ank kundali nam tatha janmatithi ki ek jagah par hi sabhi prakar ki gannaon ka vistrit tasvir prastut karta hai. charitra vinyas evan bhut, vartaman tatha bhavishya ki jankari ka adhyayan ek sath kiya jana chahie, chunki donon ek-dusre ke sath mishrit hain. sabhi prakar ki gannaen ek hi prishth par ki jani chahie taki vyakti ke jivan ka har pahlu hamari ankhon ke samne ho aur ham unka sapekshik adhyayan kar saken. ham is prakar age badhte hain charan 1: sabhi vishisht evan samanya ankon, prabal binduon, svabhav ke dharatlon, kalash tatha chunautiyon ki ganna karen. kalash evan chunauti ankon ko umra samuh ke sath likhen. charan 2: janm ke varsh evan bad ke lagatar varsh, jahan tak ham chahte hain, pahli lain men likhen. dusri lain men janm varsh ke thik niche vyakti ki umra likhen jo ki janm varsh men ‘0’ se shuru hoga. tisri lain men vyakti ka pahla nam is prakar likhen ki pratyek akshar apne ankik mulya ke anusar duhraya ja sake. chaithi lain men dusra nam likhen. tisra nam panchvin lain men likhen. yadi tisra nam nahin hai to age badhan. chaitha, panchvan nam rahne par isi tarah se likhte jayen. agli lain men (e.no.) parightna ank likhen jo ki pratyek varsh ke aksharon ke ankik mulyon ka yog hoga. yah kundli ke pratham bhag ki samapti hai, ise do rekhaen khinchakar chihnit kar den. agli lain men vyaktigat varsh (p.y.) likhen. fir agli lain men chalu varsh (c.y.) likhen. fir agli lain men janm bal kal (b.f.p.) likhen. fir agli lain men kalash (pinnacle) likhen. ab purn kundali banakar taiyar ho gai. punah ise do rekhaen khinchakar chihnit karen. charan 3: janch karen ki janm ke samay ka vyaktigat varsh (p.y.) evan chalu varsh (c.y.) umra ‘0’ ke samne likhe hain ya nahin. janm ke varsh men vyaktigat varsh evan yogyata ank ek hi hote hain. dusra, tisra evan chaitha kalash hamesha pratham vyaktigat varsh se pranrabh hota hai. jahan kahin bhi akshar, parightna ank (e.no.), janm bal kal (b.f.p.) athva kalash men parivartan ho vahan par khadi rekha khichen. charitra ka vishleshan karen. vishisht gunon jaise dohri urja, prabal bindu evan svabhav ke dharatal par dhyan den. vyaktitva ki pramukh visheshtaon ko spasht karen. badi umra ke logon ke lie samanyatah kam avdhi ki kundali banai jati hai jismen 5 varsh piche se 10 varsh age tak ki avdhi hoti hai. adhyayan jitni choti avdhi ke lie kiya jaega vishleshan utna hi gahra evan ganbhir hoga. ghatnaon ki prakriti evan uske svarup ko parightna ank, aksharon, vyaktigat varsh, chalu varsh, janm bal kal evan kalash ke sath milakar nirdharit karte hain. kalash evan janm bal kal karya ki samanya shreni ko prakat karte hain, iske sath parightna ank (e.no.) ka samakraman karke hi antim nishkarsh par pahunchna chahie. yadi vishisht ank athva vishesh bal parightna ank tatha kalash ke sath sauhardapurn hain to parinam kafi sukhad hoga. ankon ke bich talmel ki kami duahkhad, parinam ke dyotak honge.
Kya aapko lekh pasand aaya?
Subscribe