ratiya filmon ke itihas men sarvadhik lokapriya, pratibha sanpann aur sadi ka mahanayak nirvivad rup se amitabh bachchan hi hanai. is mahanayak ne aj puri duniya men apna advitiya sthan banaya hua hai . amitabh apne ap men bhagya aur pratibha ka adbhut sangam hain. akhir kya karan hai ki tamam utar-charhav ke bavjud amitabh nirantar lokapriyata aur shreshthata ke pratik bane hue hain?
is sandarbh men amitabh ki hastarekhaon ke madhyam se vichar karte hain. jaisa ki ap chitra men dekh rahe hain anguliyan lanbi hain, hath mulayam hain. aise log prayah udar, shant, charitravan aur sahayta karne vale hote hain. aise jatak aranbh men apne pairon par khare hone men samay lagate hain.
ye jatak jagat mitra bhi hote hain. inke hath men bhagya rekha ek se adhik hain. aise log dhani, dani aur sahayak prakriti ke hote hain. ye apna kam chorakar dusre ki madad karne men bhi piche nahin rahte. aise vyakti dusron ke vicharon se sahamat n hone par unka sath shighra chor dete hain. yadi ye vyakti rajniti men hon to inhen dalabadal karna pasand nahin hota aur lanbe samay tak rajniti men bane nahin rahte kyonki inki bhagya rekha aranbh men moti hoti hai. aise log naye-naye tarikon ko nikalakar karya karna pasand karte hain. aise vyakti yadi rajniti men tikte bhi hain to sachchi seva karte hain. shukra utha hone aur anguliyan lanbi hone ke karan in par kalank nahin lagta.
35 varsh ki ayu ke bad aise vyaktiyon ke bhagya men prasiddhi ke prabal yog bante hain. yadi aise vyaktiyon ko mahamanav kaha jae to atishyokti nahin hogi. chitra men amitabh ke hath men shani ki anguli lanbi, chandra evan shani unnat hain. aise log mandbuddhi vyaktiyon ki sahayta karne ki bhavna rakhte hain. aise log dusron ke madhya samjhauta karane vale arthat madhyast ki bhumika nibhate hain. inka parivar prayah inke hi anusar chalta hai. inka angutha patla evan lanba hai islie inhen prayah sabhi kshetron men saflta milti hai. inke hath men jivan rekha gol aur doshmukt hai. jivan rekha par trikon evan chatushkon bhi hain jinke karan kuli film men chot lagne par bhi amitabh sakushal is hadse se ubhar gae the.
ye trikon, chatushkon khatron ke dyotak hote hain parantu khatron se raksha bhi hoti hai. amitabh ki jivan rekha ko mangl-shukra se ane vali choti-choti rekhaen chu rahi hain. inke anusar adhik uttaradayitva ke karan inhen mansik pareshani bhi rah sakti hai. vaise to inke donon hathon men jivan rekha achchi hai jo nishchay hi shubh lakshan hai. aise logon ka bhagyoday jivan sathi ke sath jurne ke karan shighra aur sucharu dhang se hota hai. inke hath men jivan rekha ke sath ek se adhik bhagya rekhaen aur grah uthe hue hain. in lakshana se inki danshilta jhalkti hai. inke purvaj pratishthit hote hain. aise vyakti svayan mukdmebaji men nahin parte, jab tak ki inke sir par sankat n a jae.
aise vyakti dhan sanchay men bhi chatur hote hain kyonki inke hath men hriday rekha anguliyon se kafi niche aur mastishk rekha ke samip hai. is vajah se inke pas dhan-sampatti ka bahulya rahta hai. aise vyakti mata-pita ki seva karne vale aur udar hote hain, sath hi safal hote hain. inke hath men mastishk rekha bhi nirdosh hai. atah aise jatak bachapan se hi parhai men tej aur shighragami hote hain. vyarth ki baton men samay barbad n karne vale hote hain. ye jahan chahen vahan apna dhyan sthit kar lete hain. inke hath men jivan rekha gol, mastishk rekha saf-suthri evan sabhi grah unnat hain, atah aise logon ke sath-sath inka parivar bhi unnati karta hai.
amitabh ke hath men rahu ka prabhav kuch thik nahin hai atah svasthya sanbandhi samasyaa se ane vale samay men inhen do char hona parega. surya rekha bahut lanbi aur ek se adhik hain. atah inhen charon or se logon ka pyar mil raha hai. bharat men hi nahin varan videshon men bhi inki lokapriyata achchi khasi hai. amitabh ke hath men chandrama, shukra evan shani grah vishesh unnat hain jinki vajah se inhen filmi duniya ka badshah kaha jata hai. is prakar ke yog bahut kam hathon men hote hanai. atishyokti nahin hogi ki inke hath ki ek-ek rekha adhyayan karne yogya hai. inke jivan ka arambhik sangharsh inke lie hi nahin varan inki ane vali kai pirhiyon ke lie bhi sukh-suvidhaen evan aishvarya pradan karta hai.
amitabh ke hath men kuch aise yog hain jo birle hathon men hi paye jate hain jaise surya rekha adhik lanbi, hath uttam akar ka, kanishthika surya ungli ke tisre parva se age ja rahi hai, angutha lanba hai aur prayah sabhi rekhaen uttam sthiti men hain. in sabhi shubh lakshanon ke karan filmi jagat ke betaj badshah amitabh aj har dil ko bhate hain, sath hi tamam sukh-suvidhaon ko pakar bhi ek udar hriday aur saral insan bane hue hain.