abhishek evan aishvarya ka vivah hua hai. (janm vivaran abhishek 5.2.1976, 23ah56 munbai, aishvarya 1.11. 1973, 12ah10 manglor) unki kundliyon ka vishleshan karte hue unke vaivahik jivan, santan paksh, kairiyar, vyavsay, svasthya, dhan donon ke apne sas-sasur se sanbandh kaise rahenge adi vibhinn pakshon par vistrit faladesh den.
abhishek ki janm kundli ka vishleshan tula lagn budh ke nakshatra evan guru ki rashi revti ke nakshatra men paida hue abhishek sundar hain. unka kad uncha, sharir rachna sundar tatha vyaktitva prabhavshali hai. vah lokapriya, dhanvan, buddhiman, satyanishth hain. vah koi bhi kam soch vichar kar karte hain.
yah gandmul nakshatra tisre charan men shubh faldayak hai. is lagn valon ki natak, sinema adi se sanbandhit karyon men vishesh ruchi hoti hai. gajkesri yog kundli men yah yog vidyaman hai. guru apne ghar men aur chandra guru ke ghar men sthit hai. yah uchch koti ka gajkesri yog hai. yahi karan hai ki abhishek karmashil, medhavi aur tej hain. is yog ke karan anya arisht yog samapt ho jate hain.
yah yog abhishek ki dirghayu aur uchch koti ki mansik shakti ka suchak hai. amla yog chandra se dasham bhav men shubh grah shukra hai. abhishek sadachari, dharm men astha rakhne vale tatha achche svabhav ke vyakti hain. abhishek ko mangal grah ko shant karne ke lie usse sanbandhit vastuon ka dan aur mantra ka jap karna chahie. gochar ka rahu jab dhanu (nich rashi) men bhraman karega to vaivahik sukh men kami aegi.
yah sthiti 6.1.2012 ke bad aegi. atah aishvarya ko rahu grah ko shant karne ke lie isse sanbandhit dan, mantra ka jap adi karne chahie. abhishek ki kundli tula lagn ki hai aur iska svami shukra hai. is lagn vale jatak bhavnaon aur kartavya men samanjasya sthapit karne ki adbhut kshamata rakhte hain aur chiryuva hote hain. ye apne dayitvon ka nirvah karte hain aur nirpeksh hokar paropkar bhi karte hain. inki ruchi tantra, mantra, jyotish men adhik hoti hai.
inke lie sarvadhik shubh grah chandra, surya aur shani hain. inka jivan sathi sundar evan ugra prakriti ka hota hai. ghar men prayah pati-patni men anaban hoti rahti hai. vaivahik jivan vaivahik jivan ke falakathan ke lie saptam bhav, saptamesh v shukra ki sthiti ka vishleshan karte hain. saptamesh ashtam bhav men hai aur saptam bhav par rahu, ketu tatha shani ka ashubh prabhav hai, saptam bhav pap prabhav men hai.
shukra bhi tritiya bhav (guru bhav dhanu rashi) men hai. guru shukra se shatru bhav kintu, shukra guru se sam bhav rakhta hai. yah sthiti bahut achchi nahin hai par chalit kundli men guru v chandra saptam bhav men hain. chandra to shubh hai par guru patni ke bimar hone ka sanket deta hai. guru ke tritiya aur chathe bhav ke svami hone ki sthiti men patni ka vyavhar jatak ke anukul nahin hota. santan paksh pancham sthan ka svami shani hai jo dasham bhav men hai. us par surya v budh ki saptam tatha guru ki pancham drishti hai.
is prakar stri grah shani stri rashi men sthit hai. budh bhi stri grah hai, kintu surya v guru purush grah hain. is prakar do grah stri aur do purush hain. surya v guru balvan hain, islie putra ki prapti avashya hogi. kairiyar vyavsay tula lagn men karya bhav ka svami chandra, ay bhav ka svami surya tatha dhan bhav ka svami mangal hai. in grahon men mitrata hai.
kintu iske viprit bhagyesh budh v lagnesh shukra donon hi surya, chandra v mangal ke shatru hain. aise men bhagya jatak ka sath nahin deta. jatak svayan sadaiv asmanjas men rahta hai ki jivan yapan ke lie kaun sa vyavsay apnaya jae kyonki jo grah dhan aur karya kshamata dete hain unmen jatak ki ruchi nahin rahti aur n bhagya sath deta hai.
jab jatak apni ruchi ke anusar karya karta hai, to use paryapt dhan aur yash nahin milta. lagnesh aur karyesh donon hi char rashi ke svami hote h.nai atah jatak svabhavtah ghumakkar hota hai arthat vah ek jagah baithakar karya vyavsay nahin kar sakta.
dasham bhav men kark rashi udit ho rahi hai. is bhav men shani shatru rashi men hai, dashmesh chathe bhav men hai. yah yog pratyek karya men badhaen khari karta hai. dasven bhav men shani ke karan jatak ki apne pita se anaban rahti hai. nit nai samasyaon se jujhna parta hai. isi karan vivah men vilanb hota hai v dampatya jivan kashtamay hota hai.
aise jatak ka bhagyoday santan prapti ke bad hota hai. svasthya tula lagn men shukra lagnesh hone ke karan ashubh fal nahin deta kintu athven bhav se sanbandh hone ke karan kuch matra men ashubh prabhav chorta hai. shukra par mangal ki ashtam drishti hai, mangal markesh hai. lagn bhav par rahu v ketu ka prabhav hai, islie ashubh hai. shukra ki drishti bhagya bhav par hai, jo budh ki rashi hai. islie bhagya aur dharm ki vriddhi karega.
lekin chalit kundli men rahu dvitiya bhav men hai. ketu mangal ke sath ashtam bhav men hai, jo adhik ashubh hai. kyonki mangal marak hokar mrityu sthan men baitha hai islie mrityu tulya kasht de sakta hai. dhan is lagn men mangal dhan bhav ka svami hai aur ashtam bhav men hone ke karan daridra yog ka nirman karta hai. is yog ke karan vivah ke pashchat jatak ki sthiti aur kharab ho jati hai. paitrik dhan nasht ho jata hai.
dasham bhav ka svami chandra chathe bhav men hai, jo dasham se nauvan hai. yah yog shubh fal dega. ay bhav ka svami surya hai, jo chaturth bhav men shani ki rashi makar men virajman hai aur saptam drishti dasham bhav men surya ki rashi kark par hai, jo shubh hai. is karan pita ke sahyog se dhan prapt ho raha hai. chalit kundli men chandra man ka adhikari hai, isilie unki mansik shakti prabal hai.
vah apne sundar karmon ke bal par dh an arjit karenge. sath hi patni aur pita ka sahyog milta rahega. dhan bhav par guru ki navam drishti bhi hai, jo dhan ki vriddhi karega. sas sasur se sanbandh abhishek ke sas sasur se sanbandh madhyam rahenge. surya aur shani kuch ashubh prabhav chorenge. kabhi-kabhi sanbandhon men karvahat a sakti hai kyonki chaturth bhav men shani ki makar rashi udit ho rahi hai jismen surya shatru tatha budh mitra rashi men virajman hai.
chaturth bhav ka svami shani dasham bhav men hai, jo apni saptam drishti ke dvara bal pradan kar raha hai. surya v budh dasham bhav par saptam drishti dal rahe hain. surya dasham bhav ke lie aur shani chaturth bhav ke lie shubh hai. aishvarya ray ki kundli ka vishleshan makar lagn, purvasharha nakshatra aur guru ki rashi (dhanu) tatha shukra ke nakshatra men janmi aishvarya achche mitron se yukt, bhagyavan, lokapriya, akarshak vyaktitva ki svamini, sundar, lanbe aur andakar chehre, nili ganhri ankhon aur ghane bal vali, hansmukh svabhav, satyaprayan aa, bold, spashtavadi, vilasita ke sukhon se sanpann, kharch adhik karne vali, karya kushal, milnsar evan kamuk prakriti ki hain. vah vibhinn prakar ke bhojan ki shaukin hain.
kundli men kisi grah ka nich rashi men sthit hona kharab mana gaya hai. kintu agar us grah ka nich bhang ho jata hai, to vah shubh fal deta hai. ise nich bhang rajyog kahte hanai. aishvarya ki kundli men lagn men baithe guru ka nich bhang hai kyonki yah grah lagn men hi sthit hai. dusra is rashi m ne svasthya ka hane e vala grah mangal lagn se kendra (chaithe) men sthit hai. islie kundli men lagn shubhasth hai. lagn ka balvan aur shubh hona kundli men raj yog ka karya karta hai. aishvarya svasth jivan vyatit karengi.
kundli men dasham bhav men baithe tula ke surya ka bhi nich bhang hai, kyonki surya bhi lagn se kendra men sthit hai aur is rashi men uchch ka hone vala grah shani chandra kundli se kendra men sthit hai. atah dasham bhav ka karak grah surya shubh fal dega. pita ka sukh, vishva sundri ke uchch evan pratishthit pad ki prapti, pratiyogita men kamyabi aur pratishtha adi is surya grah ki hi den hanai. is sthiti ke karan sasur se sanbandh madhur rahenge aur age filmon men kam milte rahenge.
kendra (chaturth bhav) mata evan bhumi ke ghar men svarashi ka mangal ruchak namak panchmhapurush yog bana raha hai. aise jatak balvan, akarshak sharir vale, dhan tatha shakti se yukt, mantra shastron ke gyata, raja ke saman sukhi, bhumi se yukt, matrisukh se sanpann aur shatrunjay hote hain. chathe bhav men mitra ke ghar men sthit lagnesh shubh faldayak hai. atah shatru apne ap khatm ho jaenge. bimari bhi shatru hoti hai. atah aishvarya svasth jivan vyatit karengi.
saptamesh chandra barhven bhav ke shubh kartri yog men hai. atah vaivahik jivan sukhamay rahega. bhog vilas ka karak shukra yog karak hokar barhven bhav men shukra yog banata hai, jise shubh mana gaya hai. mantreshvar ne kaha hai ki barhven bhag ka shukra jatka ko dhanvan aur tejasvi banata hai tatha pati sukh se yukt rakhta hai.
is yog ne aishvarya ko khyati aur pratishtha di. bhagyesh budh labh sthan men sthit hai jo mangal ka ghar hai jahan chaithe bhav men sthit mangal apni purn athvin drishti se apne ghar men sthit bhagyesh budh ko dekh raha hai. yahi karan hai ki aishvarya bhagya ki dhani hain. unki ay ke sadhan kisi n kisi rup men bante rahenge aur dhan ki kami nahin aegi. panchmesh shukra aur saptamesh chandra ka yog shubh kartri yog men hai. is yog ne aishvarya ko abhinay men saflta dilai aur unhonne filmi duniya men nam kamaya. aise jatak sundar evan akarshak vyaktitva ke hote hain.
chaithe bhav men sthit mangal jahan apni chaithi drishti se saptam bhav ko dekh raha hai, vahin lagn men baitha guru apni satvin uchch drishti se saptam bhav ko dekh raha hai. saptamesh chandra bhi shubh sthiti men hai. atah vaivahik jivan sukhamay rahega. lagnesh shani aur kendresh shukra (kendra aur trikon ka drishti sanbandh) ek dusre ko satvin purn drishti se dekh rahe hain jo abhinay ke lie shubh faldayak hai. shani dusre ghar ka aur shukra panchven ghar ka svami hai.
shubh durudhra yog: chandra se donon or shubh grah hon, to durudhra yog banta hai. aishvarya apne kamon ke prati nishthavan aur dharmaparayna hanai. vah danshil hain tatha apne vachan par atal rahti hain. saptamesh chandra apne ghar se chathe bhav (barhven) men nich ke rahu se yukt hokar grahan yog bana raha hai. sath men shukra bhi sthit hai. shukra 1 ansh par sthit hai. yah yog aishvarya ko bhavuk banata hai. navmansh kundli men chandra bhi nich rashi ka hai. atah unhen chandra grah ko shant karne ke lie uska dan, puja path adi karte rahna chahie. vartaman samay men prabhavi rahu ki mahadsha men shani ka antar 19.6. 2009 tak rahega. navmansh men rahu uchch ka hai aur shani apne ghar men sthit hai.
kundli men shani ki ashtam dhaiya dasha jari hai. arthat shani ki dhaiya dasha 23.9. 2007 tak chalegi. vahin gochar ka guru vrishchik rashi men chala hua apni nauvin uchch drishti se shani ko dekh raha hai, jo kark rashi men hai. rahu ka gochar bhi kunbh rashi tisre bhav men shubh faldayak hai. atah shani ki dhaiya ka ashubh fal kam hoga. agami 30 navanbar 2007 ko guru jab dhanu rashi men pravesh karega, to santan yog banega, kyonki guru ki panchvin drishti pancham bhav par paregi. kendra ke svami ke sath rahu ho, to shubh fal deta hai. yahan saptamesh chandra se rahu yukt hai.
agami sitanbar 2007 tak shani aur rahu ko shant karne ke lie unka dan karte rahna chahie. iske lie panna aur hira ratn bahut hi anukul hain. aishvarya ki kundli makar lagn ki hai. is lagn men janm purva janm ke papon ka prayashchit karne ke lie hota hai. kyonki is lagn ki rashi ka svami mand gati grah shani hai aur dusre bhav ka svami bhi shani hai islie jatak ko jivan paryant kisi n kisi prakar ka tanav bhogna parta hai. makar lagn vale khyati bhi prapt karte hain.
inka jivnsathi chanchal aur sundar hota hai. prayah kanya santanen adhik hoti hain. inke lie chandra v shukra sarvadhik shubh grah hote hain. vaivahik jivan vaivahik jivan ka vishleshan karne ke lie saptamesh, saptam bhav v guru ki sthiti dekhi jati hai. aishvarya ki lagn kundli men saptamesh chandra barhven bhav men hai jo shukra aur rahu ke sath hai, jo chandra se shatruta rakhte hain. chandra ka vyay bhav men hona pati ke laprvah hone ka suchak hai. vaise vyay bhav shubhakartri yog men hai aur chalit kundli men chandra lagn bhav men hai, jo atyant shubh hai.
chandra ke shubh prabhav ke karan hi aishvarya ko sharirik saundarya prapt hua hai. chandra komlta v sundrta ka pradata hai. lagn men sthit guru chandra ke sath gajkesri yog bana raha hai. yah saptam bhav ko shubhta pradan kar raha hai. isi karan unhen achche ghar v var ki prapti hui. guru ka nich bhang raj yog bhi hai. mangal svagrihi hai.
unka dampatya jivan purnatah safal hoga. kundli par ashubh prabhav rahu aur chandra ke karan ho sakta hai. santan paksh pancham bhav men vrish rashi (stri rashi) udit ho rahi hai. iska svami shukra hai, jo stri grah hai aur vyay bhav men sthit hai. ekadash bhav men sthit budh ki drishti bhi pancham bhav par hai. budh stri grah hai, islie putra ki tulna men kanyaen adhik hongi. lagn bhav se guru ki pancham drishti santan bhav par hai.
guru purush grah hai aur shukra v budh se balvan hai islie putra ki prapti avashya hogi. kairiyar v vyavsay is lagn ki kundli men ay sthan ka svami mangal, dhan bhav ka svami shani tatha karya bhav ka svami shukra hota hai. chunki dhanesh, lagnesh v karyesh param mitra hain tatha ayesh mangal ki shukra aur shani se param shatruta hai, atah jatak ko vyavsay aur dhan prapti ke bich sadaiv sangharsh karna parta hai. dasham bhav men tula rashi udit ho rahi hai aur surya bhi dasham bhav men nich bhang rajyog bana raha hai, jo samanya rajyog se achcha fal deta hai.
makar lagn ki kundli men surya athven bhav ka svami hota hai. ashtamesh dosh ke karan vah jis bhav men hoga us bhav ke shubh falon men kuch kami karega. islie vikhyat hone par bhi jatak ko sangharsh ka samna karna parta hai. dasham bhav par mangal ki saptam drishti aur surya ka nich bhang rajyog donon ne milakar unhen khyati dilai.
sas sasur se sanbandh sas sasur donon se aishvarya ke sanbandh achche rahenge, par sasur ke sath adh iak achche rahenge. mangal ke svagrihi hone ke karan unhen har prakar ki sukh suvidhaen, gari, bangle, bhog vilas ke sadhan, janta ka pyar adi prapt hue. svasthya makar lagn men brihaspati tritiya, dvadash bhav ka svami hota hai atah sthan dosh hone par usmen kuch papatva a jata hai. lagnesh chathe bhav men hai.
in yogon ke falasvarup koi chirkalik rog ho sakta hai. dhan dhanesh vakri hokar chathe bhav men hai, jo dhan ke lie ashubh hai. atah dhan arjit karne men kathinaiyan a sakti hain. mangal chaturth bhav men svagrihi hai jo ruchak yog bana raha hai. ashtam drishti ekadash bhav par hai, jo dhan ke lie shubh hai. bhagyesh budh bhi ekadash bhav men hai, jo bhagya se dhan dilata rahega. vakri mangal v vakri budh ke karan dhan ki avashyakta parne par avashyakta ke anurup upalabdh nahin hota.
is karan karj bhi lena par sakta hai. aishvarya ke janm kalin panchang par drishtipat karen, to nimnalikhit tathya prapt hote hain jinke adhar par unke sukhi vaivahik jivan, santan paksh, dharm men astha, dhan daulat, svabhav, vyavhar, kala kaushal, khyati, yash, man-pratishtha adi ka akalan kiya ja sakta hai. tithi fal aishvarya ka janm shashthi tithi ko hua. jo nari shashthi tithi janm leti hai, vah pativrata striyon men pradhan aur jan manas ko pyari hoti hai.
use kaf ki bimari hoti hai. vah krodh ai bhi hoti hai. var fal jis stri ka janm guruvar ko hota hai, vah papakarmon se virakt aur dhandhanyadi se sanpann, bhagvan aur brahmanon ki puja karne vali hoti hai. aishvarya ka janm guruvar ko hi hua.
papakarm vihina ch dhan dhanya samanvita.
devadvijarchita nari ya jata guruvasre..
nakshatra fal aishvarya ka janm nakshatra purvasharha hai. jyotish shastra ke anusar jis kanya ka janm is nakshatra men hota hai vah apne ghar parivar arthat kul ke anurup/anukul, bandhugnon men pramukh, sanpujniya karm karne vali, ati balvan, pativrata, vishalakshi, adbhut rupvti evan sansar men yash kamane vali hoti hai. aisi nari dharmavrati, vinit, satyavadi aur punya karyon men rat bhi hoti hai.
yog fal aishvarya ke janm vale din dhriti yog tha. dhriti yog men janm lene vali nari hamesha satyanishth, buddhimti aur namra hoti hai. vah sabhi kalaon ki gyata, vrat niyamon ka palan karne vali aur shant svabhav hoti hai, ghamand jise chu bhi nahin pata. vah bahut se putra-pautron vali hoti hai. karan fal aishvarya ke janm kal men taitil karan tha.
jo kanya taitil karan men paida hoti hai, vah buddhiman, uttam vachan bolne vali, sab kalaon ki marmagya, achchi kanti vali, grih karyon men daksh, namrata yukt svarup vali, achche sanudar vastrabhushnon se yukt evan sushil hoti hai. abhishek v aishvarya ka kundli milan kundli milan vishleshan donon ke navmansh pati shatru hanai.
ayu men aishvarya abhishek se 2 varsh 9 mahine bari hai. keval mangal hi nahin, koi bhi krur ya papi grah kundli men bhav 1, 4, 7, 8 ya barah men ho, to vivah sukh men kami karta hai. aishvarya mangli nahin hai kyonki mangal chaithe bhav men apne ghar sthit hokar ruchak namak panchmhapurush yog bana raha hai. abhishek lagn kundli se mangli hai kyonki mangal ashtam bhav men hai.
chandra se ashtam bhav men rahu shubh nahin hota hai kyonki vah man ka karak hai. vivah ke karak shukra se ashtam bhav men shani ashubh hai. atah abhishek tinon lagnon se mangli hai. 27 gun se adhik milan ho, rashi maitri aur gan vahi hon, to mangal dosh kam ho jata hai. yahan aishvarya ka gan manushya aur abhishek ka dev hai.
atah mangal dosh bhang nahin hota. vivah ke samay ka jyotishiya vishleshan tithi 20.4.2007 surya uday 6.20 bhadra 17.04 se 27.42 sthan munbai surya ast 6.56 chandra vrish rashi men. chandra vrish rashi men tatha bhadra svarg lok men hone se bhadra shubh faldayak hai. din ki bhadra ratri ko khatm ho, to vah dosh rahit ho jati hai.
atah upar varnit tathyon ke anusar bhadra ka parihar ho jata hai. aishvarya pratiksha ke bane mandap par sayan 7 baje pahunchi aur sayan 7.15 par usne abhishek ke gale men var mala dali. yah shubh karya godhuli kal men sanpann hua jise vivahadi manglik karyon ke lie shubh mana jata hai.
sayan 8‑45 par vrishchik lagn men var vadhu ka gathbandhan hua jo sthir lagn tha. atah kah sakte hain ki yah shubh karya har muhurt ka dhyan rakh kar sanpann kiya gaya. falasvarup kai ashubh yogon ka parihar hua. abhineta abhishek bachchan aur abhinetri aishvarya ray ki shadi 20 aprail 2007 akshay tritiya ke din hui.
var ka janm nakshatra revti aur vadhu ka purvasharha hone se ashtakuton ka milan karne par 32) gun prapt hote hain. atah gunon ka melankan uttamottam kahlaega. donon ki rashiyon men rashi tatva ki mitrata nahin hai. abhishek ki min rashi jal tatviya aur aishvarya ki dhanu rashi agni tatviya hai. ek dusre se chaithi evan dasvin hone ke karan ye rashiyan sukhamay jivan ka spasht sanket deti hain. gan maitripurn hai.
gan maitripurn hone se var vadhu men priti bani rahti hai. donon ki rashiyon ka svami guru hone se vivah ati shubh hota hai. var ka shukra jis rashi men baitha ho vahi rashi kanya ki ho, to shubh mani jati hai. abhishek bachchan ka shukra dhanu men sthit hai aur aishvarya ki rashi dhanu hi hai, atah shubh hai. aishvarya ka shukra bhi dhanu lagn aur dhanu rashi men hi sthit hai. kintu ek ka saptamesh ashtam bhav men aur dusre ka dvadash men hona shubh nahin kaha ja sakta.
donon ki patriyon men papi grah rahu ki purn drishti saptam bhav par hone ke karan vaivahik jivan men klesh ki sanbhavna rahti hai. aishvarya ray ki rahu grah ki 18 varshiya mahadsha chal rahi hai. rahu akasmikta ka dyotak hai. yah ashcharyajanak rup se unnati ke sarvochch shikhar par pahuncha deta hai to achanak dharashyi bhi kar sakta hai.
kairiyar men avrodh ban sakta hai. abhineta abhishek ki shukra ki mahadsha chal rahi hai jo lagnesh ki mahadsha hai. yah unke lie 3.1.2011 tak shubh faldayak hai. kundli ka vishleshan karne par pata chalta hai ki film jagat ka grah shukra hai. abhishek ka lagnesh shukra tritiya bhav men baitha hai jo prasiddhi aur dhan dilane men purn rupen saksham hai.
unki patni ka ayesh bhi shukra hai, ataev patni se bhi unhen dhan samriddhi prapt hoti rahegi. unki shukra ki mahadsha bhi chal rahi hai jo unhen vaivahik jivan men purn sukh ki prapti karaegi. donon ka svasthya sada achcha rahega. kairiyar, vyavsay adi uttam rahenge. parijnon evan sanbandhiyon ke sath vyavhar snehpurn rahega. dhan ki prachurta rahegi.
if you are facing any type of problems in your life you can consult with astrologer in delhi