arogyadayini vipattinashini shankh dhvani gopal krishnakri shankh nad ka apna ek vishesh mahatva hai. iske gunon par adhunik vaigyanikon ko bhi sandeh nahin hai. is shankh dhvani ko sunakar vishvavikhyat bhartiya vaigyanik dae. jagdish chandra bos achanak achanbhit rah gae the. har din sunai vale shankhnad men unhen aisa kuch dikhai dene laga, jo katton ke karun chitkar tatha rudan ka karan banta hai, mano un par kisi bhari chij aghat kiya gaya ho. yah tathya mandiron men bhagvan ki arti ke bad bajae jane vale shankh ki avaj se unke samne spasht ho kar ubhra. shankh ko lekar shodh karte karte dae. bos is natije par pahunche ki shankh funke jane par, uske vishisht akar ke karan, usse ek sarpil dhvani niklti hai, jismen kitanunashak kshamata hoti hai. vaigyanik bos ne apne shodhkarya dvara jo kuch pramanit kiya vah prachin kal ke rishi-muniyon aur vidvanon ko pahle se hi malum tha. puranon men uddh arit hai ki shankh bajakar prakritik prakopon tatha duratmaon se bachav ho sakta hai. shayad yahi karan hai ki vaidik kal se hi har dharmik anushthan ke praranbh men shankh bajane ka prachalan hai. mahabharat se pata chalta hai ki kurukshetra yuddh ki shuruat bhi shankh nad se hui thi aur pratyek sainik ke pas uska niji shankh tha. krishn ji ke shankh ka nam panchajanya tatha arjun ke shankh ka nam devadatt tha. yogiyon evan sadhkon ka manna hai ki shankh bajane se n keval fefde pusht hote hain, balki anten bhi suvyavasthit rahti hain. shankh bajane vale tatha uski avaj sunne vale, donon ke lie labhdayak hai. iski avaj se mastishk ka snayutantra sakriya rahta hai, jisse smaran shakti barhti hai aur sir dard se aram milta hai. kaha jata hai ki shankhnad se shila vrishti bhi roki ja sakti hai. shankh nad ke is chamatkari prabhav ke bare men tark diya jata hai ki aisa karne ke lie kuch mantrochcharan ki avashyakta hoti hai aur do mahine tak vishesh dharmik anushthan ke bad hi is prakar ke parinam sabhn av hate e han.ai kaha yah bhi jata hai ki ek mahan sadhak shankh dhvani se varsha bhi rok dete the. lekin unhonne, manav hit hetu , kabhi kisi ke samne aisa karne ke lie avashyak mantra ka bhed nahin khola; shayad islie ki vah iske durupyog kie jane ke dushparinamon se avagat the. shankhnad kyon ? samudra manthan ke samay prapt chaidah ratnon men se ek shankh ki utpatti chathe sthan par hui. shankh men bhi vahi adbhut gun maujud hai, jo anya terah ratnon men hain. iske nad se a, om arthat ¬ shabd niklta hai. shankh bajate samay is ¬ ka nad jahan tak jata hai, vahan tak ki nakaratmak urja nasht ho jati hai. vaigyanik bhi is bat par ek ray rakhte hain ki shankh nad se vayumandal ke ve ati sukshm vishanu nasht ho jate hain, jo manav jivan ke lie ghatak hote hain. vaidik manyata men shankh ko vijay ghosh ka pratik mana jata hai. shubh karya karte samay shankh nad se shubhta ka atyadhik sanchar hota hai. shankh ka nad sunte hi ishvar ka smaran ho ata hai. iske vadan se asuri shaktiyan ghar men pravesh nahin kar saktin. yahi nahin, ghar men shankh rakhne aur bajane se vastu dosh se bhi raksha hoti hai. svasthya ki drishti se shankh bajana vishesh labhdayak hai. isse yog ki tin mahatvapurn kriyaen ek sath ho jati hain - purak, kunbhak aur pranayam. sath hi hridyaghat, raktachap ki aniyamitta, shvas rog, mandagni adi se bhi bachav hota hai.
Kya aapko lekh pasand aaya?
Subscribe