prashna: vartaman samay ka faladesh karne ke lie yog, dasha aur gochar men se kiska mahatva adhik hai aur kyon? apne uttar ko udaharan ki sahayta se pramanit karen. vartaman samay ka faladesh karne hetu yog, dasha aur gochar men se vaise to tinon ka mahatva barabar hai, parantu pahle nanbar par mahatvapurn, vibhinn dashaen (maha, ant, pratyantar, sukshm v pran dasha) hain, kyonki jab jatak janm leta hai to iska janmadata arthat dinank (tithi), samay v sthan niyat ho jata hai aur usi ke anusar kundli men grahon, nakshatron v rashiyon ki sthiti bhi niyat ho jati hai.
vibhinn dashaen jatak ke janmakalin grah nakshatra ke svami ke samay (varshon men) ke anusar jatak par vibhinn prabhav deti hai. vibhinn dashaon ka achcha ya bura prabhav vibhinn yogon (achche/bure) ko sath men lekar shubh ya ashubh parichay deta hai, jisse ye donon (dasha, yog) sath chalte hain. isse vartaman gochar ka samay (jo chandra kundli ya lagn kundli se nirdharit hota hai) vibhinn dashaon men sukshm v pran dasha jo ek din ya kuch ghante samay ki hoti hain, usi ke anusar prabhav deti hain. kuch udaharan kundliyon se uprokt siddh kiya ja sakta hai. modi ji ko janm samay shani ki mahadsha prapt hui jo 1960 tak chali. shani, dasham bhav men shatrurashigat sthit hai tatha saptamesh v vivah karak shukra bhi dasham bhav men shatrurashigat ashubh sthit hai.
atah inka 20-21 men vivah hua par chal nahin paya, atah 1973 men patni ko chor diya. us samay budh men shukra ka antar chala a raha tha. inka lagn v rashi (gochr) ek hi, kundli men faladeshit hoga. age 2003-04 dashmesh surya ki mahadsha men unhen gujrat ka mukhyamantri banaya. surya ekadash bhav men budhaditya yog bana raha hai jis karan disanbar 2013 men gujrat ke tisri bar mukhyamantri bane. fir bije. pi. parti ke lie mai 2014 tak jor-shor se railiyan nikalin aur bharat ke pradhanmantri 26/5/2014 ko bane. us samay chandra men guru ka antar chal raha tha. guru grah chaturth bhav men shatru rashigat sthit hokar dasham bhav par shubh drishti dal raha hai. chandra grah navmesh, bhagyesh hokar lagn men nich ka hai. lekin sath hi lagnesh, lagn men svagrihi hokar chandra ka nichatva bhang kar raha hai. mangal grah panchmhapurush ka ‘ruchak yog’ bhi bana raha hai.
atah donon ki yuti tatha navmesh ka lagn men sthit hona videsh yatraen karvata hai. kul milakar sabse pahle vibhinn dashaen prabhavi hain fir yog tatha gochar. kundli nan. 2: shri salman khan (film star) inka bhi lagn v rashi makar hi hai tatha gochar ka bhi isse hi faladesh hoga. inhen janm se rahu ki dasha prapt hui, jo 1982 tak chali. rahu pancham bhav men mitra rashigat hai tatha lagn, chandra, shukra, mangal par pap prabhav hai. shukra panchmesh bhi hai atah inki parhai madhyam rahi. lagn men shukra $ chandra ki yuti ne inhen sundar banaya. mangal, rahu ne jim dvara vyayam kar sharir ko gathila banaya. lagnesh shani dvitiya bhav men svagrihi hai, jo achchi vani, dhan adi deta hai.
1982 se 98 tak guru ki mahadsha chali. guru men shani ki antardasha men 1987 men film udyog men ae. guru grah chathe bhav men samrashigat sthit hai. pahli film ‘bibi ho to aisi’ se filmi kariyar ki shuruat ki. lekin 1989 men shani ki sarhesati ne inhen rato-rat (shani ratri ka karak hai) film ‘‘mainne pyar kiya’’ se supar star banaya. fir 6-7 alg-alag abhinetriyon ke sath supar hit film di, jaise- sanam vevfa, bagi, sajan, ham apke hain kaun adi. bich men 4-5 sal thapp rahe. 1999 men ‘ham sath-sath hain’ se charcha men ae. us samay shani ki mahadsha aranbh ho gayi thi.
jodhpur men sathi kalakaron ke sath chinkara kand tatha munbai men futpath ke upar so rahe garib majduron par nashe men dhutt inhonne gari charhai, ek mara v 2-3 ghayal huye. tab se vivadon men aye. lekin shani balvan hone se bach gaye. iske bad ‘ham dil de chuke sanam, tere nam, garva, reddi, dabang, vaented, ek tha taigar, kik ne inhen fir se supar star banaya. abhi vartaman men shani ki mahadsha ka samay chal raha hai. inke lagn men mangal ruchak yog (panchmhapurush) bana raha hai tatha lagn, chandra, surya se prabal manglik hain tatha shani lagnesh, rashish hokar dvitiya bhav men svagrihi hain. shani grah algavvadi grah hai tatha saptamesh chandra lagn men mangal, rahu, shukra se pirit hai.
atah inki shadi 50 varsh hone par bhi nahin ho pai. uchch ke mangal v svagrihi shani ne apar dhan daulat di. bich men das ka dam (saval das karor ka) soni par bhi kar chuke hain. shani ki mahadsha 2017 tak chalegi. tab tak salman 52 ke ho jayenge. uske pashchat bhagyesh budh ki dasha lagegi. budh bhagyesh, shashthesh hokar dvadash bhav men samrashigat sthit hai lekin sath hi punah shani ki sarhesati ka daur chalega. ek taraf purane vivad ubhrenge to dusri or lagnesh, rashish inhen chalane men lagega. keval salman hi ek aise star hain jinhonne chandra$shukra (ruchak yog)$shni (lagnesh rashish) ke karan alg-alag evan nai abhinetriyon ke sath kai filmen kin.
kundli 3: sachin tanedulakar (mastar blastar kriketr) inhen janm se surya ki mahadsha prapt hui. surya grah navmesh hokar pancham khel bhav men uchch ka sthit hai. panchmesh uchch mangal, lagnesh, rashish v chaturthesh guru jo nich ka hai, donon dvitiya bhav men sthit hain. mangal ne guru ka nichatva bhang kiya hai. atah khel ke prati bhagya bali raha hai. surya ki mahadsha men bachapan se hi hath men balla sanbhal liya. 6 se 16 varsh tak chandra ki mahadsha men skuli khel men bahut sare aur kambali ke sath 664 ran ki sajhedari ki. antarrashtriya kriket men inka chayan chandra men surya ki antardasha men hua. us samay sachin ki umra 16 varsh thi arthat 1989 men. 1989 se 7 varsh ke liye uchch mangal ki mahadsha men antarrashtriya kriket jagat men ranon ki barsat kar jhande gade. yah dasha 1996 tak rahi. pancham vidya bhav men ashubh shukra ne parhai men nimn star par rakha. fir 96 men 18 varsh ke liye rahu ki mahadsha aranbh hui.
ek taraf kriket tha to dusri or prem. saptam bhav men shani ki sthiti, rahu ki drishti tatha saptamesh nich budh ne inhen umra se 7 varsh bari patni anjli se vivah karvaya. panchmesh v lagnesh (man$gu.) ki dvitiya bhav men yuti, bhagyesh ki pancham bhav men shukra ke sath yuti tatha lagnasth chandra ne prem vivah karvaya. inki kundli men ashubh kalasarp yog bhi hai, atah jab inhen rahu mahadsha men 1996 men bhartiya tim ki kaptani saunpi gai, tab khel men chal nahi paye, tim ka netritva nahin kar paye arthat rahu grah ne lagn men chandra ko pirit kar pitri rina/grahan yog banaya. atah inki kundli se spasht hai ki sachin kabhi dabav men achcha nahin khel sakte hain.
inke nam vande, test v ti-20, banbe raeyal chailenj men kai rikard hain. sachin ne test men 51 shatak v vande men 49 shatak arthat shatkon ke shatak bana chuke hain. karib 30-32 hajar ran antarrashtriya kriket men unke nam hain. vande men pahla dohra shatak bhi inke nam hai. valrdakap men bhi sarvadhik ran ka rikard (2003) unke nam hai. 2011 ka valrd kap jitne ke bad (rahu-uchch surya) 2012 v 2013 (rahu-chandra) men kriket jagat se sannyas le liya. inka bhi gochar isi kundli se chala. sarvapratham dashaen prabhavi thin, fir yog v gochar. inke karan hi inhen mastar blastar v kriket ka bhagvan kahte hain.
janmakundli ka jyotishiya vishleshan jis bhi vishay ke sandarbh men kiya jata hai us vishay se sanbandhit shubhashubh yogon ki upasthiti/ anupasthiti ki janch aur unka vishleshan avashyak hai.
û janmakundli men upasthit yogon ke ghatit hone ka sanbhavit samay dasha vishleshan ke madhyam se kiya jata hai.
û yog se sanbandhit ghatna ka samay nirdharan hone ke uprant ghatna ke kriyanvit hone ka karya gochar ke dvara hota hai.
û gochar ka shubh ya ashubh hona ghatna ko puri tarah se prabhavit karta hai. yadi janmakundli men kisi shubh ghatna se sanbandhit yog maujud ho aur ghatna ke ghatit hone ka nikatatam samay bhi (dasha ke adhar par) nishchit ho to us ghatna ka ghatit hona nimn prakar se gochar dvara prabhavit ho sakta hai ya hota hai.
û yadi gochriya grah sthiti aur janmang ke grahon ki sthiti men ghanisht sanbandh sthapit ho jae to ghatna ghatit ho jati hai aur jatak ko ghatna se sanbandhit falon ki prapti hoti hai. lekin yadi gochar ke grahon aur janmang men sthit ghatna se sanbandhit yog ka sarjan karne vale grahon ke madhya ghanisht sanbandh nahin sthapit hota hai to ghatna ghatit nahin hoti hai.
û anukul yog v anukul dasha avdhi men prapt ho rahe shubh falon men achanak hi badha utpann ho jati hai. is badha ka ekaek utpann hona bhi sidhe taur par gochar se hi sanbandh rakhta hai.
û ‘‘arthat gochar hi mukhya rup se vartaman faladesh ko prabhavit karta hai’’ nishkarsha: atah sakaratmak yogon ka janmakundli men hona, sahi dasha ka hona tab hi faldayak siddh hota hai jab gochar bhi shubh ho. arthat yog aur dasha ko jab tak gochar fevar nahin karta tab tak falon ki prapti nahin hoti hai. gochar jis anupat men shubh ya ashubh hai. usi anupat men fal prapti par prabhav parta hai. islie ashubh gochar ke prabhavavash kabhi-kabhi shubh yog apna pura fal jatak ko pradan nahin kar pate yani fal ka kuch bhag hi jatak ko prapt hota hai. baki nasht ho jata hai.