jyotish ke kshetra men karyarat sabhi mahanubhavon ke pas am log kisi n kisi samasya ko lekar ate rahte hain. samasyaen adhikatar vyakti ke vyavsay, vivah, bachche, svasthya evan arthik pahluon se sanbandhit hoti hain. parantu abhi kuch samay se jis samasya men teji ai hai vah am vyakti ke jivan men uthl-puthal lane vali ek bari samasya hai vaivahik ya vivahottar sanbandhon men utar-charhav. pahle jamane men raje maharaje to anek vivah karte the, par hamare hindu samaj men am vyakti ko ek se adhik vivah karne ki ijajat nahin thi. pratham patni ki achanak mrityu athva kisi vishesh paristhiti ke karan hi bahuvivah ka chalan tha
jise samaj ki manyata bhi mil jati thi. parantu aj ke samaj men bahu vivah ki bajay bahusanbandhon ka chalan adhik ho gaya hai aur ajakal yuvak evan yuvtiyan donon hi apni apni sanbandhon ki samasyaon men jab fans jate hain, to unka nirakaran jyotish dvara karana chahte hain. bahu vivah evan bahu sanbandhon ke jyotishiya vishleshan ke lie hamare shastron ne anek sutra die hain. inmen kuch pramukh sutra nimnalikhit hain jo visheshtya hamare anubhav ke adhar par tarkasangat aur falibhut hote pae gae hain.
û mesh lagn men nich rashi men chandra ashtam bhav men ho aur chandra par shani ki drishti ho, agni tatva sinh rashi men surya evan shukra hon aur kisi shubh grah ki drishti n ho to ekadhik sanbandh yog ki srishti hoti hai.
û vrishabh lagn men saptamesh mangal aur surya budh ke sath dvadash bhav men hon aur chaturth bhav men shani tatha rahu hon to jatak ke bahu sanbandh hote hain.
û stri jatak ke lie mithun lagn men guru lagnasth ho, dvitiya bhav men shubh grah budh shukra tatha nich mangal ke sath ho aur chaturth bhav men kshin chandra ko shani dekhta ho, to jatak ki mati bhrasht ho jati hai aur anek sanbandh sthapit hote hain.
û kark lagn men saptam bhav men surya ho, us par shani ki drishti ho, lagnesh chandra papakartari yog men pirit ho, to jatak ek se adhik vivah karta hain.
û purush jatak ki kundli men sinh lagn men shani evan chandra saptam bhav men hon aur mangal se drisht hon, to jatak ke bahu sanbandh hote hain.
û stri jatak ki kundli men kanya lagn men rahu, saptam bhav men surya, budh, ketu aur shukra, ashtam bhav men shani tatha chandra, chaturth bhav men mangal se drisht hokar baithe hon, to jatak ke bahusanbandh bante hain.
û stri jatak ki kanya lagn ho, dvitiya bhav men rahu, ashtam men guru ketu, navam men surya, budh aur shukra ast, ekadash men shani chandra mangal ho to vyabhicharini yog hota hai.
û saptam bhav men papi grah mangal v chandra ki yuti ho tatha kutunbesh ya saptamesh ke sath do ya do se adhik grah hon to bhi bahuvivah hote hain.
û visham rashi men lagn ho aur surya, chandra, mangal, budh, guru aur shukra bali hon tatha shani sadharan ho to bhi bahusanbandh bante hain.
û stri jatak ke lie tula lagn ho aur dvitiya bhav vrishchik rashi men chandra, mangal, budh, shukra aur ketu aur ashtam men rahu ho to jatak ke bahu sanbandh hote hain.
û tula lagn men saptam bhav men shani aur guru hon, dvadash bhav men rahu ho aur pancham men budh ho, to ek se adhik vivah ka yog banta hai.
û vrishchik lagn men shani v rahu, dvadash men mangal aur shukra ast ho to bahu sabandh hote hain.
û dhanu lagn men mangal v shukra, dvadash bhav men, vrishchik rashi men surya, budh v ketu hon aur sinh rashi men chandra ko shani dekhta ho aur kisi shubh grah ki drishti n ho to ek se adhik vivah hote hain.
û dhanu lagn men ketu aur saptam men rahu ho, shukra ashtam bhav men ho, lagn par mangal ki drishti ho aur chandra tatha shukra ast hon to ek se adhik vivah hote hain.
û makar lagn ho, dvadash bhav men surya, budh v shukra hon aur mangal se drisht hon, rahu v ketu vrishabh evan vrishchik men ho aur chandra ko mangal dekhta ho to jatak ke bahu sanbandh hote hain.
û makar lagn ho, saptam men mangal ho, ashtam men shukra, chandra, ketu aur lagnesh shani nich hon tatha kisi shubh grah ki drishti n ho, to jatak ke bahu sanbandh hote hain.
û kunbh lagn ke lie surya v ketu dvitiya sthan men hon, chathe, satven, athven sthanon men papi grah hon aur barhven bhav men chandra ho aur vah mangal se drisht ho to bahu sanbandh bante hain.
û min lagn ho, chaturth bhav men mangal ho, shashth bhav men chandra v rahu ho aur ashtam bhav men surya v budh hon aur kisi shubh grah ki drishti in par n ho, to jatak ke bahu sanbandh hote hain. prastut hai udaharan kundliyan jo hamare samaksh ai hain- nimn kundli ek mahila jatak ki hai jismen lagnesh dvadash bhav men hai par chalit kundli men shani ke sath hai aur saptam bhav men ketu mangal se drisht hai.
lagn men nich ka rahu hai jo chandra ko dekh raha hai aur chandra se ashtam mangal ki drishti shukra par hai jo ki saptamesh hai. chandra guru ke nakshatra men aur guru chandra se chathe men hai. chandra lagn se saptam bhav ka svami budh pap grah ke sath aur navansh men ashtam bhav men shani budh ketu jatak ke dampatya jivan ko nakaratmak rup se prabhavit kar rahe hain. jatak ki ketu ki mahadsha 11 disanbar 1993 se 11 disanbar 2000 tak hai. is avdhi men jatak apne upar sanyam nahin rakh pai aur charitra ko kalushit kar liya. nimn kundli ek purush jatak ki hai
jismen lagnesh chandra chathe bhav men agni tatva rashi men sthit hai aur mangal shani rahu v surya ke madhya papakartari yog se pirit hai. lagn se saptam bhav men surya ko kisi shubh grah ki drishti nahin hone se aur jaya karak grah shukra chalit kundli men ashtam bhav men hone se jatak ka talak hua aur dusra vivah hua. chandra ki purvasharha nakshatra men sthiti evan us nakshatra mangal ke svami shukra ke uchch ka hone se jatak ka bahu sanbandh bhi hua.