astey vrat arthat chori n karna jivan ka sabse mahatvapurn vrat hai. is vrat ka palan manushya kabhi bhi kisei bhi kshan se praranbh kar sakta hai. use indriyon par sanyam rakhte hue virat virateshvar bhagvan narayan ke samaksh sankalp lena hoga ki he param parmatma, dinon ke rakshak, main aj se astey vrat ka jivan bhar palan karunga.
vishesh sankat ki sthiti men bhi is astey vrat ko khandit nahin hone dunga. aisa shubh vichar man men ate hi bhagavat kripa evan sadguru kripa prapt hone lagti hai. jivan ka pravah kumarg se sumarg, andhkar se prakash tatha avidya se vidya ki or agrasar hone lagta hai.
astey vrat ka palan karne vala manav buraiyon par vijay prapt kar achchaiyon ki or barhta hua dharm, arth, kam v moksh charon purusharthon ko prapt kar leta hai. kahne ka bhav yah hai ki astey vrat ka drirhta se palan karne vala manushya sansarik sukhon ko bhogta hua prabhu ka sannidhya prapt kar jivan maran ke bandhan se mukt ho jata hai.
astey arthat chori n karne ka vrittant bhagvan manu ne manu smriti men das dharmon ke antargat varnit kiya hai. yatha- dh a ri it: ksh a m a d m a e ' s t e y n shauchmindriyanigrahah. dhirvidya satyamakrodho dashkan dharmalakshan am.. shudra ke lakshanon men bhi astey dharm ka spasht nirdesh hai. yatha -
shudrasya sanntiah shauchan seva svaminyamayya.
amantrayagyao hyasteyan satyan goviprarakshan am.. (shrimadbhagavat 7/11/24)
sandipan guru ke mahakaleshvar ujjain nari ashram men vipra sudama ne devki nandan bhagvan shrikrishn ke sath chanon ki chori ka pap kiya, parinam apke samaksh hai, jivan bhar daridrata ka prakop bana raha. ek chori ka apradh itna bhayankar, to ham pratah se sayan tak, sayan se pratah tak, ghar, bajar, vyapar, sevakarm pratishthanadi men rahte hue n jane kis-kis prakar se kis-kis tarah ki chori karte hain, uske dushparinam ke bare men kabhi vichar nahin karte.
ishvar hi janta hai hamare is kukritya ka kya parinam hoga ? atah manushya matra ko ”astey vrat arthat chori n karne“ ka palan avashya karna chahie. hamen apne balkon ko bhi yahi shiksha deni chahie. astey vrati rishi shankh aur likhit ka akhyan is sandarbh men yahan ullikhit hai. rishi shankh aur likhit astey dharm ke palak the.
unhonne iske palan ka vrat le rekha tha. jo dharm vrat ka palan karta hai, bhagvan use hi prapt hote hain, aur jo ishvar ko prapt kar leta hai, vah sansarik bandhan se mukt ho punarjanm prapt nahin karta. jin logon ki dharm vrat men shraddha nahin hoti, ve janma-mrityu rupi sansar chakra men bhraman karte rahte hain. kaha gaya hai-
ashraddadhanaah purusha rdhasyasya parantap.
aprapya man nivartante mrityusansaravatrmani.. (gita 9/3)
rishi shankh aur likhit astey vrat men purn shraddha rakhte the. ek bar rishi likhit apne agraj rishi shankh ke ashram men gae to vahan unhen n shankh mile aur n hi unki patni. likhit kshudhapirit the. is karan unhonne bhrata ke upavan se ek fal tor liya aur use khane lage. usi samay rishi shankh a gae aur unhonne likhit ko fal khate hue dekh liya. shankh ne anuj likhit ko prempurvak apne samip bulaya aur unse kaha- ‘bhrata likhit! tum mere ashram men ae aur tumne mere upavan ko apna upavan samajhakar usse fal tor kar khaya.
isse mera man prasann to hua, kintu jis astey dharm ka vrat hamne le rakha hai, uske palan karne se tum vimukh hue ho, atah tum dand ke bhagi ho.’ rishi likhit ne apne agraj shankh se kaha- ‘bhaiya! ap jo chahen dand de sakte hain, main use saharsh svikar karne ko taiyar hun.’ rishi shankh bole- ’main dand vidhata nahin hun. dand dene ka adhikar to yahan ke raja ko hai, atah unke pas jao aur dand prapt kar chair karm ke apradh se mukt ho jao.’ rishi likhit raja ke pas gae aur unhonne raja ko apni stey katha kah sunai.
raja ne kaha- ‘jis prakar raja ko dand dene ka adhikar hai, usi prakar kshama karne ka bhi use adhikar hai.’ likhit ne unhen age bolne se rok diya aur kaha- ‘ap dand vidhan ka palan karen. stey ka jo bhi dand brahmanon ne nishchit kar diya hai, use ap kriyanvit karen.’ rishi likhit ke kathan ko sunakar raja ne unke kalai tak donon hath katva die.
likhit hath katvakar bare bhai shankh ke pas laut ae aur unse prasann hokar bole- ‘bhaiya! main raja se dand lekar aya hun. dekho, mainne apki anupasthiti men apke upavan se ek fal torakar jo chori ki thi, uske dandasvarup raja ne mer donon hath katva die. ab to ap prasann hain n.’
shankh ne uttar diya- ‘ab main prasann hun kyonki tum stey namak apakarm se mukt ho gae ho. ao, punyaslila nadi men snan kar sandhya vandan karen.’ likhit ne bhai shankh ke sath nadi men snan kiya. tarpan karne ke lie jaise hi likhit ke donon hath jal se uthe, vaise hi ve hath purvavat ho gae. rishi shankh ka astey vrat kabhi khan.i dat nahin hua tha. unki manovancha thi ki bhai likhit ke donon hath purn ho jaen.
hastapurnata dekhakar likhit ne kaha- ‘bhaiya! yahi karna tha to apne mujhe raja ke pas kyon bheja ?’
shankh ne uttar diya- ‘apradh ka dand to raja hi de sakta hai, kintu dharm vrat ka palan karne vale samarth brahman ko use kshama karne ka bhi adhikar hai. atah mainne tumhen kshama kar diya, jisse tumhare hath purn ho gae. ab tum astey vrat ka palan karte hue pratidin ganga men snan karna, isse tum svarg lok men pratishthit ho sakoge.
if you are facing any type of problems in your life you can consult with astrologer in delhi