lal kitab men grahon ki sthiti anusar ayu v mrityu  

lal kitab men grahon ki sthiti anusar ayu v mrityu bhagvan sahay shrivastav lal kitab ke anusar ayu ka vichar chandra se karte hain. chandra ki bhav sthiti ke anusar ayu ka nirdharan kiya jata hai. chandra ka shukra se sanbandh ho to ayu 85 varsh hogi. purush grah ka sath ho to 96 varsh aur pap grah se sanbandh ho to 30 varsh kam hogi. shani v guru ki yuti vali kundli men jatak ki ayu ka nirnay 11ven bhav ke grahon se karen. kintu 11van bhav rikt ho to janmakundli chandra ki ayu ke anusar hi samjhen. guru 6,8,10 ya 11ven bhav men ho to ayu 2 varsh, shukra v mangal 7ven bhav men hon to 2 varsh, mangal ya budh 7ven bhav men ho to 2 varsh, budh, shukra v chandra 5ven bhav men hon to 2 varsh, chandra aur ketu pahle bhav men hon aur chaitha bhav rikt ho to 2 varsh, chandra 5ven men ho to 12 varsh, surya 11ven men ho to 12 varsh aur shani 5ven men ho aur purush grah ka sath n ho to jatak dirghayu hota hai. alpayu yog guru shatru grahon se ghira ho to ayu alp hoti hai. budh, guru aur shukra nauven bhav men hon to ayu alp hogi. guru ke shatru budh, shukra aur rahu nauven bhav men hon to ayu alp hogi. chandra aur rahu satven ya athven bhav men hon to ayu alp hogi. budh nauven bhav men ho to pratyek 8van din, mas aur 8van varsh ashubh hoga v kisi pashu ke karan mrityu hogi. dirghayu yog- chandra aur guru barhven bhav men hon to ayu dirgh hogi. janm kanudli men sthit ashubh grah varsh kundli men bhi usi bhav men ashubh hon to us varsh men adhik ashubh fal prapt hote hain. janm kundli ke 8ven bhav men sthit grah jab varsh kundli ke 8ven bhav men a jae to uske mitra grah bali ka bakra banega. chathe bhav men sanbandhit grah karak hoga. chathe bhav men sthit grah varsh kundli ke lagn bhav men a jae to uska mitra grah bali ka bakra banega. 8ven bhav men sanbandhit grah alpayu hone ka sanket dete hain. jab barhvan bhav rikt ho to chandra jis bhav men sthit hoga us bhav se sanbandhit var ko mrityu hogi. yadi nauvan v barhvan bhav rikt ho to 9-12 ke samne ka var lenge. kundli men pratyek bhav aur mritya ka din koshthak ke anusar samjhen. jahan koshthak hai vahan ankit var hi mrityu ka din hota hai. janmakundli men grahon ki sthiti ke anusar ayu ka varnan yahan prastut hai. chandra v ketu chathe bhav men hon ya chandra chathe v surya 10ven men ho to ayu alp hoti hai. surya shani ke kisi bhav (9ven ya 12ven) men ho ya purush grahon ke sath ho to ayu madhyam hogi. surya v chandra ki yuti 11ven bhav men ho to ayu thik hogi. chandra aur ketu pahle bhav men hon aur chaitha bhav rikt ho to ayu madhyam hogi. chandra 5ven aur surya 11ven men ho aur purush grah unke mitra hon ya n hon to ayu madhyam hogi. chandra aur rahu pahle bhav men hon to mrityu dopahar men ya goli lagne se hogi. guru aur rahu dusre ya budh aur guru chathe bhav men hane to mrityu lanbi bimari se hogi. surya aur rahu 11ven bhav men hon aur 8ven bhav men alpayukarak ho to ayu 22 varsh hogi. dasven bhav men shani aur dusre bhav men stri grah ho ya 11ven men surya aur rahu hon tatha shani ashubh bhav men ho ya ashubh ho aur purush grah sath hon ya n hon to jatak dirghayu hoga. chandra aur rahu chathe bhav men ya mangal ashubh chathe men ho, aur shukra v ketu ashubh hon aur bolte samay danton ka mans v kan upar charh jaen to ayu 25 varsh hogi parantu marte samay putra chor jaega. budh v guru dusre bhav men aur rahu tisre bhav men ho to ayu 30 varsh hogi. 19 varsh ki ayu men pita ki mrityu v dhan hani ho sakti hai. chandra, budh aur rahu kisi bhi bhav m sthit hon to ayu 35 varsh hogi. guru aur rahu 9ven ya 11ven men hon to ayu 40 varsh hogi. budh v ketu 12ven men ya guru aur rahu chathe men hon to ayu 45 varsh hogi. chandra panchve, dusre ya chathe bhav ke grah ashubh hon to ayu 50 varsh hogi. chandra, rahu aur budh dusre ya panchven bhav men hon to ayu 56 varsh hogi. chandra aur budh tisre bhav men hon to ayu 60 varsh hogi. shukra aur chandra ya chandra aur rahu 9ven bhav men hon to 65ven varsh men achanak mrityu hogi. shesh ayu- svabhav badal jae arthat kathor hridyi namra aur namra hridyi kathor ho jae to 1varsh shesh hai. ratri men dhruvtara n dikhai pare to 40 din ayu shesh hai. ghi, tel v pani men apni chaya n dikhe to sat din ayu shesh hai. sanp kat le ya munh se khun bahta rahe to char din ayu shesh hai. ismen sandeh ho sakta hai. sans lete samay pet n hile aur ankh pathra jae to kuch ghante ki ayu shesh hai. hatheli ko prakash ki or karke dekhane, yadi rakt n dikhe ya hatheli safed dikhe aur sharir akar jae to samajh len mrityu ho gai. mrityu kaise hogi? - chandra, shani aur mangal 5ven ya 8ven bhav men hon, shukra v ashubh mangal ki yuti n ho to jhagre ya yuddh men mrityu hogi. shani aur shukra ki yuti 10ven men aur surya chaithe men ho to achanak mrityu hoti hai. surya uchch ka pahle bhav men ho ya sthit ho aur akela ho to samay par svabhavik mrityu hogi. shani chathe men, budh tisre, 10 ven ya 11ven men aur shani 7ven men ho to pashu dvara mrityu hogi. budh 12ven men aur shani 7ven men ho to mrityu atmahatya dvara hogi. chandra aur budh ki yuti ho aur surya ashubh ho to is sthiti men bhi atmahatya se mrityu hogi. chandra aur budh chaithe men hon to bhi mrityu atmahatya se hi hogi. chandra v budh tisre ya chathe men hon shani v chandra ki yuti satven men ho aur budh, mangal v chandra 10ven ya satven men hon to aghat se alpayu men mrityu hogi. shukra pahle aur surya satven men ho aur sath men shatru ya papi grah hon ya varsh kundli men tisre men shatru ya papi grah hon aur surya v shukra pahle, tisre ya 10ven men hon to tapedik se mrityu hogi. surya, budh aur chandra ki yuti chaithe bhav men ho to ghore se girakar mrityu hogi. chandra v rahu ki yuti chaithe bhav men ho to fansi se ya kuen men girne ya dam ghutne se mrityu hogi. shani tisre, budh 11ven ya surya v shani 10ven aur budh 8ven men ho to kaid men mrityu hogi. budh aur shani chaithe ya budh, shani aur chandra ki yuti ho aur surya sthapit ho to hatya se mrityu hogi ya hatyara ho jaega. chandra v shani se bali hon to pardesh men aur satven men hon to apne desh ya matribhumi men mrityu hogi. chandra 10ven men ho aur dusra bhav rikt ho to fefre v chati ke rog se mrityu hogi. budh v guru amne samne hon to adhrang se mrityu hogi. budh v guru ki yuti tisre men ho to santap se mrityu hogi. mrityu ka samay papi grahon ke ashubh karyon ka parinam hai. shukra v papi grah ashubh hon, budh, rahu v ketu varsh fal men ekatra hon, tisra bhav rikt ya tisre men ashubh grah hon ya 8van athva chatha bhav ya donon ashubh hon, budh tisre, 8ven, 9ven ya 12ven men ho, shani-rahu, ketu v chandra ya chandra v rahu 8ven bhav men hane to mrityu ane ka koi n koi bahana ban jata hai. mrityu ka antim varsh v din- chandra ka bhav mrityu ka antim din (var) hoga aur varsh kanudli men chandra ki sthiti aur 8ven v 12ven bhav ke prabhav men gyat karenge. 8ven ya 12vane bhav men jo grah ashubh honge unke anusar jo pahla varsh hoga. vahi antim v ashubh varsh hoga. yadi 12ven bhav par shubh drishti ho to mrityu nahin hogi. jab bhi shubh drishti samapt hogi vah varsh antim varsh hoga.