manav ka mastishk kampyutar ke si.pi.yu. ki tarah karya karta hai jise sharir ke sabhi ang apne-apne sandesh bhejte rahte hain aur mastishk unhen karya ke nirdesh deta rahta hai. jab bhi sharir ke kisi bhag men dard hota hai, to hath apne ap us ang ko dabane lagte hain. yahi ekyupreshar hai. ekyupreshar ki yah chikitsa paddhati sansar ki sabse purani chikitsa paddhati hai. bharat men lagabhag 6 hajar varsh purva iska udbhav hua, ayurved men iske ullekh milte hanai. ise marm chikitsa ke nam se bhi jana jata hai. chin men ekyupreshar tatha ekyupankchar paddhati panch hajar varsh purani mani jati hai.
bharat men kan, nak adi ka chedan ekyupankchar ka hi udaharan hai. hamare purvajon ne ise dharm se jorakar am manushya ke jivan men utar diya. kan chedan anidra evan yaddasht ko thik rakhta hai. churiyan pahnne se mutrashay aur prostet ki bimari nahin hoti. payjeb pahnne se kamar aur gardan ke dard se aram milta hai bichue se nak tatha gale ke rog dur hote hain. sir par bor pahnne se masik dharm ke vikar dur hote hain. purushon men janeu mutra sanbandhi rogon ko dur karta hai. kamar men dhage se harniya se bacha ja sakta hai. kalai men dhaga ya kara pahnne se raktachap samanya hota hai.
ekyupreshar kaise kam karta hai, ise samjhne ke lie pani ke paip ka ek udaharan lete hain, jismen kuch avrodh ho. paip ko yadi daba diya jae, to pani jor se chalne lagega. paip ko chor dene par usmen fansa hua avrodh jhatke se bahar nikal jaega aur pani ka pravah thik ho jaega. isi prakar manushya ke sharir men rakt vahikaon v nason ke avrodh ekyupreshar prakriya se khul jate hain aur rogi ke kasht dur ho jate hain. sharir ke vibhinn angon ke pratibinb kendra sharir ke kai bhagon par hote hain.
how is the most important aspect of your life! ask our experts
upchar ke lie pahle yah malum karna hota hai ki sharir ke kis hisse v ang men rog hai. jis ang men rog ho usse sanbandhit pratibinb kendra par dabav dekar rog dur kiya ja sakta hai. ismen mukhya rup se pair aur hath ki rifleksoloji adhik prabhavshali v suvidhajanak hai. rakt vahikaon tatha snayu-sansthanon ke akhiri chor hathon v pairon men hote hain. sharir ke vibhinn angon se sanbandhit nariyan hathon v pairon men sthit hain. yahan ankit chitra se yah sahaj hi pata chal jaega ki kaun sa ang hath v panv men kahan sthit hai.
ekyupreshar ke lie avashyaktanusar anek upakaran upalabdh hain jaise pairon ke lie mait, baithne ke lie sit, gardan v kamar ke lie rolar ya masajar, ungliyon ke lie ring adi. lekin in sabhi upkrnon se ham bina kisi niyantran ke pure kshetra par dabav dalte hain.
inka vishesh labh prapt karne ke lie avashyak hai ki jahan jaruri ho vahin dabav dala jae. iske lie jimmi ka upyog behtrin mana gaya hai. is patrika ke sath bhi ek jimmi sanlagn hai. jimmi dvara talvon v hatheliyon par ukt dabav dala ja sakta hai. iske age ke nukile paeint se bindu vishesh par dabav dalakar usse sanbaddh rog se mukti prapt ki ja sakti hai. hatheliyon men chalakar unke sabhi binduon par dabav dalne se vibhinn rogon se mukti mil sakti hai.