vayavya kon men atithi kaksh kyon? dae. rashmi chaturvedi bha r t i y samaj m e n vyavastha banane ke lie use parivarik ikaiyon men vyavasthit kiya gaya hai. manushya jivan men akela nahin rah sakta hai. janm se mrityu tak ka samay vah parivar men vyatit karta hai.
parivar ke sadasya jivan men ane vale sukh evan dukh sath-sath bantte hain aur man men ane vale bha¬avon ka adan pradan karte hain. is prakar dekha jae to parivar men log bhavatmak jurav evan suraksha donon hi prapt karte hain. atithi vah vyakti hota hai jiske ane ki tithi tay nahin hoti hai ya dusre shabdon men kahen to jiska agaman achanak hota hai. vah kisi anya parivar ka sadasya hota hai.
anya parivar se sanbandh hone ke karan uske achar, vichar evan vyavhar bhinn hote hain. iske viprit ek hi parivar men pale barhe hone ke karan parivarik sadasyon ke achar, vichar evan vyavhar men ekrupta milti hai. parivarik sadasyon ki sabse bari visheshta hai unka apsi vishvas jiske karan ve ek dusre se jure rahte hain.
atithi ka nivas kisi bhi bhavan men asthayi hota hai kintu yadi yahi atithi lanbe samay tak parivar men rahta hai to parivar ke sadasyon ki nijta prabhavit hoti hai. jis karan atithi ka adar satkar dhang se nahin ho pata. atithi ke samne vyavhar thora banavti evan dikhavti hota hai. banavat jyada samay tak nahi rahti hai. atithi ka jyada samay tak rahna parivar ke kuch sadasyon ko achcha lagta hai. to kuch sadasyon ko bura jiske parinamasvarup parivar ke sadasyon men matbhed utpann ho sakte hain. ye matbhed parivarik sukh-shanti men badha utpann karte hain.
vastushastra men parivarik vyavastha ko banae rakhne ke lie vibhinn kakshon ki disha par vishesh dhyan diya gaya hai. bhavan ka vayavya kon vayu pradhan kshetra hai. is disha ke svami vayu devta hain tatha grah chandrama hai. vayu ki visheshta hai ki vah ek sthan par bandhakar nahin rahti hai. uski lagatar avagaman hota rahta hai.
atah vayavya kon bhavan ka vah kshetra hai, jahan parivartan lagatar hota rahta hai ya dusre shabdon men kahen to jahan sthayitva ka abhav hota hai. is kon par chand¬rama ka bhi prabhav parta hai. chandrama ka sanbandh man se hai. vyakti ke man men bhavon ka sanchar lagatar chalta hai, jisse is sthan men tik nahin pata. atah vayavya kon men atithi kaksh ban¬ane se atithi kuch samay tak rahta hai tatha purn adr-satkar prapt karta hai. atithi yadi prasann hokar jata hai to vah samaj men mejban ki prashansa karta hai.
is prakar ham dekhte hain ki vayavya kon men bana atithi kaksh parivarik vyavastha ko sucharu rup se chalane men tatha atithi ko samman dilane men sahayak hota hai aur ‘atithi devo bhav’ ki bhartiya avdharan ka palan bhi asani se ho jata hai.
vartaman samay men pratyek vyakti apna kam jald se jald kar prashansa prapt karna chahta hai. aise men vastusammat sthan vyakti ke man ke anukul parin aam dilane men sahayta kar sakte hain.
janm kundli ke vishleshan ke lie bat karen desh ke prasiddh jyotishiyon se keval fyuchar point par