uttarapradesh bhartiya janta parti uttarapradesh ke vidhansbha chunavon men mukhyatah bhartiya janta parti, bahujan samaj parti tatha samajvadi parti maidan men hain. anya partiyan kamjor pratit ho rahi hain. bhartiya janta parti v narendra modi ki kundali ke anusar abhi vartaman men sarhesati chal rahi hai. bhartiya janta parti ki kundali men gochar ke shani v parti gathan kal ke chandrama ki digri men bahut kam antar hai atah aisa pratit hota hai ki din-pratidin parti ki sthiti aur majbut hoti jaegi aur agami chunavon men bhartiya janta parti ya to spasht bahumat prapt karegi athva spasht bahumat ke bahut nikat rahegi. narendra modi yadi shri narendra modi ji ki kundali ka vishleshan karen to ham yah dekhte hain ki gochar ka shani janmakalin mangal ke upar se purnatah hat jaega tatha rajkiya samman ke dasham bhav par rahu ka gochar hone v is bhav ke svami surya ke upar shani v guru donon ka sanyukt gochriya prabhav ho jane se inke yash men nishchit rup se vriddhi hone v uttar pradesh par vijay prapti ke purn yog banenge.
bahujan samaj parti jyotish ke adhar par bahujan samaj parti dusri prabal davedar islie hai kyonki gochar ka shani parti ke udykalin chandrama se kafi nikat rahega, parantu mayavti ki kundli men unke janmakalin chandrama v gocharasth shani men adhik duri hone ke karan bahujan samaj parti ki sthiti bhartiya janta parti se kamjor rahegi. mayavti yadi mayavti ki janmapatri dekhen to inki sarhesati arambh to ho rahi hai lekin takniki rup se arambh hone men abhi kafi vakt baki hai. mayavti ke janmakalin chandrama v gochar ke shani men abhi 60 digri ka antar hone se aisa pratit hota hai ki satta men vapsi ke lie kam se kam panch varsh ka samay to lagega. atah bahujan samaj parti ka satta men ana abhi to bilkul sanbhav pratit nahin hota. samajvadi parti yadyapi ki samajvadi parti ke gathnkalin chandrama v gocharasth shani ki digri men adhik antar nahin hai, parantu sambhavatah parti ko iska labh nahin mil paega kyonki gocharasth shani v parti ke janmakalin mangal men paraspar drishti yog ke chalte shirshasth netritva ki larai chalti rahegi jisse parti aur adhik kamjor ho jaegi.
akhilesh yadav akhilesh yadav ki janmapatri men janmakalin chandrama v gochrkalin shani men bahut adhik duri hone ke karan n hi nikat chunavon men aur n hi kabhi bhavishya men satta men vapsi ke yog ban paenge. is vishleshan ke adhar par samajvadi parti nambar 3 ki parti pratit ho rahi hai. panjab kaiptan amrindar sinh vaise to kangres ki sthiti jyotishiya adhar par bahut kamjor hai kyaneki kangres ke gathnkalin chandrama v vartaman men gochriya shani men atyadh iak duri hai, parantu kaiptan amrindar sinh ki kundali ke anusar inke janmakalin chandrama v shani ki digri men bahut kam antar hone ke chalte aisa pratit hota hai ki ve avashya hi satta men vapsi karenge. yadi satta inke hath nahin bhi ayi to bhi nishchit rup se satta ka niyantran inhin ke hathon men rahega. navjot sinh siddhu bhutpurva kriketar v lokapriya rajnitigya navjot sinh siddh u ke kangres men shamil ho jane se kangres ko panjab men atirikt shakti v samarthan prapt hoga kyonki siddhu ki sarhesati chal rahi hai tatha 26 janvri ke bad janmakalin mangal ke upar se shani ke hat jane se inka chunautiyon vala samay purnatah samapt hoga tatha inhen satta ka sukh prapt hoga.
inke upmukhyamantri banne ki sambhavnaen prabal hain. arvind kejrival arvind kejrival ke kuch nirnay un par bhari par sakte hain jiske chalte unki lokapriyata panjab men din pratidin ghatti jaegi. vastav men shani ki dhaiyya ke karan inke bahut se nirnay ulte parenge. atah panjab ke sinhasan tak pahunchne ka inka marg chunavon men achcha pradarshan karne ke bavjud bhi saral nahin rah paega aur unhen janta ke virodh ka samna bhi karna parega. shiromni akali dal v bi.je.pi gathbandhan prakash sinh badal ko bhi shani ki ashtam dhaiyya ke karan virodh ka samna karna parega tatha purva men lie gaye kuch nirnay in par bhari parenge. jyotishiya adhar par yah kaha ja sakta hai ki prakash sinh badal ki satta men vapsi ki sambhavnaen n ke barabar hain parantu bi.je.pi. ke sath gathbandhan ke chalte siton ki sankhya asha se adhik rah sakti hai.
uttarakhand harish ravat harish ravat ki kundali men gochriya shani janmakalin chandrama se kafi dur hai islie harish ravat ki kundali balvan hone ke bavjud bhi unki satta men vapsi sandehaspad ban rahi hai. yadyapi inki sarkar girae jane ke bad janta men inke prati sahanubhuti ka vot barhne ki sanbhavnaen bani thin, parantu hal hi men narendra modi ke vimudrikaran ke nirnay se janta men bhartiya janta parti ke prati vishvas barha hai. iske atirikt kangres ki kamjor nitiyon tatha netritva ke karan janadhar prapt karna kathin hoga. bhartiya janta parti uttarakhand men bhartiya janta parti ne mukhyamantri ke pad hetu apna koi ummidvar ghoshit nahin kiya hai. uttarapradesh ki bhanti uttarakhand men bhi narendra modi ke nam par hi chunav lara jaega. modi ji ki grah sthiti ke adhar par uttarakhand men chunavi dangal ka natija bhartiya janta parti ke paksh men jana tay hai kyonki bi.je.pi v modi donon ki kundaliyon men hi gochar kalin shani janm kalin chandrama ke nikat hai.
gova bhartiya janta parti gova ek chota pradesh hai atah yadi ham bhartiya janta parti, kangrers v am admi parti ki gathnkalin kundaliyon ka adhyayan karen to bhi bhartiya janta parti ki sthiti behatar malum parti hai. sath hi is pradesh men bhartiya janta parti ki sthiti pahle se hi majbut hai. aisa pratit hota hai ki manohar parrikar tatha narendra modi ki shreshth chavi yahan ke votron ko nishchit rup se akarshit karegi. manipur okaram ibaevi sinh manipur men vigat 14 varshon se kangres ke okaram ibaevi sinh sattarurh hain tatha agami chunavon men bhi yahi manipur ki satta ke prabal davedar bane hue hain kyonki inki sarhesati chal rahi hai aur iska inhen bharpur labh milega v purn bahumat se inki sarkar banegi. en.si.pimnipur men dusri bari parti en.sipi. hai.
janmakalin chandrama v gochrkalin shani ki digri men adhik antar hone ke karan en.si.pi. ka rajyog prabal nahin ho raha. janm vivaran bi.je.pi. 6.4.1980, 11ah40 baje dilli kangres ai 22.11.1969, 9ah57 baje bainglaur baspa 1.1.1984, dilli sapa 4.10.1992 dilli ap 26.11.2012 gajiyabad bi.je.pi 6.4.1980, 11ah40 baje dilli modi 17.9.1950, 11ah46 baje mehsana kejrival 16.8.1968, 23ah46 baje hisar akhilesh yadav 1.7.1973, 08ah00 baje saifai mayavti 15.1.1956, 19ah50 baje daultpur kaiptan amrindar sinh 11.03.1942, 03ah45 baje patiyala okaram ibaevi sinh 19.06.1948, athokapam en.si.pi. 25.05.1999 navjot sinh siddhu 20.10.1963 13ah00 baje patiyala prakash sinh badal 08.12.1927, abul kurana