panch pakshi shastra ek aisi vidha hai jiske madhyam se shubh evan ashubh samay ka chayan karke ek taraf to saflta ki manjil hasil ki ja sakti hai to dusri or bure samay men thori savdhani barat kar asflta se bacha ja sakta hai athva asann khatron ko tala ja sakta hai. panchapakshi ke is ank ke lekh men ham charcha kar rahe hain is sadi ke mahanayak arthat amitabh bachchan ke sath kuli film ki shuting ke dauran ghati durghatana ke vishay men. ham panch pakshi shastra ke madhyam se yah samjhne ki koshish karenge ki unke sath us samay durghatana kyon hui. sarvavidit hai ki 26 julai 1982 ko manmohan desai dvara nirdeshit film kuli ki shuting ke dauran ek faiting sikvens ko filmate vakt sah kalakar punit issar ke dvara galti se inhen itna ganbhir chot laga ki ek bar ko inke chahne valon ko aisa mahsus hua ki mahanayak shayad ab dubara unke bich nahin lautenge.
kuch dinon tak aspatal men ye jivn-mrityu ke bich jujhte rahe tatha kai bar aisa laga ki shayad ye dubara nahin uth paenge. inhonne svayan bhi kai bar yah svikar kiya hai ki is hadse se ubrna inke lie dusra janm hai. inhonne aisa bhi kaha ki kuch sekend ke lie vakai ye klinikli ded the. pure desh men logon ne inke lie shok manana tatha puja-path karna praranbh kar diya tatha inke aspatal ke nikat to hamesha logon ka tanta laga hi rahta tha. logon ke puja-path ne rang dikhaya tatha kuch dinon ke uprant ashcharyajanak rup se ye thik hone lage. aiye ham yah dekhne ki koshish karte hain ki us samay inke sath aisi durghatana kyon hui. amitabh bachchan ka janm 11 aktubar 1942 ko 16 baje ilahabad men hua tha.
is din shukla paksh ravivar tha. inka janm nakshatra svati hai. atah panchapakshi shastra ke anusar inka janmapakshi kaua hai. panchapakshi men pratyek din achche-bure samay ke atirikt us din ke shubh evan ashubh rang tatha shubh-ashubh dishaen bhi apna mahatva rakhti hain. janmapakshi ki sabse nimn gatividhi marna hai. anubhav men aisa dekha gaya hai ki jab kabhi bhi kisi prakar ki ashubh ghatna ghatti hai to us samay janm pakshi marna gatividhi ya up gatividhi men avashya sanlagn hota hai. amitabh bachchan ki durghatana sanbhvtah 26 julai 1982 ko karib 1ah30 se 2 baje ke bich hui.
us din ka inka pura chart nimn prakar se haiah
din ke samay marna gatividhi men sanlagn pakshi - kaua.
shubh rang - safed,
ashubh rang - lal
samay pakshi gatividhi 06ah07 -08ah38
kaua ghumna 08ah38 -11ah09
kaua shasan karna 11ah09 -13ah41
kaua sona 13ah41 -16ah12
kaua marna 16ah12 -18ah44
kaua khana 13ah41 -16ah12
kaua marna is din inka janm pakshi durghatana ke samay apne sabse nimn gatividhi men sanlagn tha tatha jis samay durghatana hui us samay inke janmapakshi ki upgtividhi marne ki thi. atah yah kal marna men marna tha. yadi ham us din ke inke shubh-ashubh rangon ka vichar karen to inke lie sarvadhik ashubh rang lal tha. is film men inhonne kuli ki bhumika nibhai thi atah shuting ke dauran inhonne lal rang ka kuli ka vastra dharan kiya hua tha. atah is drishtikon se bhi yah upyukt samay nahin tha. panchapakshi shastra ke anusar jis din apne janmapakshi ka prabal rang ho vahi dharan karna chahie athva apne janmapakshi ke mitra pakshi ke us din ke balshali ranganurup vastra dharan karna chahie. apne janmapakshi ke anusar us din ke sarvadhik ashubh rangon ke prayog se bachna chahie.