ishvar ne manav ko anek chamatkari v gunkari shaktiyon se sushobhit kar prithvi par avtrit kiya hai kintu use svayan hi in shaktiyon aur gunon ka gyan nahin hota lekin ismen manav jati ka tanik bhi dosh nahin hai kyonki aj ke adhunik jivan ki bhagdaur men svayan ke lie uske pas paryapt samay nahin hai isi karanavash jab tak vah svayan ko janega nahin tab tak ishvar se prapt in shaktiyon ka mulya vah samajh nahin paega. parantu aj ke is vaigyanik yug men bhi kuch manushya aise bhi hain jo svayan men vidyaman in gunon v shaktiyon ka mulya bhalibhanti jante hai jisse vah svayan tatha anya manav jati ki bhalai ka karya ishvar ki agya manakar karte hain.
unmen se ek hai kesrmitra shri vi. es. pi teneti. shri teneti ji prachin vaidik aur yaugik rahasyamyi suryopasna ke marg ka prachar kar rahe hain. is vidya ko ‘‘mahashamantak vidya’’ kaha jata hai jo ki ‘‘ark vidya’’ se praranbh hoti hai. shri teneti ji is vidya ka shrey apne sad guru ‘‘aditya purnanand’’ svami ji ko jo ki nandu baba ke nam se vikhyat hain, ko arpit karte hain. arka-vidya do star ka buniyadi pathyakram hai jo sikhne ke lie asan vyavasthit bhakti ka marg hai jismen updesh kriya ke mantra, mudraen, prayog aur sadhnaen hain. sabse shaktishali ‘‘sparsh svar sandhana’’ diksha se sadhak ko ‘‘suryopasna marga’’ ke lie taiyar kiya jata hai.
yah diksha pranali guru paranpra paddhati dvara apnai gai hai. yah diksha guru mitra dvara di jati hai. is vidya ka niyamit rup se abhyas karne se shantipurn ravaiya, achcha mansik aur sharirik svasthya, sahi adhyatmik samajh, antrik drishti, antajrnyan ki kshamata, viksit upchar shakti, brahmandiya chetna, sahanubhuti aur bina kisi shart ke sabse pyar karna -- is prakar shiksharthi tanav ko dur rakhne, nakaratmak ahankar, duvidha, chinta, bhay, krodh jhuth aur atmadaya ko bauddhik drishtikon se dur karta hai. arka-vidya suryopasna ka ek uchch marg hai jo ki ‘‘shamantak vidya’’ ka adhar star hai. yahi marg sadhak ko kesar vidya tak le jata hai.
yah marg prachin yaugik aur vaidik maha-rishiyon, yogiyon aur guru paranpraon dvara abhyas kiya jane vala surya ka gupt adhyatmik marg hai. arka-vidya dvara manav men vidyaman chitt shakti ko jagrit karne, barhane aur maujuda chikitsa shaktiyon ka upyog karne ke lie vanchit bhautikvadi prayojnon ko prapt karne aur anttah gyan ke path ki or dhakel dene, samrik tarikon ke madhyam se, imandari se sabhi dharmon aur samuday ke lie pyar ka vikas karne ke lie prayas karne ki shakti sikhata hai.
arka-vidya ki visheshtaen:
1. shaktishali muhurton dvara anek lakshyon ki prapti.
2. nakaratmak urja, buri najar, drishti dosh tatha vastu dosh se mukti pai ja sakti hai.
3. is vidya ke dvara antrik urja, atmavishvas tatha jivan shakti ke star ko shaktishali mantron ke dvara barhaya jata hai tatha gopniya mudraon ki sahayta se sharirik mansik evan bhavnatmk samasyaon ka nivaran kiya ja sakta hai aur adhyatmik badhaon ko bhi dur kar sakte hain.
4. nav-grah anugraham dvara grahon ki shanti.
5. ‘‘karkaun’’ chikitsa vidhi dvara svayan tatha dusron ka upchar. anguliyon ke agra bhag ke sparsh dvara tatha rashi ratnon ke madhyam se kiya jata hai.
6. ‘‘binb’’ dhyan tatha vishesh dhyan takniken, kalash pratishthan evan char daivya mudra chinh.
7. vastu shastra ke mukhya siddhant
8. iske dvara in visheshtaon ko barhaya ja sakta hai jaise brahmavarchas, tej shakti, raktashuddhi, ekagrata kriyatmak hunar, purn sanpannata, sfurti, prasiddhi. dar chinta, bhay, buri adten tatha mati-bhram se mukti pana.
9. prayogon dvara dhan barhana, rin se mukti tatha arthik vipattiyon se nidan.
10. lakshyon aur vicharon ki abhivyakti.