prashnah gunga, bahra hone ke jyotishiya karan evan upay kya hain? shastriya granthon men in doshon ke hone ke kya yog batae gaye hain tatha vyavharik rup se inka kitna prabhav hai? vicharon ki abhivyakti vani se hoti hai. vani hi manushya ki pahchan hoti hai. madhurbhashi manushya sabhi ko priya hota hai. yadi vani men koi dosh a jae ya gungapan a jae to jivan men bahut kuch kho jata hai. ise purva janmon ke karm falon ke rup men dekhte hain.
gungapn: janmalagn ya chandra lagn se dvitiya bhav vani ka pratinidhitva karta hai tatha budh grah ko vani ka karak mana gaya hai. dvitiya bhav, dvitiyesh ya karak grah budh ke pap grast ya duahkh sthanon men hone par yah dosh utpann hota hai.
nimnalikhit grah yog or yutiyan is drishti se drishtavya hai :
1. dvitiya bhav se karak grah budh 6, 8, 12 ven bhav men hone se dosh utpann hota hai ya dvitiya bhav ka svami in sthanon men ho ya dvitiya bhav men 6, 8, 12 bhavesh hon. yah sthiti dvitiyabhav ko lagn manakar dekhi jati hai.
2. janmalagn ya chandra lagn se 6, 8, 12 bhavon men dvitiyesh ya karak grah budh ho, in par pap drishti ho ya papyukt ho arthat in par shubhdrishti n ho to jatak gunga hota hai.
3. dvitiyesh in bhavon men kanedra v trikonesh ke prabhav men n ho to bhi jatak gunga hota hai ya dvitiyesh ya budh guru yukt ashtam men ho to bhi jatak gunga hota hai.
4. dvitiya bhav men nich ka grah ho tatha us par papdrishti ho ya papyukt ho.
5. dvitiya bhav men surya, chandra, rahu v papyukt shukra ho ya shani yukt chandra papagrahi ho aur surya mangal se drisht ho.
6. kark, vrishchik aur min rashi men papagrah hon, chandra papyukt ho ya papdrisht ho.
shashthesh ya budh 4, 8,12 ven bhav men papdrisht hon to jatak gunga hota hai. janmalagn ya chandra lagn se tritiyesh, ashtamasth grah, ashtam par drishti rakhne vala grah, nirbal rahu, dvitiyesh ya budh ki dasha antardasha men vani dosh utpann kar sakte hain ya dvitiya bhav se 8ven ya 12ven bhav ka svami jis rashi navmansh men ho usse 1, 5, 9ven jab shani ayega, tab vani dosh utpann ho sakta hai. kyonki mantreshvar ke anusar - tattadbhavadrishtameshasthitansho tat trikonge. vyayeshasthitmanshe va mande tadbhav nashanam.. arthat- jis bhav ka vichar karna ho, usse athven ya barhven bhav ka svami jis rashi ya navmansh men ho usse 1, 5, v 9 men bhav men shani ayega tab us bhav ka nash karega.
shastriya granthon men gunga (muk) yog ke lie grah sthitiyan :
1. kark, vrishchik aur min rashi men gaye hue budh ko amavasya ka chandrama dekhta ho.
2. budh aur shashthesh donon ek sath sthit hon.
3. guru aur shashthesh lagn men sthit hon.
4. vrishchik aur min rashi men pap grah sthit hon evan kisi bhi rashi ke antim anshon men v vrish rashi men chandra sthit ho aur pap grahon se drisht ho to jivan bhar ke lie muk (gunga) tatha shubh grahon se drisht ho to panch varsh ke bad balak bolta hai.
5. krur grah sandhi men gaye hon, chandrama pap grahon se yukt ho to bhi gunga hota hai.
6. shukla paksh ka janm ho aur chandrama, mangal ka yog lagn men ho.
7. kark, vrishchik aur min rashi men gaya hua budh, chandra se drisht ho, chaithe sthan men surya ho aur chathe sthan ko pap grah dekhte hon.
8. dvitiya sthan men pap grah ho aur dvitiyesh nich ya astangat hokar papagrahon se drisht ho evan ravi, budh ka yog sinh rashi men kisi bhi sthan men ho.
9. sinh rashi men ravi, budh donon ek sath sthit hon to jatak gunga hota hai.
10. yadi shashthesh aur budh lagn men hon tatha papagrah dvara drisht bhi hon to jatak gunga hota hai.
11. yadi budhashtak varg banane par budh sthit rashi se dvitiya rashi men koi rekha n ho arthat vah shunya ho to jatak gunga hota hai. atah pitradi bhavon ke svami ki sthiti dvara pitradi ke gungepan ke sanbandh men samjhna chahiye.
gungapan n hone ke jyotishiya yog :
1. yadi kark, vrishchik athva min rashi men papagrah hon tatha chandrama kisi pap grah se drasht ho to jatak gunga hota hai. parantu yadi chandrama par shubhagrah ki drishti ho to balak adhik samay bad athva 5 varsh ki ayu ke bod bolna aranbh kar deta hai.
2. yadi dvitiyesh evan guru ki ashtam bhav men yuti ho to jatak gunga hota hai. parantu yadi in donon men se koi uchch ya shubh ho to gunga nahin hota.
is prakar gungapan, haklana, aspasht svar adi vani sanbandhi rog hain yah rog kin grah sthitiyon men hote hain yah samjhne ke lie niche di gayi gungepan ya mukatva ki udahrnarth kundli vani bhav par drishti dalne se ek dam pata chalega ki us sthan ko do papi grah shani tatha mangal pirit kar rahe hain. unhin donon papi grahon ki drishti vani bhav ke pati shukra par bhi hai aur vah shukra nash sthan (ashtama) ko prapt hua hai. pancham bhav tatha brihaspati ka vichar bhi vani ke sanbandh men kar lena chahiye kyonki pancham bhav bhi vani ka sthan hai tatha guru ko vagish (vak ka ish) mana gaya hai. ab pancham bhav tatha vagish guru, donon par mangal ki purn drishti tatha shani ka kendriya prabhav hai. pancham bhav ka svami surya kendra men hai, parantu shatru rashi men hai tatha ketu yukt hai, atah adhik bali nahi hai. vani ke karak budh par bhi mangal ki drishti hai. atah dvitiya v pancham bhav in donon bhavon ke svami tatha budh evan brihaspati sabhi vani dyotak angon par pap prabhav ke karan ‘bhukatva’ siddh hua. bhrapan janmalagn ya chandra lagn se tritiya bhav kan ka pratinidhitva karta hai.
1. tritiyesh 6, 8, 12 bhavon men ho ya tritiya men 6, 8, 12 bhavesh hon. un par budh guru, shukra shubh grahon ki drishti n ho to jatak bahra ho sakta hai.
2. shani, surya v chandra men 3, 5, 9 ya 11ven bhav men ho aur shubh drishti n ho to jatak bahra hota hai.
3. saptam men shani, mangal, ketu, lagn men rahu aur budh hon to jatak bahra hota hai. ye yog janmalagn aur chandra lagn donon men hi drishtigochar hon, tab adhik prabhav dikhate hain. anyatha kabhi-kabhi yah dosh kam bolne tak hi prabhav dikha pate hain. bahrapan ke jyotishiya yog: kan men bahrapan, kam sunai dena, mavad bahna, pira adi. anek prakar ke rog hote hain. kis prakar ki grah sthiti men kaun se karn rog sanbhav hain. bhrapan ke sanbandh men nimnanusar samjhna chahie.
1. yadi shashthesh aur budh chaithe-chathe bhav men shani dvara drisht ho to aisa jatak badhir (bahra) hota hai.
2. yadi shashthesh aur budh shani dvara drisht hokar trik men baithe hon to aisa jatak bahra hota hai.
3. yadi shashthesh budh ho tatha budh evan shashth bhav par shani ki 108 ansh vali drishti par rahi ho to aisa jatak bahra hota hai.
4. yadi chandrama, budh, guru aur shukra ye charon ek sath baithe hon to aisa jatak bahra hota hai.
5. yadi chathe bhav men koi papagrah ho, budh trik men ho, mangal dushit ho tatha tritiya bhav kisi papagrah se drisht athva yut ho to aisa jatak bahra hota hai.
6. yadi purn chandra ke sath mangal chathe bhav men baitha ho to aisa jatak bahra hota hai.
7. yadi kshin chandra lagn men baitha ho to jatak uncha sunne vala athva bahra hota hai.
8. yadi vayu athva bhumi rashi ka shani pap drisht athva pap yukt ho to aisa jatak 40 varsh ki ayu ke bad bahra ho jata hai.
9. yadi budh shani se chaturth sthan men ho tatha chathe bhav ka svami (shashthesh) chathe, athven tatha barhven bhav men ho to jatak bahra hota hai.
10. yadi dvadash bhav men budh shukra ki yuti ho to jatak bahra hota hai.
11. yadi shashthesh chathe athva barhven bhav men ho aur us par shani ki drishti n ho to jatak bahra hota hai.
12. yadi purn chandra tatha shukra ye donon grah shatrugrah se yukt ho to jatak bahra hota hai.
13. yadi tritiya, pancham, navam tatha ekadash in bhavon men pap grah hon tatha in par shubh grahon ki drishti n ho to jatak bahra hota hai.
14. yadi shashth bhav men budh tatha dasham bhav men shukra ho to tatha ratri ka janm ho to jatak bahra hota hai.
15. yadi shashthesh aur dhanesh lagn men hon tatha shani-mangal dvadash bhav men ho to jatak ke kan katte ya fut jate hain.
is prakar in grah sthitiyon men jatak ko bahrapan rog hona sanbhav hai aisa samajh lena chahiye. ‘‘bahrapn’ ke jyotishiya vishleshnarth udaharan kundli jo vyakti sun nahin sakta vah bol bhi nahin sakta. atah ganugepan ka vastavik karan bahrapan hai. atah bahrepan ke lie tritiya tatha ekadash sthanon ka budh sahit pap prabhav se pirit hona ati avashyak hai. is kundli men ek vyakti ki santan bahri tatha gungi hai. pancham bhav santan ka hai aur pancham bhav se gyarhven tatha tisre (kundli ka tritiya tatha saptam bhav) bhav bachchon ke kan tatha unki sunne ki shakti ke parichayak hain. pancham se ekadash sthan men kark rashi hai aur us par rahu ka drishti prabhav hai. vah bhav shani dvara bhi purnataya drisht hai. yadyapi kark rashi ka sthan shukra se kendriya prabhav pa raha hai, parantu shukra par dvigun pap kartritva (surya-shani se tatha rahu se utpanna) hai. iske atirikt shukra, chunki surya tatha shani se adhishthit, rashi ka svami hai, atah ismen do papi grahon ka prabhav vidyaman hai.
jis prabhav ko shukra kark rashi par apni kendra sthiti dvara dal raha hai. is prakar saptam sthan (santan ka dayan kan) par surya-shani ki purna-drishti tatha rahu dvara rahu tatha mangal ka pap prabhav par raha hai. atah donon bhav pap prabhavon men paye gaye. isi karan bahre tatha gunge-hone ka yog siddh hua. shastron men varnit anya mahatvapurn yog mantreshvar ki faldipika ke anusar ‘‘yadi tisre v gyarhven ghar aur brihaspati mangal shani se yut ya drisht ho to kan ka rog hota hai. tisre se dahine kan ka vichar kiya jata hai aur gyarhven se bayen kan ka vichar kiya jata hai. shabd, sparsh, rup, ras, ras, gandh in panch gunon ka sanbandh prithvi, agni jal, vayu aur akash adi panch tatva se hai. surya aur mangal grah ka agni tatva, chandrama aur shukra ka jal tatva budh ka prithvi tatva shani ka vayutatva aur guru ka akash tatva hai. shabd gun ka adhishthataakash tatva hai. akash tatva guru se sanbandhit hone ke karan yah kaha gaya hai ki yadi guru mangl-shani se (mangal se ya shani se ya mangal v shani donon se) purn drishti se dekha jata ho ya shani mangal ke sath ho to bahrapan hota hai.
shri kalyan varma krit saravli ke anusar
1. ek tin gyarhven bhavon men chandrama pap grahon se yukt ho (ya in tino men papagrah v chandrama kisi bhi prakar se ho) sath men chandrama par kisi bhi pap grah ki drishti ho to jatak kanon se vikal hota hai.
2. pancham v navmbhavon men pap grahon se drisht do pap grah ho to jatak ke kanon men bara vikar paida karte hain.
3. navm-bhav men banne vale yog se daya kan tatha pachve bhav ke yog se bayan kan vikrit hota hai.
yadi ukt bhav men shubh grah ki rashi ho, shubh drishti ho to vikar nahin hota ya bahut sadharan hota hai. muk yog ke bare men saravli men kuch vishesh lakshan batlae gae hain- papagrah rashiyon ki sandhiyon men gae ho vrish rashi men chandrama par mangal shani surya ki drishti ho to jatak gunga hota hai. jatak alankar ke anusar yadi dvitiyasthan ka svami grah aur guru in men koi ek ya donon 6, 8, 12 ven sthanon men gayen ho to manushya vanihin arthat muk hota hai. isi prakar jatak ki kundli men mata-pita, bhrata adi sthanon ke svami unse dvitiyesh v guru se yukt hokar trik sthanon men (6, 8, 12) men gae ho un sanbandhiyon ki muktan kahni chahie. sarvarth chintamni ke anusar dvitiya sthan vaktritva shakti, bhashan shakti ka sthan hai aur budh bhashan ka karak grah hai. savarth chintamnikar likhte hain ki dvitiyesh aur guru astam men ho to manushya muk hota hai. shambhu hora prakash ke anusar: shukra ya mangal dvitiya ya dvadash bhav men ho to muk badhir yog hota hai. parashar hora shastra ke anusar yadi chaturth sthan men 1, 4, 7, 10 rashi ho tatha chaturthesh shashth men v mangal 12 men ho to manushya muk hota hai. saptarishi nari ke anusar: yadi mangal aur budh pap prabhav men ho aur guru nich ka hokar 6, 8, 12 bhav men ho to jatak bahra hota hai. kachchapambuja nari ke anusar: tritiya bhav athva tritiyesh ke pap prabhav men hone se jatak janmajat gunga v bahra hota hai.
kachchapambuja nari ke anusar:
upay: gungapan ya bahrapan yadi janm se hon to koi upay nahin kiya ja sakta. yadi kundli ke anusar bhavishya men aisa hone vala hai to jyotishiya upayon dvara ise kam kiya ja sakta hai. vani ka karak budh yadi prabhavit hai to budh sanbandhi upay karna chahiye.
1. budhvar ko ganeshji ko laddu ka prasad charhayen ya ganesh atharvashirsh ka path karen.
2. durga saptashati ka path karvaen.
3. petha, kaddu ka dan karen ya hare vastron ka dan karen.
4. tanbe ka paisa pani men bahaen. yadi dvitiyesh ya tritiyesh prabhavit ho to grahon ke anusar upay karne par gungapan, bahrapan hone ko kam kiya ja sakta hai.
surya: gayatri mantra ka jap karen. gur v gehun ka dan karen. surya ko aghrya den.
chandra: shivling par dudh v jal ka abhishek karen. rat ko dudh n piyen. chandra se sanbandhit vastu chandi, dudh ka dan karen.
mangl: hanumanji ko gur aur churmen ka bhog lagaen. mithe bhojan ka dan karen. manglvar ka vrat rakhen ya sundar kand ka path karen.
guru: keshar ka tilak mathe v nabhi par lagaen. pipal ka vriksh lagaen. guru ki seva karen.
shukra: gay ka dan karen ya gay ko chara khilaen. shukra ki devi lakshmiji hain. atah unke samaksh ghi ka dipak jalakar shri sukt ka path karen.
shani: machli ko ate ki goliyan khilaen. tel ka dan karen. kauon ko bhojan ka ansh den.
1. vani dosh hone par kartikey mantra v stotra ka path nitya subah sandhya kal men pipal ke vriksh ke niche baithakar 10 bar parhe. ye prayog kisi bhi pushya nakshatra men shuru kar 27 dinon tak agle pushya nakshatra tak bina kisi naga ke kare.
2. pipal ke vriksh ki parikrama karte hue brahmaji dvara narad ji ko batae gae ashvatth stotra ka path karna chahie v dip prajvalit karna chahie. is upay ko kane se guru janit vani vikar v badhir yog kafi had tak shant ho jata hai.
3. jis din anuradha nakshatra brihaspativar ko ho us din siras ke v am ke komal patton ko torakar unka ras nikal kar use gunguna kar 4 bunde nitya donon kanon men 62 din tak lagatar dalen. karn rog se v sunne men utpann samasya se chutkara mil jaega. jis jatak ke janmang men yah yog parilakshit hota hai. us jatak ko bhi vageshvari puja yantra ko sava sat lakh mantron se abhimantrit karke shukla panchmi ke din dharan karne se donon samasyaon ka nivaran hota hai.
4. chandi ki sarasvati ka dan shuklapaksh panchmi ko ya basantpanchmi ko karna muk dosh ko shant karne ka sarvottam upay hai.