bhartiya sanskriti dharm, arth, kam tatha moksharupi purusharth prapti ko hi apna dhyey manti rahi hai. inmen se bhi arth tatha kam ke prati manav mastishk ka akarshan sarvavidit hai.
is laukik jagat men shayad hi aisa koi manushya ho jo arthaprapti ke prati akrisht n ho. prashn yah nahin hai ki dhan athva lakshmi ki ichcha kaun karta hai, mahatvapurn bat to yah hai ki lakshmi kiska varan karti hain. yah samast vishva dvandvamay hai.
sukh-duahkh, labh-hani, aishvarya-daridrya adi ka astitva is siddhant ki satta ka samarthan karne ke lie paryapt hai. jahan is samaj men sarvasukh sampann kotyadhipti purush bhi hain, vahin daridrata ke abhishap se pirit purushon ka bhi abhav nahin hai.
atah yah prashn uthna svabhavik hai ki akhir aise kaun se karan hain jo kisi vyakti ko samast vishva ka vaibhav, sukh v samriddhi pradan karte hain athva kisi ko ann ke dane-dane ke lie mohtaj bana dete hain.
anya laukik prashnon ke saman hi is prashn ka samadhan bhi jyotishshastra ke pas hi hai. jyotishshastra yah spasht rup se kahta hai ki vyakti apne purvajanm ke krityon ke karan hi vartaman jivan men sukh athva duahkh ka bhagi hota hai
- matryaah sarvejagajjatashcharachrimidan hi vai. svakarmana visheshen sukhduahkhadikan ch sat.. janmakalin grahon ki sthitiyon se banne vale yog manav jivan ke vistar men dhan, sukh, sampada adi ki sthiti ko spasht karne men purnatah saksham hote hain.
jahan kuch yog prachur dhan labh ki or sanket karte hain vahin kuch aise bhi grah yog hain jo daridrata ki sthiti utpann karne vale hote hain. aie sarvapratham ham kuch aise hi sampattiman yogane par drishtipat karte hain jo jatak ko prachur dhan labh pradan karne men samarth hote hain-
- chandra rashi se upachay sthanon (3,6,10,11) men shubhagrahon ki sthiti dhandayak hoti hai.
- kendra bhavon (1,4,7,10) tatha trikon (1,5,9) bhavon men yadi dvitiyesh tatha dashmesh ek sath sthit hon.
- char grah yadi apni rashi men sthit hon.
- dhanesh arthat dvitiya bhav ka adhipti yadi navam, dasham athva ekadash bhav men sthit hon.
- chandrama tatha mangal ki yuti bhi prabhut dhandayak yog ka nirman karti hai.
- dvitiya, lagn tatha ekadash bhav apne bhaveshon se yut hon.
- dvitiya bhav ka svami grah aur ekadash bhav ka adhipti grah mitrarashi athva uchchasth hokar labhasthan men yuti sanbandh bana rahe hon.
- dvitiyesh aur ekadshesh mitra grah hokar lagn bhav men ek sath sthit hon.
- dhanesh, labhesh tatha lagnesh lagn bhav men hi sthit hon.
- brihaspati tatha shukra tritiya, shashth, dasham athva ekadash bhav men sthit hane.
- charon kendra bhav (1,4,7,10) shubhagrahon se yukt hon.
- budh kark rashi ka ho aur shani ekadash bhav men hon to bhi prabal dhanyog nirmit hota hai.
- shani svarashi (makar, kunbh) ke hokar pancham ya ekadash bhav men sthit hon.
- ekadash bhav men devguru brihaspati hon tatha sinh rashi ka surya pancham bhav men sthit hane.
- sinh rashi arthat svarashi ka surya lagn bhav men ho tatha mangal se brihaspati ka yuti sambandh ban raha ho.
- mangal svarashi (mesh, vrishchik) ka hokar lagnasth hon tatha inka shukra, shani v budh ke sath yuti sambandh ho.
- svarashi ka budh lagn bhav men sthit hon tatha un par shani tatha shukra ki drishti ho athva inse yukt hon.
- dvitiya bhav men shubhagrahane se drisht budh ki upasthiti akshay dhan ka svami banane vala hoti hai.
- dvitiya bhav men lagn ka svami grah ho, jabki dhanesh ekadash bhav men ho tatha ekadash bhav ke adhipti lagn bhav men hon to achanak prachur dhan labh hota hai.
- lagnesh ka navanshesh jis rashi men sthit hon, uske svami se drisht hokar navmesh aur dvitiyesh yadi kendrasth hon to aise jatak ko balyavastha men hi akut dhan ka labh hota hai.
- lagn bhav ka adhipti yadi budh, brihaspati aur shukra se yut hokar kendra bhavon men sthit ho.
- navmesh lagn bhav men sthit hokar navam bhav ko dekh rahe hon tatha chaturthesh chaturth bhav ko dekh rahe hon.
- dvitiya bhav ka svami brihaspati se yukt hokar dvitiya bhav athva kendra bhavon men sthit hon. janmapatrika men uprokt grahyogon ki upasthiti jatak ko nishchit hi dhan sanpda tatha samriddhi ka labh deti hai.
dvitiyesh ki dasha-antardasha men yah dhanagam hota hai. janmang men in grah yogon ki upasthiti ka yah ashay bilkul bhi nahin hai ki jatak ko bina prayas kie hi dhan labh ho jaega. jyotish shastra karmapradhan shastra hai aur is shastra ka ashay hai ki in grahyogon se yukt janmang vale jatak apekshakrit alpaprayas se hi dhanlabh prapt kar lete hain.
sampannata ka dvandvabhav daridrata se hai atah jyotishshastriya vibhinn daridray yogon ko prastut kiya ja raha hai. in grahyogon men utpann jatak atyadhik shram tatha prayas karne ke bad bhi jyada dhan nahin kama pate hain. nimnalikhit grahyog daridrata ka srijan karte hain-
- dvitiyesh krur shashthyansh men sthit hokar kendra athva trikon bhavon men ho to jatak alp dhani hota hai.
- dvadash bhav ka svami yadi pap grahane ke sath ho.
- surya tatha chandrama markesh (dvitiyesh-sasmesh) se yukt hokar lagn men sthit hon.
- shashthesh lagn bhav men tatha lagnesh shashth bhav men markeshon ke sath hon.
- papyukt nichrashigat (tula) surya kendra bhavon men hon to bhi jatak daridra hota hai.
- ekadash bhav athva ekadshesh par pap prabhav ho.
- brihaspati se dvitiya, chaturth tatha pancham bhav men pap grah hon.
- dvitiya bhav men pap grah aur dasham bhav men shubh grah hon to daridrata hoti hai.
- navmesh dvadash bhav men, dvadshesh dvitiya bhav men tatha tritiya bhav men pap grah sthit hon.
- surya tatha chandrama ek hi rashi men sthit hon tatha sath hi paraspar navansh men bhi hon.
- surya tatha chandra kumbh rashi men sthit hon tatha shesh grah nichrashigat hon.
- surya vrish rashi men, chandrama min men, shani mesh men tatha mangal kark rashi ka ho to jatak dhan-sampada se hin hota hai.
- navam bhav ka svami dvadash bhav men ho tatha kendra bhavon men papagrah sthit hon.
- dvitiya bhav men papagrah, lagn bhav ka svami dvadash bhav men tatha dasham bhav ka adhipti, ekadshesh se yut ho to aisa jatak ajivan rini rahta hai.
- dvitiya bhav ka svami jis navansh men ho, uska svami 6-8-12 bhavon men pap grahon ke sath ho.
- dvitiyesh pap grahane ke sath ho tatha dvitiya bhav men bhi papagrah ho.
- ekadash bhav men krur grah baithe hon tatha ekadash bhav ka svami bhi pap grahon ke sath ho.
- brihaspati se chathe, athven ya barhven sthan men chandrama ho to bhi jatak dhanabhav se grast rahta hai.
- dvitiya bhav ka adhipti yadi chathe, barhven athva athven sthan men hon tatha lagnesh kamjor ho.
- ekadash bhav ka adhipti shashth, ashtam ya dvadash bhav men ho tatha yah labhesh nich, ast tatha pap pirit ho to jatak mahadridra hota hai.
ye sabhi grahyog ashubh kahe ja sakte hain. in yogon men utpann jatak daridra, rinagrast tatha abhav men jivn-yapan karne ke lie abhishapt hote hain. janmang men in grahyogon ki upasthiti se jatak ko vichlit nahin hona chahie. apne athak parishram, adhyatmik tatha jyotishshastrokt upayon dvara in ashubh yogon ki tivrata ko kafi sima tak kam kiya ja sakta hai. aise jatkon ko adholikhit upayon ka ashray grahan karna chahie-
- lagnesh tatha navmesh ka ratn dharan karen.
- brihaspati sarvavidh sampattidata hain, atah pukhraj ratn dharan karna chamatkarik prabhav dikhata hai.
- kankdhara stotra ka nitya 11 bar path karen.
- shri sukt ka path bhi samast duahkhon ka nashak tatha samriddhidata mana gaya hai. yah path yadi sfatik ya parad shriyantra ke samaksh kiya jay to shighra hi labh milta hai.
- yathasamathrya lakshmi gayatri mantra ka mansik jap karane. mantra is prakar hai-
‘‘un mahalakshmyai ch vidmahe vishnu patnyai ch dhimhi tannolakshmiah prachodyat’’
- devi padmavti ka mantra bhi achuk mana gaya hai. jain sampraday ki devi ke rup men prasiddh yah devi samast vaibhav pradan karne vali hai. mantra is prakar hai-
‘‘un namo bhagvti padmavti sarvajan mohni sarvakaryakrni mam vikat sankat sanharini mam maha manorath purni mam sarva chintapurni un padmavti namah svaha’’. 51 mala 21 din tak karen. anushthan manglvar ke din praranbh karna shreyaskar hai.
- shuddh tatha satvik bane rahen.
- ganpti mantra ka path bhi isht faldayak hota hai-
‘‘un gan ganptye namah’’
- yadi atyadhik rin ho gaya ho to rinahatrta mangalastotra ka niyamit path karen tatha mangal ka vrat rakhane.
- shri yantra ka kisi bhi rup mane upasna samast siddhi tatha aishvarya dene vala hota hai.