yadi ham chahte hain ki hamen aisi santan prapt ho jo samajik, parivarik, adhyatmik athva sanskarik vyatha ko pura karen athva jo hamen daivik aur bhautik donon sukhon ko de, iske lie hamen hamari santan paddhati ke shodash sanskar ki vyavastha ko apnana parega, ve hain - garbhadhan, punsavan, simantonayan, jatakarm. jab ichchit santan ka vichar ham karte hain to prashn uthta hai larka ya larki ? kya yah prashn itna hi hai? main sochta hun ki ichchit santan ke prashn par kuch log aisa sochte honge par sabhi nahin, kuch ki soch hogi. pradhyapak, profesar ya ye sab to ho hi.
uske sath men dharm ko manne vala, sharab nahin pine vala sanskarvan, agyakari, kul paranpra ko nibhanevala adi-adi to inmen se kuch chijen jaise larka ya larki ka prashn hal kiya ja sakta hai. garbhadharan ke lie shastra ke jyotishiya siddhant, nakshatra, tithi, mas, paksh, krishn ya shukla paksh adi ke sanyog se dusre tisre (tin mah se purva) aushdhi prayog dvara ayurved siddhant se punsavan prapt kar sakte hain, par jaisa ki purva men likha hai ki daektar, adhyapak athva sanskritik santan ke mul men mata-pita ke sanskar, unka khan-pan unka acharan unki jivan shaili aur garbh ke samay mata-pita ka vyavhar, parivar ka vatavaran ye sab chijen mul karan hain.
yadi ham chahte hain ki hamen aisi santan prapt ho jo samajik, parivarik, adhyatmik athva sanskarik vyatha ko pura karen athva jo hamen daivik aur bhautik donon sukhon ko de, iske lie hamen hamari sanatan paddhati ke shodash sanskar ki vyavastha ko apnana parega, ve hain - garbhadhan, punsavan, simantonayan, jatakarm adi. iske dharan ke samay shubh yog, tithi, var, nakshatra adi ke sath bhagvan vishnu, surya, prajapti, sarasvati, ashvini kumar nam ke devtaon se prarthana svarup manga jata hai kisi bhi rup ka rupvan hona uttam svasthya ke bina sanbhav nahin hota, ye virya ke andaj aur shukranuon ke svarup sthapan ki prarthana hai.
aj ke sandarbh men jab bhi pati patni santan prapti ke lie saral sadhna avashya karen, chah mas purva bhojan ki svachchata, vayumandal ki shuddhi ka dhyan rakhakar aichchik santan ka labh utha sakte hain. ayurved men sabhi rason ka mul tatva ann ko mana hain ann se hi virya raj banne ka niyam hai. ann ras, rakt, mans, med, asthi, majja aur virya evan raj ka nirman hota hai. iske banne ki kriya men samanyatah ek se tin mas ka samay lagta hai. iska mul karan vyakti ki prakritik vyavastha hoti hai.
vat, pitt, kaf ki bhinnata ismen svachch bhojan, svachch vayu, jal, vyayam, svasth nindra tatha svachch vichardhara mansikta ka vishesh mahatva hai. garbhadhan se purva danpatti ka tan, man, buddhi, vivek satvik, sanyam svasth vayu shraddha bhavna evan ishvar anukanpa ke prati astha hi svasth aur purnayu santan ke lie var pradata hai. aj ke bhautikvadi yug men bhog ki pradhanta anashruti santan de rahi hai. islie garbhapat, bhunahatya, achrnhinta adi jo kuch prapt ho raha hai, usse anya shruti jansankhya hi sansar ko mil rahi hai, sanyog se hi mahapuran sansar men a rahe hain kisi prachin kriyatmata se nahin. garbhadhan ka mukhya uddeshya hai achchi santan ki prapti. jo samanya kriya ki tulna men yojnabaddh purvak sanskarpurvak karne se jyada achchi rahti hai.
pratyek karya ko vicharpurvak karne se sakaratmak vichar ki soch par bhavi santan janm leti hai. mata-pita donon ki sammilit yojna banakar puri taiyari karne se sanskar sanpann santan prapt hoti hai. pahle se soch karke bhavi santan ko rogi sharir, durbal man aur kamjor buddhi dene se bacha sakte hain. garbhadhan sanskar ki shubhta se achchi santan prapti ke lie purn taiyari karne ke lie sanskar kriya ki pradhanta hai. punsvn: garbhadhan nishchit ho jane par yah sanskar kiya jata hai. sanskar ka mul uddeshya mata ko mansik rup se achchi santan ki utpatti ke lie prerit karna hai. garbhadhan ke pashchat mata ki bhumika hi mahatvapurn hoti hai.
anya parijan garbhavati mata ka tan-man svasth rahe is bat ka prayas karte hain. purushatva prapti ke lie kiya jane vala karya garbh dharan ke pashchat putra santan hi ho aisi kamna ke sath punsavan kriya ka mahatva hai. jismen samay ke sath aushdhi tatha mantron ke prayog dvara dusre tisre mahine men garbhavati ko navin vastra dharan karakar gayatri puja ke pashchat ratri men vat vriksh mul ki jata uski nak men richaon ke sath sinchit kiya jata hai. putra prapti hetu sulakshan, vatvriksh, sahdevi, vishvadevi ki divya aushdhiyon ka mishran tin bund nak men dalne ka vidhan hai. garbhavati use bahar na thuke is bat ka vishesh dhyan rakhna chahie. is kriya ke pashchat garbhavati ko achcha sahitya, achchi varta, achchi charcha, parivarik janon se sneh athva jis prakar ki santan ki abhiruchi ho is par dhyan dena chahie. pati-patni ko god men jal bhara kalash, nariyal rakhakar patni ke udar ki dahine hath ki anamika se chute hue kahe ki hamare santan gunvan balvan aur acharvan utpann hogi.
tatpashchat kalash ko devta ke samne rakh den. jis jis patra men khir hai us par ek pushp rakh kar stri-purush ko de den aur kahe - ”ye khir prithvi par utpann sarva lakshan jiv palak ko mata ke dugdh evan vanaspati ka yog hai. isko grahan karne se shreshth santan utpann karogi.“ khir ki ahuti dekar parivarajan ashirvad den, garbhavati stri khir ko grahan karen. punsavan sanskar ka mukhya uddeshya putra santan ki prapti hi hai. simantoyn: yah sanskar punsavan ka vistar hai. dur desh ki yatra n karen. samudra ki yatra n karen. pati patni sanyam se rahen.
nakhun evan kesh na katen, vad vivad se dur rahen, krodh tatha alasya ka tyag karen. prachin kal men sanskar ke din ghi ki ahutiyan pati-patni ke balon ko kachche falon ki sam sankhya shahi ke tin rang vale kante, kusha ke tin guchchon se upar uthakar - ‘un bhurbhuvah svah’ ka das bar uchcharan kiya jata tha. yagyavshisht ghrit ki mili hui khichri garbhavati ko khilayi jati thi. is sanskar ka samay chaithe ya panchven mas men jab chandrama kisi purush nakshatra men hota tha tab kiya jata hai. gay bachre ki seva aur sparsh bhi karna shreshth putra data hota hai.
jatakarm sanskar: kuch shastron ke anusar yah karm balak ke janm se purva kiya jata tha ki aj ise namakaran sanskar se jana jata ya kiya jata hai. balak ke janmoprant yah sanskar das din ki shuddhi ke sath kiya jata hai. balak ke janm samay nakshatra ke anurup uska shreshth namakaran karne ka vidhan hai. us samay gomutra gangajal pan ke sath havan grah shantyarth kiya jata hai.
surya pujan ke sath jal kup kul devtaon ka samaroh purvak pujan kiya jata hai. balak ki dirghayu ke lie nandi shraddh pitripujan evan dan man kiya jata hai. brahman bhojan ke sath priti bhojan ka ayojan utsav manaya jata hai. bhartiya sanskriti men putra janmotsav ka yahi samriddhishali prayojan hai. ashish aur mantra shakti se dainik dinacharya men putrarthiyon ko mata-pita vriddhajanon tatha siddhapurushon evan devtaon ka charan vandan karke ashirvad prapt karna chahie. bhagvan ke vansh varnit ‘shri harivansh puran’ ka vidhivat shravn-pathan bhi putra prapti ka shreshth upay hai.
shri santan gopal stotra evan shri devki sut govind, vasudev jagatpate. dehi me tanyan krishnan, tvamhan sharnan gatah.. ka sava lakh mantra jap bhi shreshth putra ka data hai. shri durga saptashati evan anya mantra bhi shastron men anushthanpurvak kiye jane par shreshth evan ichchit santan pradan karte hain.