani (mahadsha) pirit panchmesh hai. chandra (antardasha) shashth bhav men hai. donon nich ashtamesh se pirit hanai.
navansh men shashthesh shani pirit tatha nich hai. chandra dvadshesh hai. dreshkan men pirit shani panchmesh ko dekh raha hai. yahan chandra shashth bhav men sthit hai tatha ashtamesh guru se drisht hai. yogini dasha: siddha - ulka (shukra-shani) 24 sitanbar 1981 se 24 navanbar 1982 tak chali. is stri ko apne madhumeh rog ka 1982 men pata chala. not: sabhi kanudliyon (dvadshansh men bhi) men ashtamesh pancham bhav se ya panchmesh se sanbaddh hai. ashtam bhav ka adhikar kshetra vanshanugat bhi hai. atah jatika ki mata bhi madhumeh rog se pirit thi.
udahrn-2: jatak madhumeh ke karan andha ho gaya tha. jatak ko madhumeh ka pata 1951 men chala. madhumeh ki jatilta se jatak andha ho gaya. shashthesh, vakri guru lagn men rahu-ketu aksh par shani se drisht hai. shukra ashtamesh hai tatha shani-mangal aur rahu-ketu se pirit hai. panchmesh shani nich hai tatha mangal v rahu-ketu se pirit bhi hai. navmansh men guru tatha shukra, shani se pirit hai. rahu-ketu aksh pancham bhav par hai. dreshkan kundli men pancham bhav, panchmesh tatha shukra sabhi rahu-ketu aksh se, mangal ki drishti se, shani ki yuti ityadi se pirit hain. guru shashthesh hokar pancham bhav ko dekh raha hai. dvadshansh kundli: panchmesh guru ashtam bhav men hai. shukra surya se yukt hai. pancham bhav tatha panchmesh shani se drisht hai.
vinshottari dasha: 28 agast 1948 se 7 mai 1951 tak shani-budh ki dasha chali. 7 mai 1951 se 16 jun 1952 tak shani-ketu ki dasha chali. shani (mahadsha) pirit hai tatha drishti ya bhaveshatva ke karan pancham bhav se sanbandhit hai. dvadshesh nich budh (antardasha) shashth bhav men papyukt hai. yah navansh tatha dreshkan men shani aur/ya mangal ke prabhav men hai tatha dvadshansh men shani aur rahu-ketu aksh ke prabhav men hai. ane vali antardasha ka svami ketu panchmesh shani ko pirit kar raha hai. navansh tatha dreshkan men ketu pancham bhav men hai.
yogini dasha: bhramri (mangl) 9 mai 1950 se 9 mai 1954 tak chali, chandra kundli men mangal (mahadsha) panchmesh shani ko dekh raha hai. navansh tatha dreshkan men yah ashtam bhav men sthit hai. dreshkan men yah panchmesh shani ko dekh raha hai. dvadshansh men yah nich shashthesh hai. madhumeh ka vargikaran evan lakshan insulin ashrit madhumeh: yah madhumeh 40 varsh se kam ayu ke vyaktiyon men adhik hota hai. is rog men rakt sharkara par niyantran rakhne ke lie insulin ka injekshan lagane ki avashyakta hoti hai.
- bar-bar peshab ana, bhukh lagna tatha vajan kam hona.
- rakt aur peshab men adhik sharkara ho jati hai tatha peshab men kiton namak padarth bhi rahta hai. bina insulin-madhumeh: yah madhumeh adher umra ya vriddhavastha men hota hai. ismen niyantran hetu insulin ka injekshan nahin lagaya jata hai. yah do prakar ka hota hai - 8 10 4 12 2 9 5 11 3 7 6 1 shusugukechanbudreshkan kundli manra. sh.
1. mote vyaktiyon men yah nahin hota hai. janch men achanak madhumeh ka pata chalta hai, pratyaksh lakshan nahin milte hain.
2. kuch vyaktiyon men am lakshan jaise- bar-bar bhukh v peshab lagna, ghav ka n bharna, tvacha v fefron ka sankraman ho jane jaise sanket mil jate hain.
kuposhan janit madhumeh: madhumeh samanyatah garib aur pichre deshon men milta hai. in rogiyon men kuposhan ke sath-sath khadya padarthon men maujud vishaile tatva bhi madhumeh ke uttaradayi hote hain. yah rog anuvanshik hota hai. garbhavastha ka madhumeh: anek striyon men garbhavastha ke dauran rakta-sharkara ka star barh jata hai. fir prasav ke pashchat punah samanya ho jata hai. yah rakt sharkara punah garbhavastha men tatha bhavishya men barh bhi sakta hai.
madhumeh ke anya karn
1. agnyashay granthi ke sankraman, kasing sindrom, thayrotaeksikosis adi ke karan bhi madhumeh ho sakta hai.
2. gurdon ki kharabi ke karan sharkara ka pura avshoshan nahin ho pata hai. atah sharkara mutra men maujud rah jati hai.
3. vanshanugat karan aur mata-pita men se koi bhi yadi madhumeh se pirit ho to bachchon ko bhi rog hone ki sanbhavna rahti hai....