dvadash rashiyon par rahu ka gochriya prabhav dae. lakshmi narayan sharma ‘mayank’ rahu ko angreji men ‘dregans hed’ ya ‘asending nod’ kahte hain. rahu budh, shukra aur shani se mitrata tatha surya, chandra aur mangal se shatruta rakhta hai. guru evan ketu se iske sam sanbandh hanai. yah mithun rashi men 15 ansh tak uchch ka aur dhanu men 15 ansh tak nich ka mana jata hai. kark iski mul trikon rashi hai. kuch vidvanon ke anusar yah kunbh ya kanya rashi men svarashi ka mana jata hai. yah ek rashi ko 18 mahine men par kar leta hai. bhachakra ki ek parikrama rahu 18 varsh men purn karta hai. janmang men bhav 3, 6, 10 ya 11 men iski sthiti shubh aur 1, 2, 5, 7 ya 9 men ashubh hoti hai. bhav 4, 8 evan 12 men atyant hi arishtakarak hota hai. yah apne sthan se bhav 5, 7 tatha 9 par drishti dalta hai. yadi rahu shubh aur bali ho to vyakti manovigyan tatha vibhinn bhashaon ka gyata hota hai. kintu jivan yapan ke lie vah dalali, laetri, sarp palna, udyog, pashu tatha jantu palan, mans vikray, kabar, ya jadu ka karya karta hai. yadyapi jyotish ke vidvanon ka mat hai ki rahu-ketu ka svatantra astitva nahin hone ke karan ye donon jis bhav men hote hain us bhav ke svami ke anusar fal dete hain, lekin vastav men inka svatantra prabhav bhi anubhav kiya gaya hai. yadi rahu kundli men balvan aur shubh sthiti men ho to apni mahadsha ya antardasha men shubh fal deta hai. dhan sanchay, vyavsay men dhan labh, uchch pad ki prapti, sukh, tirth yatra adi shubh rahu ki dasha ke hi fal hain. kintu yadi yah kundli men ashubh sthiti men ho to vah apni mahadsha ya antardasha men ashubh fal deta hai, jaise dhan-hani, berojgari kalah, nirdhanata, svasthya hinta, lailaj rog, parivar men kisi ki mrityu adi. vartaman samay men rahu gochar men gat 5 mai se makar men hai aur 2 navanbar 2009 tak isi men rahega. is prakar, vibhinn rashiyon ke jatak rahu ke gochriya prabhav nimn prakar anubhav kar sakte hain- mesh ke lie: is sthiti men dharmik karyon men ruchi, sab taraf se saflta, sukh adi prapt hote hain. vrish ke lie: vrish rashi vale jatak parivarik virodh, bhagya dosh, kharch ki vriddhi, apayash, dharmik karyon men aruchi adi mahsus kar sakte hain. mithun ke lie: samasyaon ki jatilta, kasht evan durghatana adi is samay samne a sakti hain. kark ke lie: rahu ki yah sthiti kark rashi valon ke lie mansik tanav, dampatya jivan men matbhed, vani men katuta evan krodh men vriddhi ka karan ban sakti hai. sinh ke lie: is sthiti men unnati, naukri aur vyavsay men saflta, anand adi milte hain tatha bhagya sath deta hai. kanya ke lie: yah sthiti klesh, asflta, vad-vivad, mitron se ashyog adi pratikul de sakti hai. tula ke lie: kam ka bigrna, shatruon men vriddhi, mata ko kasht v chot evan durghatana adi is chaturth rahu ke fal hanai. vrishchik ke lie: rahu yadi janm rashi se tritiyasth ho to jatak ke bigre kam bante hain aur parakram men vriddhi tatha dhan-labh evan sukh ki prapti hai. dhanu ke lie: rashi se dvitiya rahu pratikulta, arthik hani evan dukh deta hai. makar ke lie: lagnasth rahu asta-vyast jivan, sharirik durbalata evan hani dene vala hota hai. kunbh ke lie: rashi se dvadash bhav men sthit rahu ke karan jatak ke dhan ka apavyay hota hai aur vah svayan kusangti ka shikar hota hai. iske atirikt ankhon ke rog, jel jane ke dar tatha nitya karmon men avrodh ka samna karna parta hai. min ke lie: min rashi valon ke lie rahu kam-kaj men unnati, karya-vyavsay ka vistar, bhumi, bhavan evan vahan ka sukh adi fal deta hai. rahu janit kashton se mukti ke upay hetu rahu ke ashubh prabhav se grast jatkon ko rahu se sanbandhit kisi bhi mantra ka jap kam se kam 18000 evan adhik se adhik 72000 bar karna chahie. shubh prabhav ke lie rahu yantra bhi dharan kiya ja sakta hai. man durga, kali evan ganesh ki upasna se rahu ka dushprabhav dur ho jata hai.
Kya aapko lekh pasand aaya?
Subscribe