vivah ke lie uchit dasha-antardasha  

bhartiya sanskriti men vivah ko ek aisa pavitra sanskar mana gaya hai jo ki samaj men naitikta aur manav jivan men nirantrta banaye rakhne ke lie avashyak hai. prachin kal men vivah ki prathmiktaen kuch hat kar thi. uprokt ke atirikt kanyaon ka alp ayu men vivah vilasi aur kamuk rajaon, samanton tatha angrej shaskon ki kudrishti se bachane ke lie kiye jate the, parantu adhunik samay men ye samasyaen nahin hain. atah vartaman paristhitiyon men vivah ki ayu ko tin khandon men

1. shighra vivah (18 se 23 varsh tak)

2. uchit samanya vivah (24 se 28 varsh tak),

3. deri se vivah (29 varsh ke pashchat) vibhajit karke vichar karenge. prachin granthon men jaise brihat parashar horashastra ke adhyay 19, shlok 22 men jo sutra diya hai uske anusar vivah 5ven ya 9ven varsh men hoga to ise adhunik samay ki paristhitiyon men parivartit karke shighra vivah ki ayu (18 se 23 varsh tak) vale falakathan ke sath hi adhyay men 22 se 34ven sutra tak jo bhi varnit kiya gaya hai usmen saptam bhav, saptamesh tatha karak grah shukra adi ke upar parne vale dushprabhavon ke karan vivah men deri adi ko nahin liya gaya hai. usko bhi dhyan men rakhenge to falakathan satya evan vishvaspunr a hoga. bri

horashastra ke adhyay 19 jamabhav falaadhyay ke shlok ya sutra sankhya 22 se 34 men vivah ke samagra gyan ke lie sutra/yog diye gaye hain jo ki nimn hain: ƒ saptamesh shubhagrah ki rashi men baitha ho aur shukra apne uchch rashi ka ya svakshetra men sthit ho to us jatak ka prayah 5ven ya 9ven varsh men vivah yog ata hai

(shlok 22). ƒ saptam bhav men surya ho aur saptamesh shukra se yut ho to prayah 7 ya 11ven varsh men vivah yog hota hai (shlok 23). ƒ dvitiya bhav men shukra ho aur saptamesh ekadash sthan men ho to 10 ya 16ven varsh men prayah jatak ka vivah yog ata hai (shlok 24). ƒ lagn ya kendra men shukra ho aur lagnesh shani ki rashi men sthit ho to 11ven varsh men jatak ka vivah yog hota hai (shlok 25). ƒ lagn se kendra men shukra ho aur shukra se saptam bhav men shani ho to prayah 19 ya 22ven varsh men us jatak ka vivah yog hota hai.

(shlok 26). ƒ chandrama se saptam men shukra ho aur shukra se saptam men shani ho to 18ven varsh men vivah yog hota hai (shlok 27). ƒ dhanesh labh sthan men ho aur lagnesh dasham bhav men sthit ho to 15ven varsh men jatak ka vivah yog hota hai (shlok 28). ƒ dhanesh labh sthan men aur labhesh dhan sthan (rashi) men sthit ho to jatak ka 13ven varsh men vivah yog hota hai (shlok 29). ƒ ashtam bhav ke saptam bhav men shukra ho aur ashtamesh mangal ke sath ho to jatak 22 ya 27ven varsh men vivah yog prapt karta hai (shlok 30). ƒ lagnadhipti saptamesh ke navmansh men ho aur saptamesh dvadash bhav men sthit ho to us jatak ka vivah 23 ya 26ven varsh men hota hai

(shlok 31). ƒ ashtamesh lagn ke navmansh men hokar saptam bhav men shukra ke sath baitha ho to 25 ya 33ven varsh men us jatak ka vivah yog hota hai (shlok 32). ƒ bhagya bhav se navam men shukra ho ya un donon sthanon men se kisi ek sthan men rahu baitha ho to 31 ya 33ven varsh men stri labh hota hai (shlok 33). ƒ navam bhav se saptam bhav men shukra ho aur shukra se saptam men saptamesh sthit ho to jatak 27 ya 30ven varsh men vivah yog prapt karta hai

(shlok 34). uprokt shlokon ka yadi kal purush ki naisargik kundli ko dhyan men rakhakar vishleshan kiya jaye to sankshep men nimn tathya gyat honge ki: ƒ saptam bhav, saptamesh, dvitiya bhav, dvitiyesh evan karak grah shukra/guru ka sanbandh shubh grahon, rashiyon evan bhavon se ho to vivah shighra hi kam ayu men sanbhav ho pata hai.

ƒ jab saptam bhav, saptamesh, dvitiya bhav, dvitiyesh tatha karak grah shukra/guru par shani ki drishti, yuti ya shani ki rashiyon (makr/kunbh) ka prabhav ho to vivah men deri hoti hai. ƒ jab saptam bhav, saptamesh, dvitiya bhav, dvitiyesh evan karak grah shukra/guru par ashubh bhavon ke svamiyon ya krur ya vakri grahon ya rahu/ketu ka prabhav ho to vivah men jyada deri hoti hai ya vivah hi nahin ho pata. vivah ke yogon ka adhyayan karne ke pashchat yah dekhna hoga ki jatak ke vivah ke lie uchit dasha-antardasha kaun si hogi sath hi vivah samay gochar bhi svikriti de raha hai

apni kundli men rajyogon ki jankari paen brihat kundli riport men

athva nahin kyonki, yog dasha tatha gochar tinon ki sammilit svikriti hi vivah ke sanskar karayegi. iske lie acharya mantreshvarkrit faldipika (vyakhyakar dae. suresh chandra mishra) ke adhyay 10 stri bhav adhyay ke shlok sankhya 12 se 14 ka adhyayan karne par nimn tathya prapt honge: vivah ke lie uchit dasha-antardasha ƒ saptam bhav men sthit grah, saptamesh, saptam bhav par drishti dalne vale grahon tatha saptamesh ya saptam se sanbandhit grahon ki dasha-antardasha men tatha karak grah shukra ki dasha antardasha men vivah sanpann hone ki sanbhavna hoti hai.

ƒ saptamesh jis rashi v navansh men ho unke svami grahon ki dasha men ya shukra ya chandrama men jo bali ho us bali grah ki dasha-antardasha men vivah hota hai. ƒ uprokt par lagn ke sath-sath chandra lagn se bhi vichar karna chahie. vivah ke samay gochar ƒ saptamesh ya shukra jab lagnesh ki navansh rashi ke trikon men gochar kare tab vivah hoga. ƒ shani evan brihaspati gochar men saptam bhav, lagn tatha saptamesh evan lagnesh se lagn tatha chandra lagn se sanbandh banaye to vivah hoga. uprokt vishleshan ke adhar par nimn kuch kundliyon ka adhyayan karte hain:

kundli 1 janm tithi: 27.9.1984, janm samy: 11.45, janm sthan ah modinagar jatika ka vivah 2.7.2006 men 22 varsh ki ayu men shani-budh-budh ki dasha men hua. uprokt kundli men brihatparashar horashastra ke adhyay 19 shlok 22 ke sutra ko lagane par dekhenge ki saptamesh guru svarashi men (naisargik shubh grah ki rashi hai) sthit hai aur shukra svarashi men sthit hai.

atah shastrokti ke anusar vivah 5ven ya 9ven varsh men hona chahie tha parantu vivah 22 varsh ki ayu men hua jise vartaman men shighra vivah ki shreni men rakh sakte hain. ab vivah samay dasha-antardasha ki bat ko dekhen to shani ki mahadsha hai. mahadshanath shani vivah karak shukra ke sath yut hokar pancham bhav se saptam bhav aur saptamesh ko drisht kar rahe hai.

yahi shani navansh kundli men lagn ke dvitiya bhav men sthit hokar saptamesh aur antar tatha pratyantar dasha svami budh ko drisht kar rahe hain. yahi budh lagn kundli ke lagnesh hain. vivah samay gochar men shani kark rashi men gochar karte hue lagn kundli ke dvitiya bhav men gochar karte hue lagnesh budh ko drisht karte hue chandra lagn se saptam bhav ko drisht kar rahe the evan guru (vakri) hokar tula rashi men gochar karte hue lagn se pancham bhav men gochar karte hue chandra lagn par tatha vivah karak shukra par gochar karte hue lagn ko drisht karke vivah ki svikriti de rahe hain.

acharya mantreshvar ke anusar (faldipika adhyay 5 shlok ke anusar) shukra, lagnesh ki navansh rashi makar ke trikon men bhi gochar kar raha tha arthat shukra vrishabh rashi men gochar kar raha tha. yahan lagn, lagnesh, saptam, saptamesh tatha chandra lagn evan chandra lagn ke saptamesh sabhi shubh prabhav men hai

atah vivah shighra vivah ki shreni vali ayu men hua. kundli 2 janm tithi: 24.4.1978, janm samy: 1.37, janm sthan ah merath. jatika ka vivah 15.2.2000 ko 22ven varsh ki ayu men shani-budh-shukra ki dasha men hua. uprokt kundli men brihatparashar horashastra ke adhyay 19 shlok 22 ke sutra ko lagane par dekhenge ki saptamesh chandra naisargik shubh grah shukra ki tula rashi men sthit hai aur shukra svarashi men sthit hai

atah vivah 5ven ya 9ven varsh men hona chahie tha parantu vivah 22 varsh ki ayu men hua jise vartaman men shighra vivah ki shreni men rakh sakte hain. vivah ke samay shani-budh-shukra ki dasha, antar tatha pratyantar chal raha tha. mahadshanath shani lagn kundli ka lagnesh hai evan navansh kundli men dvadash bhav men sthit hokar saptamesh mangal tatha navansh lagnesh shukra ko drisht kar raha hai. antardasha svami budh chandra lagn se shashtham bhav men sthit hokar vivah karak rahu ke sath-sath shayan sukh ke bhav dvadash ko drisht kar raha hai evan navansh kundli men vivah ke karak shukra se yut hokar saptamesh mangal se drisht hai.

pratyantardasha svami shukra lagnesh shani se drisht hai aur navansh kundli men saptamesh mangal se drisht hokar sthit hai. vivah samay gochar men shani mesh rashi men, guru bhi mesh rashi men tatha shukra makar rashi men gochar kar rahe the. shani mesh rashi men gochar karte hue janm lagn ko dasham drishti se tatha chandra lagn ko saptam drishti se drisht kar rahe the. brihaspati mesh rashi men gochar karte hue lagnesh shani(v) ko tatha chandra lagn ko drisht kar rahe the evan chandrama saptamesh bhi hai. shukra lagnesh ki navansh rashi mesh se dasham bhav arthat kendra men gochar kar rahe the. yahan lagn ke saptam men mangal ka nich bhang ho raha hai sath hi lagnesh shani(v) uchch rashi men surya ki rashi men sthit hai. surya chandra lagn se saptam bhav men uchch rashi men hai

tatha chandra lagnesh shukra svarashi men hai. atah yahan par lagn tatha chandra lagn evan inse saptam bhav evan inke svami sabhi shubh prabhav men hain atah vivah shighra vivah ki shreni men ata hai. kundli 3 janm tithi: 24.1.1963, janm samy: 8.46, janm sthan ah merath. jatika ka vivah 27.4.1990 ko 28ven varsh ki ayu men mangl-mangl-shukra ki dasha men hua. uprokt kundli men brihatparashar horashastra ke adhyay 19 ke shlok 25 ka sutra lag raha hai ki lagn ke kendra men shukra sthit hai aur lagnesh shani ki rashi men sthit hai to 11ven varsh men vivah yog hota hai

parantu jatak ka vivah 28ven varsh men hua. chunki lagnesh shani tatha saptamesh surya rahu-ketu aksh men sthit hai aur vah bhi trik bhav men sath hi vakri budh se yut hai evan vakri mangal se drisht hai atah itne dushprabhavon ke karan sutra men nirdharit ayu men vivah n hokar 28ven varsh men hua.

vivah samay mangl-mangl-shukra ki dasha chal rahi thi. mangal mahadsha tatha antardasha svami hokar lagnesh, lagn, saptamesh shani tatha surya evan lagnasth guru ko drisht kar raha hai joki chandra lagnesh hai. navansh kundli men lagnesh shukra mangal ki mesh rashi men sthit hai. pratyantardashanath shukra svayan vivah ka naisargik karak hai evan kundli men yogkarak hokar dusre vivah karak rahu se drisht hai evan navansh kundli men saptamesh budh se yut hokar dvitiya bhav men sthit hai.

gochar men shukra lagnesh shani ki navansh rashi mithun ke navam bhav arthat trikon men gochar kar raha tha sath hi vivah ki tithi par shani makar rashi men lagnesh shani tatha saptamesh surya par gochar karte hue lagn se dvadash bhav men shayan sukh ke sthan par evan brihaspati mithun rashi men gochar karte hue lagn se pancham bhav se chandra lagn ko tatha janm lagn ko drisht karke vivah ki agya de raha tha.

kundli 4 janm tithi: 28.6.1971, janm samy: 20.30, janm sthan ah merath. jatika ka vivah 4.12.1998 ko mangl-rahu-guru ki dasha men hua. yahan lagn men mangl-rahu angarak yog ka nirman kar rahe hain jo ki ashubh yog hai. saptam bhav par do prithktakarak grah shani tatha rahu ka ashubh prabhav raha tatha saptamesh chandra ashtam bhav men jo ki trik ya duahvastha men chala gaya. navansh kundli men bhi lagn tatha saptam bhav rahu-ketu aksh men hai. atah in ashubh prabhavon ke karan jatika ka vivah 28ven varsh men hua jo ki shighra vivah ki shreni men nahin ata parantu vivah karak grahon shukra tatha rahu ki achchi sthiti evan drishti ke karan vivah hua. vivah ke samay mangl-rahu-guru ki dasha chal rahi thi. mahadshanath mangal lagn men uchch rashi men sthit hokar saptam bhav tatha saptamesh chandra ko drisht kar rahe hain evan navansh kundli men mangal saptamesh chandra se yut hokar lagnesh (navansh men) ko drisht kar rahe hain.

apni kundli men sabhi dosh ki jankari paen kampalit dosh riport men

antaradasha nath rahu lagn kundli men lagnasth hokar lagnesh shani tatha vivah karak shukra ko evan saptam bhav ko drisht kar rahe hain evan navansh kundli men saptam bhav men sthit hokar navansh lagn ko drisht kar rahe hain. pratyantrdsha nath guru lagn kundli men ekadash bhav ko, lagnesh shani vivah karak shukra ko drisht karte hue saptam bhav ko drisht kar rahe hain evan navansh men navansh lagn se dvadash bhav jo ki shayan sukh/bhog ka bhav hai ko drisht karte hue vivah karak shukra se yut hai. vivah samay gochar men shukra lagnesh ki navansh rashi min ke trikon men gochar kar raha tha. shani(v) mesh rashi men gochar karte hue dasham drishti se lagn ko drisht kar raha tha jabki brihaspati kunbh rashi men gochar karte hue chandra lagn tatha chandra lagnesh surya ko drisht kar raha tha.

kundli 5 janm tithi: 5.7.1985, janm samy: 4.30, janm sthan: merath. jatika ka vivah 2.5.2014 ko guru-guru-rahu ki dasha men 29ven varsh men hua. lagn kundli men saptamesh guru vakri hokar ashtam bhav jo ki duahsthan hai men sthit hokar lagnesh budh ko drisht karte hain.

chandra lagnesh shani(vakri) lagn se pancham bhav men sthit hokar saptam bhav ko tritiya se tatha lagnesh budh ko dasham drishti se dekh rahe hain. chandra lagn se saptam bhav par vakri guru ki drishti ke prabhav ke karan jatak ke vivah men deri hui atah lagnesh saptamesh par vakri grahon ka prabhav vivah men deri kara raha hai. vivah samay guru-guru-rahu ki dasha chal rahi thi mahadsha tatha antrdsha svami guru-saptamesh hokar ashtam bhav se lagnesh budh ko drisht kar raha hai evan navansh kundli men lagn ko pancham drishti se drisht kar raha hai. pratyantrdsha svami rahu vivah ka naisargik karak hai aur saptam bhav ko navam drishti se drisht kar raha hai

evan navansh kundli men uske saptamesh shukra ko pancham drishti se drisht kar raha hai. gochar men shukra lagnesh budh ki navansh rashi vrishchik ke pancham bhav men min rashi men trikon men gochar kar raha tha. vivah ke samay shani tula rashi men vakri hokar tatha brihaspati mithun rashi men gochar kar rahe the. shani gochar men tula rashi men pancham bhav se saptam bhav ko tritiya drishti se tatha lagnesh budh ko dasham drishti se drisht kar rahe the

jabki guru mithun rashi men gochar karte hue lagn men sthit hokar saptam bhav ko drisht karte hue vivah ka ashirvad de rahe hain. kundli 6 janm tithi: 14.2.1984, janm samy: 12.44, janm sthan ah merath. jatika ka vivah 25.12.2013 ko shani-guru-shukra ki dasha men 30ven varsh men hua. lagn tatha saptam bhav rahu-ketu aksh men hai. saptamesh mangal shashtham bhav men apni rashi ke dvadash bhav men ashubh sthiti men hai.

lagnesh shukra, surya adhishthit rashi svami shani ki rashi men hone ke karan ashubh prabhav men to hain hi sath hi shashtham bhavasth mangal se bhi drisht hokar sthit hai. yahan lagnesh shukra tatha saptamesh mangal shani tatha shani ki rashiyon se sanbandhit hai evan shani vrish lagn ke lie yogkarak hai aur uchch rashi men sthit hai

atah deri se hi sahi vivah kara diya. vivah samay jatak par shani-guru-shukra ki dasha thi. mahadshanath shani saptamesh mangal se yut hokar chandra lagn se saptam bhav aur saptamesh ko drisht kar raha hai. tritiya drishti se evan navansh kundli men shani saptamesh hokar dasham bhav men lagnesh chandra se yut hokar saptam bhav ko drisht kar rahe hain. antardashanath guru lagn kundli men chandra lagn se saptamesh hokar saptam bhav men sthit hai evan navansh kundli men navansh lagn men sthit hokar saptamasth shukra se drisht hai.

pratyantardasha svami shukra lagn kundli ka lagnesh hai aur saptamesh mangal se drisht hai aur navansh kundli men saptamasth hokar lagn ko drisht kar raha hai. gochar men shukra lagnesh ki navansh rashi makar men hi gochar kar raha tha evan shani tula rashi men gochar karte hue chandra lagn se saptam bhav tatha saptamesh ko drisht kar raha tha evan lagn se saptamesh mangal par gochar kar raha tha.

brihaspati gochar men vakri hokar mithun rashi men gochar karte hue chandra lagn men sthit tha aur lagn se saptamesh mangal ko aur chandra lagn se saptam bhav evan saptamesh guru ko drisht kar raha tha. uprokt kundliyon ke vishleshan ke atirikt lagabhag 20 kundliyon par bhi uprokt tathyon ko lagu karke dekhne par nirnayasvarup kah sakte hain ki prachin samay men nirmit shastra aur unmen likhit sutra aj bhi lagu hote hain parantu falakathan karte samay vartaman samajik vyavasthaon evan paranpraon ka dhyan rakhte samay unmen thore naye drishtikon se dekhne ki jarurat hai

jaise chaipaye ka ashay pahle janvron tatha bailgari adi se lagaya jata tha to aj ke sandarbh men use motar ya gari ya kar ke rup men samjha jaye. usi prakar ayu ko bhi aj ke sandarbh men 5.9.11 varsh ko shighra vivah 13.15.22 varsh tak ko uchit ayu men vivah jabki iske bad ki ayu ko deri men vivah ki shreni men rakhte hue vivah ka falakathan mil jaye to vah bhramak nahin hoga.

janie apki kundli par grahon ke gochar ki stithi aur unka prabhav, abhi fyuchar point ke prasiddh jyotishacharyo se paramarsh karen.