am bhasha men, anjane men ham- tone-totke ka shabdartha- saman arthon men karte hain jabki in donon ke bhinn arth v paribhasha hote hain. ‘tone-totke’ karna/krvana koi hasya ka vishay nahin hai. aiye ham saral bhasha men donon ki paribhasha jante hain. tone: tantrik bhasha men tone ka abhipray hota hai, kisi karya siddhi ke liye kiya jane vala ‘tantrik-anushthan’. yah satvik tatha tamsik anushthan do bhagon men banta ja sakta hai.
1. satvik anushthan: ismen ham samanya jivan men ane vali vastuon ka prayog karte hain. yah ghar men kiya ja sakta hai. ismen kuch anuchit v bhayavah nahin hota hai.
2. tamsik anushthan: yah anushthan keval shmashan men kiya jata hai. yah bali pashu-pakshi adi shaktiyon ke avahn/puja par adharit hai. iske 6 rup arthat ‘shat karma’ kiye jate hain, yatha-1 shanti karm, 2. vashya karm,3. stanbhan karm, 4. vidveshan karm, 5. uchchatan karm tatha 6. maran karm. totke: tantra ki bhasha men kisi bhi apriya athva hanikarak karya ko nasht karne athva apne paksh men karne ke lie shastron dvara nirdharit kriya karne ko hi ‘totke’ kahte hain. ham inko surakshit evan saral upay kah sakte hain. pratyek parivar ke bujurg in totkon (upayon) ko sadiyon se ghar men karte aye hain.
jaise - har man apne putra ko pariksha men jate vakt dahi- shakkar khila kar bhejti hai. billi rasta kat jaye to vyakti ghar vapas akar pani pita hai, fir jata hai. kisi kam ko jate samay, ghar se niklte hi koi tok de ya puch le ki kahan ja rahe ho? to vyakti ghar vapas akar kuch der bad punah jata hai. pareshan vyakti shanivar ko pipal par dipak jalata hai, jal arpit karta hai.
niyamit rup se koi kutte ya gay ko roti deta hai arthat ye sab baten kora andhvishvas nahin varan ye har ghar men kiye jane vale totke hain jo vyakti ko shanti aur sukh dete hain. niche kuch saral aur anubhut totkon par charcha karte hain. in totkon ko yadi labh nahin pahunchta hai to hani ki bhi sanbhavna nahin hoti hai. vartaman samay men dhan ki mahti avashyakta hoti hai. nirdhan vyakti ka jivan nirrathak sa hi hai.
dhan prapti ke saral totke (upay):
1. ghar men niyamit rup se athva shukravar ko ‘shri-sukta’ athva ‘shri lakshmi sukta’ ke path se lakshmi ka sthayi vas hota hai.
2. ghar men saptah men ek bar-pani men samanya namk- ek mutthi milakar pocha lagayen. isse gharelu jhagron men kami ayegi tatha nakaratmak urja samapt ho jati hai.
3. pratah uthakar sarvapratham ghar ke mukhya dvar par ek lota jal charhayen.
4. pratyek amavasya ko pure ghar ki safai karen tatha kabar-kura ghar se bahar nikal den. snan ke bad ghar ke mandir men panch agarabatti jalayen.
5. kisi bhi bhikhari ko ghar ke andar ghusne n den, use bahar hi bhikh den.
6. purnima ko ‘un’ mantra ki 108 ahutiyan den.
7. mah men do bar pratyek kamre men loban ki dhuni ghumayen.
8. yadi pratah puja ke vakt koi mehman ghar men ata hai to bahut hi shubh hai. ap use jalpan avashya karayen. yadi sandhya ki puja ke samay ghar men koi suhagan stri ati hai to samjhen ki sakshat man lakshmi ayi hain, uska bhi samman karen.
9. ap jab bhi ghar vapas ayen to kabhi khali hath n ayane. kuch nahin to raste men para kagaj ka tukra hi utha layen.
10. pratah puja kal men ya uthte hi ghar men kisi bachche ka rona ashubh hai. karan pata karen, ho sakta hai ki ghar men koi ‘nakaratmaka-shakti’ avashya hai.
11. ghar men namak kabhi khula n rakhen.
12. ghar ke kivar kholte-band karte samay avaj aye to kabjon men tel dalen.
13. niyamit rup se pratham roti gay ko tatha antim roti kutte ko avashya den.
14. angan ke bich men tulsi ka paudha lagayen tatha uski niyam se puja bhi karen.
15. pratyek guruvar ko kele ke paudhe par jal arpit karke ghi ka dipak tatha shanivar ko pipal par gur mishrit jal charhakar tel ka dipak avashya jalayen.
16. nitya pipal par jal charhana bhi arthik sanpannata deta hai.
17. shukravar ko kisi bhi saij ka band tala khariden, dukandar ya ap bhi khol ya band karke chek n karen.
is tale ko rat men apne ‘shayn-kaksha’ men rakhen. shanivar ko sayankal nahakar, tale ko kisi mandir men lekar jayen. darshan karne ke bad, us tale ko mandir men chor ayen. pujari jab tale ko chabi se kholega, to apki kismat ka tala tatha man lakshmi ki tijori ka tala apke lie khul jayega.
18. pratyek guruvar ko kisi suhagan ko ek ya adhik-suhag ka koi saman, grihini avashya den.
19. kathin arthik samasya ya ruke karyon ke nishpadan hetu- ap shukla paksh ke pratham guruvar se shuru karke lagatar tin guruvar - garibon ya bhikhariyon men pile-mithe chaval den. ap chamatkar dekhenge. lagatar karna chahane to bich men 3 guruvar karne ke bad, ek guruvar chorakar fir se shuru kar sakte hain. kam se kam ek kilo chaval, adhik ki koi sima nahin hai. chamatkarik labh dikhai dega.
20. sham ko surya dubte samay ghar-dukan-aefis ki lait avashya jala den. mandir men ya tasvir/murti (lakshmi ki) ke samne 11 bar lakshmi ji ke mantra ya ‘nam’ ka man men shraddha se sumiran karen.
21. ap ghar men niyamit puja karte samay dipak men rui ki batti ke sthan par lal kalava (mauli) ka prayog karen.
22. sadaiv shanivar ke din gehun pisvayen, usmen ek mutthi chane mila den.
23. kagaj ke not ginte samay anguli par thuk n lagayen.
24. mandir men charhaya koi sikka apki jholi athva apke upar gir jaye to uthakar use ghar le ayen aur tijori men rakh den.
25. koi hijra apse kuch mange (budhvar ko) to use dan avashya den, par ap usse koi ek sikka ya not mang len, par vah apka diya hua n ho. yah apne pars ya tijori men rakhen.
26. shukla paksh ke pratham shanivar ko 10 badam lekar hanuman mandir men jayen. badamon ko unke age rakhakar, puja karne ke bad unmen se keval 5 badam ghar lakar, lal vastra men bandhakar tijori men rakh den.
27. 21 shukravar ko 9 varsh se kam ayu ki panch kanyaon ko khir v mishri ka prasad banten.
28. kabhi din dhalte vakt tatha rat men ghar/dukan adi men jharu n lagayen.
29. shukravar ko koi suhagan stri apke ghar men ati hai to uska samman lakshmi manakar karen tatha use jalpan karayen.
30. baink adi men dhan jama karate samay man hi man lakshmi mantra ya nam avashya japna chahie.
31. dipavli ki ratri men safed 21 hakik apni tijori men rakhen ya ghar ke madhya jamin men gar den.
32. purnima ko pratah 10 baje pipal vriksh par lakshmi ka fera avashya lagta hai. isliye is samay, ap pipal vriksh ke sath lakshmi ki puja avashya karen.
33. apne puja ghar men lakshmi ji ki mutrti sthapit karen- sath men ‘shri yantra’ bhi sthapit karen- us yantra par siddh kamalagatte ki mala karne se ‘lakshmi’ ka vigrah’ (murti) shighra jagrat ho jata hai.
34. tijori men lal reshmi vastra men 11 chuare bandhakar rakhen.
35. pratyek shanivar ko ap din men 12 baje ke as-pas, apni lanbai se 5 guna se kuch adhik lal dhaga lekar ‘jata vale nariyal’ (hara) par lapet kar kisi bahte jal men pravahit karen. hath jorakar vapas a jayen. piche murakar n dekhen. aisa sirf sat bar karen.
36. achanak arthik hani adhik hoti hai to ap sat shukravar ko kinhin sat suhaginon ko apni patni ke madhyam se lal vastu uphar men den - jaise lal churi ya sari ya blaeuj pis ya rumal -sigaraf - lalta (mahavr) bindiya adi bhi, sath men itra bhi den. turant hani hona band ho jayega.
37. kisi ko bhi budhvar ko dhan udhar n den yah dhan vapas nahin ata hai.
38. kisi ko bhi pratah, pujakal evan sandhya ki puja ke samay udhar n den.
39. yadi apko raste men khet men mor nachta dikhai de to ap turant us sthan ki mitti uthakar apni jeb men rakh len. fir ghar akar us mitti ko dhup-dip dikhakar kisi chandi ke tabij ya dibbi ya lal reshmi vastra men bandhakar tijori men rakh den.
40. shukravar ke din koi vivahit mahila yadi apse jalpan athva koi uchit chij mange to turant puja karen.
41. yadi shukravar ke din-apko kahin sikka para mile athva koi bhul se adhik de de to- us sikke ko lal vastra men lapetakar tijori men rakh den.... vastu doshon ko dur karne ke lie totke -vastu dosh dur karne ke lie kisi shubh grih pravesh ke muhurt men 5 ratn ya chandi ke chote-chote 5 tukre le kar, unhen go dudh, fir ganga jal se snan kara kar, shodshopchar vidhi se shri uma-maheshvar ka pujan kar ke, ‘shiv tandav stotra ka ek path karen.
fir inko ghar ki charon dishaon men 1-1 fut niche gar den. 5van ratn ya chandi ka tukra mukhya dvar men kahin gaddha kar gar den. dhire-dhire, vastu dosh se mukti prapt ho kar, sukh-shanti prapt hogi.
- dakshinmukhi makan ho, nairritya men fatak ho, ishan men shauchalay ho, aisi sthiti men tor-for karna bahut kathin hota hai. aise samay antrik saj-sajja men sudhar kar sakte hain. ganga jal se ghar men chirkav karen. sangam ki ret ki, brahm sthan men gaddha khod kar, jamin men sthapna karen. vastu devta se prarthana roj karen. vastu devta ke nam se 1 thali roj nikalen evan pakshiyon ke lie rakhen.
- mukhya dvar par age-piche ganesh ji ki pratima ya chitra lagaen.
- dvar par mangal kalash, machli ka chitra, svasttik chihn, shubh-labh jo bhi laga sakte hon, lagaen.
- rat men dhup-dip, agarabatti lagaen. vighnahatrta ganesh ji evan shiv ji ki arti roj subah sham karen. arti karte samay ghanti bhi bajate rahen. ¬ shabd ka uchcharan karen.
- ghar ke samip janbhiri, am, kela, nirgundi, jau, ashok shirsa aur chameli adi sugandhit vriksh shubh hote hain. bel, anar, nagkesar, katahal, nariyal ke vriksh bhi hamesha shubh faldayi hote hain.