2012 men bharat ka rajnitik bhavishya arun kumar kal ka nirantar chalta pahiya kis rajnitik diggaj ko rajnitik sangam ke kis ghat par utar raha hai iska vihangavlokan ap bhi kar sakte hain is lekh me kiye gaye jyotish vishleshan ke madhyam se.
bharat ke pradhanmantri manmohan sinh ki 25 agast 2011 tak rahu mahadsha men shukra ki antardasha chal rahi thi. shukra ne viprit rajyog ka fal pradan kiya. iske bad rahu ki mahadsha men surya ki antardasha praranbh hui hai jo 19 julai 2012 tak chalegi.
surya yadyapi dhanu lagn ka karak grah hai aur bali hokar apni uchcharashi dasham bhav men budh ke sath sthit hai, lekin surya prithktavadi grah hai. gochar men 03 navanbar 2011 ko shani ne tula rashi men pravesh kiya hai. inki rashi kark hai.
atah gochar men shani chaturth bhav men sthit hokar dasham drishti se chandra lagn ko dekhenge aur saptam drishti se dasham bhav ko v apni nich rashi ko dekh rahe hain.
atah sanbhav hai ki manmohan sinh ko svasthya ke karan ya kisi paristhiti ke karan apna pad tyagna pare. atah 2012 men netritva parivartan ka yog hai. 2012 mane uÿar pradesh men hone vale vidhan sabha chunav ke pashchat mulayam sinh yadav ke mukhya mantri banne ki prabal sanbhavna hai kyonki 2012 men shri mulayam sinh yadav ki shukra mahadsha men budh ki antardasha praranbh hogi.
shri mulayam sinh yadav ki kundli men budh viprit rajyog bana raha hai. aisi paristhiti ban sakti hai ki shri mulayam sinh yadav hi uÿar pradesh ke mukhya mantri banen. bihar ke purva mukhya mantri shri lalu prasad yadav ji ka janm sinh lagn men hua hai inki rashi kark hai.
inki kundli men shukra, budh ekadash bhav men sthit hai. shukra, budh se 1 digri piche hai aur mutthashil yog (itthashal yog) ban raha hai. san 1990 se 2010 tak shukra mahadsha men prabal rajyog ka fal isi mutthashil yog ke karan prapt hua.
inki kundli men surya dasham bhav men sthit hai. yadyapi surya lagn ke svami hain aur dasham bhav men sthit hain jo bali hai. lekin surya prithktavadi grah hone karan surya ki mahadsha men inhen bhari kshati hui. vidhan sabha chunav men bahut kam sankhya men rajya ke log jit pae.
inki rashi kark hai. gochar men shani tula rashi men 03 navanbar 2011 ko pravesh karne se shani ki satvin drishti dasham bhav par evan dasvin drishti chandra lagn par paregi. 2012 men surya mahadsha men rahu ki antardasha chalegi. shukra mahadsha v rahu ki antardasha men lalu ji ko pad tyagna para tha tatha jel bhi jana para tha.
atah sanbhavna hai ki 2012 men chara ghotale men inko saja ho jae ya jurmana dena pare falasvarup inhen apil men jana pare. lal krishn advani ka janm vrishchik lagn men hua hai lagnesh mangal dvadash bhav men budh aur surya ke sath sthit hai atah lagn kundli ki apeksha advani ji ki chandra kundli hi kafi bali hai
atah faladesh chandra kundli ke anusar hi hona chahie. chandrama ka pakshabal kafi adhik hai evan chandrama vargoÿam navansh men sthit hai faldipika men mantreshvar maharaj ne likha hai ki chandrama paksh bali ho aur vargoÿam navansh men sthit ho to aisa manushya raja hota hai. budh, surya aur mangal se pirit hone ke karan viprit rajyog bana raha hai.
2012 men advani ji par shani mahadsha men budh ki antardasha chalegi. chandra lagn se shani ashtam bhav men sthit hokar, tritiya drishti se dasham bhav ko dekh raha hai. chandra lagn evan surya lagn donon se hi budh viprit rajyog bana raha hai. atah sanbhavna hai ki 2012 men madhyavdhi chunav hon aur advani ji bharat ke pradhanmantri banen.
lagn kundli aur chandra kundli donon se hi lagn ke svami mangal hai. mangl-budh ki yuti ke karan shani mahadsha men budh ki antardasha men advani ji asvasth ho sakte hain. inke jivan par sankat a sakta hai. amerika ke rashtrapti barak husain obama ka lagn tula hai. ye surya mahadsha men guru ki antardasha men amerika ke rashtrapti bane.
2012 men obama par surya ki mahadsha men budh ki antardasha chalegi. inki kundli men budh bhagyesh hai jo dasham bhav men surya ke sath sthit hokar aditya yog bana rahe hain atah barak obama ke vyaktitva ka vikas hoga tatha amerika ki arthik samriddhi hogi.
jivan men jarurat hai jyotishiya margadarshan ki? abhi bat karen fyuchar point jyotishiyon se!