mesh mesh rashi men brihaspati ke hone par vyakti sundar, sushil jivan sathi tatha achchi santan ka bhagi hota hai. vah samaj men samman pata hai. vah bhagyashali suvidhapurn jivan vala tatha jivan bhar logon ke akarshan ko kendra rahta hai. vrish vrish rashi men brihaspati jatak ko bahut ay vala tatha dhan sangrah karne vala banata hai. vah sahsi tatha virodhiyon se kasht aur asuvidh ka bhagi hota hai. sharirik vyadh aur parivarik tanavon ko pane vala tatha mansik chintaon se samy-samay par pidit rahta hai. mithun yadi brihaspati mithun rashi men ho to jatak buiddhaman tatha charitravan hota hai. vah dharmik gatividhiyon men sanlagn rahta hai tatha jivan sathi ke karan dukhon ka bhagi hota hain. kark kark rashi men brihaspati jatak ko sarkar dvara labh pradan karata hai. vah adhikari tatha anek logon ki pasand hota hai. vah sarkar men mantri ya samyak uchch pad ka adhikari hota hai tatha jivan bhar sukh suvidh se rahta hai. sinh sinh rashi men brihaspati vyakti ko dhani, prasiddh aur ati buddhiman banata hai. vah shiksha ke kshetra men prasiddhi pata hai. santan se sukh, rajya se samman tatha sabhi ke dvara adar ka patra hota hai. kanya kanya rashi men brihaspati jatak ko safal vyavsayi tatha apni aur prasiddh logon ki sangti pradan karta hai. parivar tatha santan se sukh tatha adhikari pad pane vala hota hai. kai bar logon ke akaran virodh ka samna karna padta hai tatha isi karan kabhi-kabhi apayash ka bhagi hota hai. tula tula rashi men brihaspati jatak ko chanchal, asthir mana, viprit mati tatha apne hi parivar ke sadasyon se virodh ka bhagi banata hai. vah jatak ko vyavsay men asflta tatha santan se asantosh v dukh pane vala banata hai. vrishchik vrishchik rashi men yadi brihaspati ho to vyakti ki mansik yogyata ka vidvanon men man hota hai. yah vyakti prasiddh, achal sanpatti ka svami tatha jivan men bahut sanpdavan hota hai. dhanu dhanu rashi men brihaspati jatak ko ishvar se darne vala tatha ashay logon ki madad karne vala banata hai. vah dharmik, charitravan tatha prachan granthon men ruchi rakhne vala hota hai. makar makar rashi ka brihaspati jatak ko apnon ke sukh se vanchit tatha jivan men vibhinn prakar ke virodhon ka samna karne vala banata hai. vah videsh men rahne vala, ganbhir rogon se kasht pane vala, arthik chintaon vala, jivan sathi tatha santan se dukh pane vala evan jivan men samanyatah dukhon ka bhagi hota hai. kunbh yadi brihaspati kunbh rashi men sthit ho to jatak ka bhagya vishesh ujjaval hota hai tatha vah shasan dvara labh v samman ka bhagi hota hai. vah dhani, buddhiman, vibhinn kalaon ka gyata tatha jivan sathi evan santan se sukh labh pane vala hota hai. min min rashi men brihaspati jatak ko takniki kshetra men khyati pradan karta hai. vah ganmanya logon v sarkar dva ra sammanit kiya jata hai. vah svatantra, nishchit tatha sabhi prakar se sukh suvidha purn aram ka jivan vyatit karta hai.
Kya aapko lekh pasand aaya?
Subscribe