ayu evan marak sthan pro. shukdev chaturvedi dik darshan ke anusar atma amar hai. iska kabhi bhi nash nahin hota. keval karmon ke anadipravah ke karan atma anekanek yoniyan badlti rahti hai. anadikalin karmapravah ke karan atma ka sukshmasharir (ling sharir), karman sharir evan sthul (bhautik) sharir ke sath sanbandh rahta hai.
jab ek samay men atma bhautik sharir ka tyag karti hai tab vah sukshm sharir1 men rahti hai aur karmana-sharir ki sahayta s e karmanuban dh k e anusar punah naya bhautik sharir prapt kar janm leti hai. is prakar janm evan mrityu ka anavarat chakra chalta rahta hai. karm karne ke bad karta ko anivarya rup se milne vala uska parinam (fal) karmanubandh kahlata hai.
yahi karmanubandh kritakarmon ke shubhashubhatva ke anusar atma ko ishtanisht yoniyon men le jata hai. atma ki svatantrata ya vashitva karm karne matra men hai. vah jaisa chahe achcha ya bura karm kare kintu karm karne ke bad vah uske apriharya fal se anubandhit ho jati hai.
tatparya yah hai ki atma karm karne ya n karne men purvarupen svatantra hai. kintu karm karne ke bad uske apriharya fal ko bhogne men vah svatantra nahin apitu partantra hai kyonki kiye gaye karmon ka fal bhoge bina unka kshay nahin hota.
2 janmantron men kiye gaye karmon ke fal ko daiv ya bhagya kahte hain.
3 usko bhogne ke lie vartaman jivan ki samyavdhi ayu kahlati hai. janmakun¬dli men navam sthan daiv ya bhagya ka pratinidhi hota hai aur iske vyay ke bhog ka suchak ashtam sthan hota hai. atah bhagya ka vyay ya janmantron ke prarabdh karmon ke bhog ka pratinidhitva karne ke karan ashtam sthan ayu ka sthan mana gaya hai. vastutah prarabdh karmon ka fal bhogne ke lie is janm men prani ko jo jivnkal milta hai vah uski ayu kahlati hai. isilie bhagya sthan ke vyay sthan ko ayu ka tatha ayu ke vyay sthan ko marak (mrityu ka) sthan mana jata hai. janmakundli men ashtam sthan tatha usse ashtama-arthat tritiya sthan ye donon ayu ke sthan kahlate hain. iska ek karan yah hai ki sangharsh evan parakram hi jivan hai aur inke bina jivan mritak saman hai. jivan ka astitva sangharsh evan parakram men hi dikhlai deta hai. chunki ashtam sthan sangharsh ka tatha tritiya sthan parakram ka pratinidhi sthan hai atah ye donon ayu ke sthan mane jate hain.
4 ayu ya jivan ki samapti ka nam mrityu hai. yah ek aisi anivarya evan apriharya ghatna hai jismen vartaman jivan ka astitva hamesha-hamesha ke lie nasht ho jata hai. yadyapi atma ki anekanek yoniyon men vicharan ki shrrinkhla men yah ghatna parivartan matra hi hai kintu yah ek aisa parivartan hai jo vartaman jivan ke astitva ko nasht kar use bhut men vilin kar deta hai. vastutah mrityu vartaman jivan ki satta ko samapt kar dene vali ghatna hai. atah kundli men ayu ke pratinidhi ashtam evan tritiya in donon sthanon ke vyayasthan -arthat saptam evan dvitiya sthan ko marak sthan kahte hain.
5 kundli ke dvadash bhavon men se saptam evan dvitiya bhav ko hi marak kyon mana gaya? is prashn ka samadhan karne ke lie in donon bhavon ke gun-dharm evan pratinidhitva ka vichar karna avashyak hai. jyotish shastra men saptam bhav stri ka tatha dvitiya bhav dhan ka pratinidhi mana gaya hai.
6 is sansar men dhan evan stri ye donon jhagre evan hatya ki jar hain. yadi mahabharat men se dropdi evan ramayan men se sita ko alag kar diya jae to donon mahakavyon ka kathanak purn viram ke as-pas chala jata hai.
puri tatasthata evan shalinta ke sath vichar kar yah kaha ja sakta hai ki mahabharat jaise bhishan yuddh ke mul men dropdi tatha ram-ravan ke bhayanak yuddh men sita, shurpanakha, kaikeyi evan manthra adi ki bhumika pramukh karan rahi hai. sanyogita, padmavti, nurjhan adi ke karan kitne yuddh evan hatyakand hue? itihas iska sakshi hai. yadi ham apne parivarik jivan par drishti dalen to yah spasht rup se dikhlai deta hai ki jab tak parivar men do, tin ya adhik bhai kunvare rahte hain tab tak unmane atut prem rahta hai. kintu shadi ke bad pata nahin yah atut prem kahan chala jata hai? kai bar bhai apne bhai ka jani dushman ban jata hai.
is nayi sthiti ko kaun paida karta hai? aj sabhi log isse achchi tarah parichit hain. pa¬irvar ke apsi jhagre-jhanjhat evan vighatan men sas-bahu, nand-bhabhi ya devrani-jithani ki bhumika yugon-yugon men pramukh rahi hai. in sab baton ko dhyan men rakhakar hi sanbhvtah shastra ke chintakon ne saptam (stri) sthan ka e marak sthan mana hai . dvitiya sthan dhan sthan hone ke karan sabhi anarthon ki jar hai.
sansar men adhikatam apradh, hatya evan mafiya gatividhiyan isi ke lie hoti hain aur isi se sanchalit hoti hain. dhan-sampatti ka pralobhan itna prabal hai ki is men fans kar vyakti chori, dakaiti, hatya, apaharan ya samuhik narsanhar jaisa koi bhi bhishan ya vibhats kam kar sakta hai. sanbhvtah inhin karnon ko dhyan men rakhakar is shastra ke pranetaon ne dhan sthan ko marak sthan mana hai. marak prasang men saptam sthan ki tulna men dvitiya sthan adhik balvan marak sthan hota hai.
dhan pati-patni men, pita-putra men, bhai-bahnon men, yar-doston men tatha nate-rishtedaron men, jo ek dusre par ji-jan dene ko taiyar rahte hain, jhagre-jhanjhat, mar-pit evan hatya adi sabhi kuch karva sakta hai. chahe itihas ho ya vartaman, dhan ke lie sadaiv bhishan evan jaghanya kand hote rahte hain. sikandar, hitalar, naipoliyan evan musolini ke vishvavijyi banne ke sapnon ke piche prerak tatva kya tha?
mohammad gauri, mahmud gaznvi, changez khan, nadirshah evan ahamad shah abdali ke bar-bar bharat par akraman tatha vibhats narsanhar ka uddeshya kya tha? keval dhan ki lut-khasot tatha us par ekadhikar karna. vah dhan chahe ganv men rahne vale kisan ka ho, haveli men rahne vale amir ka ho, takhtetaus par baithne vale badshah ka ho ya mandir men ishvar ke nam par rakha hua ho- yah dhan hi sadaiv se hatya ki jar raha hai. isilie parashar ne dhan sthan ko saptam sthan se adhik prabal marak sthan mana hai.
7 marak grah: janmakundli ke yogon tatha anshayu adi ki riti se ayu ki sanbhavna ki jankari kar lene ke bad marak grahon ka vichar kiya jata hai. yog adi se nirnit san¬bhavna kal men jis marak grah ki dasha-antardasha milti ho vah markesh kahlata hai. markesh grah ka nirnay karne ke lie laghuparashri men unki ek variyata kram se suchi batlayi gayi hai8 jo is prakar hai:
1. dvitiyesh
2. saptamesh
3. dvitiya bhav men sthit trishdayadhish
4. saptam bhav men sthit trishdayadhish
5. dvitiyesh se yut trishdayadhish
6. saptamesh se yut trishdayadhish
7. vyayesh
8. vyayesh se sanbandhit pap grah
9. vyayesh se sanbandhit shubh grah
10. (kabhi-kabhi) ashtamesh
11. (kabhi-kabhi) keval papi. jatak chandrika ke shlok sankhya 25-27 ki tippani men pro. bi.suryanarayan rav ne marak grahon ki is se bhinn kram men suchi di hai jo is prakar hai:
1. dvitiya evan saptam men sthit grah.
2. dvitiyesh evan saptamesh
3. dvitiyesh evan saptamesh se yut grah
4. yogkarkta se rahit aur markesh se yut-drisht kendresh evan trikonesh.
5. tritiyesh evan ashtamesh
6. sabse nirbal grah.
kintu is suchi ka kram n to laghuparashri ke anurup hai aur n hi brihatparashar horashastra ke anurup hi. laghuparashri men marak grahon ki suchi brihatparashar horashastra ke anurup hai. atah pro. rav ke marak grahon ke kram ko parashr-sammat nahin kaha ja sakta. is vishay men parashar ka vachan is prakar haiah9 ‘‘marakasya dashakale marakasthasya papinah. pake papyujan pake sanbhve nidhnan dishet.. asanbhve vyayadhishdshyan marnan nrinam. abhave vyaybhaveshasambandhigrahbhuktishu.. tadbhave'shtameshasya dashayan nidhnan punah. etaddashantbhuktyadau vichayairvan mritin vadet..’’
markesh nirnay karne se purva dvitiyesh, saptamesh, dvadshesh, ashtamesh evan papi grahon ka ganbhirtapurvak vichar karna avashyak hai kyonki sabhi dvitiyesh, saptamesh adi markesh nahin hote. karan yah hai ki jo bhavesh shubh prabhav men hai vah mrityu nahin deta, han kasht avashya deta hai. jaise karak grah charam evan param shubh fal ka suchak hota hai vaise hi marak grah param ashubh fal ka suchak hota hai.
atah jo grah dvi tiyesh, dvadshesh ya ashtamesh hone ke sath-sath lagnesh ya navmesh hon ve marak nahin hote. isi prakar surya evan chandrama ashtamesh hone par markesh nahin hote. is prasang men ek mahatvapurn evan dhyan rakhne yogya bat yah hai ki jaise dvi tiyesh, dvadshesh evan ashtamesh lagnesh hone par marak nahin hote vaise hi iske viprit ye grah pap sthanon ke svami hone par pramukh marak grah ho jate hain.
tatparya yah hai ki jo grah marak sthan evan pap sthanon ka svami ho vah pramukh marak aur jo grah marak sthan ke sath-sath shubh sthan ka svami ho vah marak lakshan vala mana jata hai aur kabhi-kabhi mrityudayak hota hai. iske sath-sath ek anya bat bhi smaraniya hai ki marak grahon ka paraspar sanbandh, unka ashtamesh ya trishdayadhish se sanbandh mark-prabhav ko barhata hai.
sandarbha:
1. man, buddhi, chitt evan ahankar se nirmit sukshm sharir.
2. (a) nayuktan kshiyate karm kalpakotishtairpi. (a) avashyamev bhoktavyan kritan karm shubhashubham.
3. janmantarakritan karm taddaivmiti kathyate.
4. ‘‘ashtaman hyayushah sthan ashtamadashtaman ch yat. laghuparashri shlok 23
5. tayorpi vyayasthanan marakasthan muchyate. tatraiv shlok-23.
jivan men jarurat hai jyotishiya margadarshan ki? abhi bat karen fyuchar point jyotishiyon se!