vastu ke anusar vyavsayik karya pramod kumar sinha pra0- vyavsayik karya ke lie kis tarah ka bhukhand sarvashreshth hota hai ? u0- vyavsayik karya karne ke lie aytakar ya vargakar bhukhand sarvashreshth hota hai. aytakar bhukhand ko 1ah2 anupat se adhik nahi rakhna chahie. bhukhand ke dakshin-pashchim bhag ki satah unchi honi chahie. dakshin-pashchim men nirman karya adhik se adhik karna chahie. utr-purva bhag ki satah nichi aur adhik se adhik khuli rakhni chahie kyonki inke khula rakhne tatha utr-purva ki or dhalan hone se lakshmi ki svatah vriddhi hoti hai. ishvar, ganga aur lakshmi utr-purva men nivas karte hain atah yah sthal nicha, khula, pani bhara ho to karya karne vale log dhanadhya tatha bade se bade sukh bhogte hain. thodi si mehanat karne par jyada se jyada saflta milti hai aur bhagya ko jaga kar saubhagyashali bana deta hai. vyavsayi log apne vyavsay, karkhane ya udyogon ke utr-purva men pani ka andaragraund taink, talab, sviming pul banakar apne dubte vyavsay ko char chaed laga sakte hai. aisa karne par karj, mukdme adi ki samasya ka shighra hi samadhan ho jata hai. talab ya pani ki vyavastha bhukhand ke ishanya kshetra men ho ya bhukhand men lakshmi ya kuber ke sthan par ho to dhan ki koi kami nahi rahti. vyavsayik sthal ke aspas daridrata svapn men bhi najar nahi ati tatha soya bhagya jag jata hain. pratyek kadam par lokapriyata milne lagti hai. pra0- vyavsayik parisar ke nirman karya men kin baton ka khyal rakha jata hai ? u0-utr-pashchim se lekar utr-purva tak kisi tarah ka nirman bhulakar bhi nahi karna chahie anyatha dhan-daulat, kam-kaj, dukan, faiktri sabhi band ho jate hain. sabhi jagah bandhan lag jata hai. sajhedar, mitra aur rishtedaron se sanbandh kharab ho jata hai. mukdme adi ki vriddhi ho jati hai. vyavsayik sthal ke dakshin-pashchim ki sathen ya chardivari unchi rakhne se dhan evan avak achchi rahti hai. vyavsayik sthal ka vatavaran shant rahta hai. us sthan par baithakar karya karne se manushya ko raja jaise sukh ki prapti hoti hai. dukan ka malik karyo tatha karmachariyon par apna purn niyantran banaye rakhta hai. karmachari puche bina koi karya nahi karte. sare shaktishali grah sath dete hain. pra0- vyavsayik parisar ya dukan ke kamre ki antrik banavat kis tarah ki honi chahie ? u0-vyavsayik parisar ya dukan ke andar khanbho aur stanbho men tikshn kon nahi rakhne chahie. yadi ho to ise dhank kar rakhen tatha bijli aur telifon ke tar dhanke hone chahie. prakash saman rup se sari dukan men faila hua hona chahie. dukan ka farsh evan sathen sarak se unchi ya barabar rakhen. parantu ise sarak se nichi kabhi n rakhen. dukan tahkhane ya khadde men nahi honi chahie. pra0- dukan men kauntar kis sthan par rakhna chahie ? u0- dukan men kauntar dakshin-pashchim, dakshin, dakshin-purva, pashchim ya utr-pashchim men rakhna shreshth hota hai. kauntar ke farnichar men lakdi ka istemal adhik se adhik karna chahie. pra0-vyavsayik sthal men kis tarah ki akriti lagani chahie ? u0-sansthan se jude karyo ke chitra shubh hote hain. vyakti ko chahie ki vah jo vyapar karta ho, vahi vyapar karne vale vishva prasiddh vyaktiyon, vyavsay ke sansthapak ya perarna srot ka chitra apne kursi ke piche divar par ya sansthan men upyukt sthan par lagae. vyavsayik sthal men rudan karte hue vyakti, band ankhon ke praniyon ke samuh, duahkhi vyakti, suar, bagh, siyar, sanp, ullu, khargosh, bagula, bhayanak akritiyon vale aur dinta darshane vale chitra kadapi nahi lagane chahie.?
Kya aapko lekh pasand aaya?
Subscribe