a - z tak pratyek akshar ke sankhyatmak man 1 se 9 tak nirdharit kie gae hain. is prakar pratyek nam men ek nishchit sankhya men 1, 2, 3 ityadi dubara athva kai bar ate hain. santulit vyaktitva ke lie yah avashyak hai ki koi bhi ank ausat bar hi dohraya jay. yadi koi ank ausat se adhik bar a jata hai to vyaktitva men us ank ki visheshta kuch adhik hi ho jati hai. yadi atyadhik bar aya hua ank koi vishisht ank bhi hai to uska vyaktitva par ek alag prabhav hoga. yadi koi ank ausat se kam bar prakat hota hai to vyaktitva men us ank ke nakaratmak gunon ka samavesh ho jata hai. yadi vahi ank kisi vishisht ank ke rup men bhi prakat hota hai to vah vyaktitva ko adhik santulit bana deta hai, anyatha vyaktitva men kuch kamjoriyan bani rahti hain. yadi koi ank nam men nahin hota hai to yah ek karmik rin ke rup men upasthit rahta hai jise vishisht ank ke dvara santulit kiya bhi ja sakta hai athva nahin bhi. do vyaktiyon ke bhagyank evan yogyata ank saman rahne par bhi unke vyavhar bilkul alag ho sakte hain. aisa unke nam men ane vale ank ki prablta ke karan ho sakta hai. udaharan ke lie man lijie ki kisi vyakti ka bhagyank 7 hai aur uske nam men ank 4 athva 5 ki baranbarta adhik hai to aisa vyakti vigyan ke vyavharik pahluon ke prati adhik abhiruchi pradarshit karega jaise ki prayogshala sthapit karna, yantron ki dekhbhal, tathyon evan ankdon ka sankalan, shodhakatrtaon ki niyukti ityadi. kintu koi dusra vyakti hai jiska bhagyank bhi 7 hi hai kintu uske nam men 3 athva 7 athva 9 ki baranbarta adhik hai to aise vyakti ki dilachaspi khoj athva avishkar men hogi n ki prayogshala ki dekhbhal ityadi men. kisi bhi nam men kisi ank ki ausat se adhik athva kam baranbarta do charam binduon ko pradarshit karta hai jo jivan men asamanya vyavhar ke lie uttaradayi hota hai. yahi karan hai ki ek hi bhagyank hone par bhi koi vyakti apradhi hota hai athva talak ke lie mukdma ladta hai to dusri or koi vyakti manvta ki niahsvarth tatha nishkalank seva karta hai. kisi bhi ank ki baranbarta kisi nam men nimn prakar se honi chahieah 1 - 2 - 3 - 4 - 5 - 6 - 7 - 8 - 9 3 1 1 1 3 1 0 1 3 or or or 2 4 1 atah, ek santulit vyaktitva ke lie nam men 1 tin bar ana chahie. tin se adhik bar yadi 1 a jay to vyakti dridh mansikta vala hota hai. isi prakar tin se kam bar yadi 1 ata hai to vyakti ki ichchashakti, pahal athva aguai karne ki kshamata tatha dridhta kamjor hoti hai. nam men 2, 3 tatha 4 ek bar ana chahie. santulit vyavhar ke lie 5 tin ya char bar ana chahie. 6 ka ek se adhik bar ana vishisht lakshan darshata hai. nam men kai bar 7 anupasthit rah sakta hai kyonki vishleshan karne ki kshamata tatha uchch koti ki nipunta ek samanya gun nahin hai. atah nam men ek bar bhi 7 ana vyakti ko kafi nipun banata hai. nam se 8 bhi anupasthit ho sakta hai kintu 8 ki ek bar bhi upasthiti vyakti ko sangthnatmak kshamata tatha kathin paristhitiyon ka samna karne ki yogyata pradan karta hai. ek se adhik bar 8 ki upasthiti ek mahattvapurn visheshta hai. 9 samanyatah tin bar ate hain jisse vyakti dayalu, sahriday tatha kshamashil hota hai. tin se kam 9 vyakti men in gunon ki kami darshata hai. tin se adhik 9 balidan ki sima tak udarta darshata hai. kintu ank kundli ki samiksha karte vakt satarkata bartni avashyak hai. yadi kisi vyakti ke nam men koi ank nahin hai to use aise hi bhala-bura kahna sahi nahin hai. yah ank kisi anya sthan par vidyaman rah sakta hai. adhikatar logon ke pas ausat jivan jine ke sansadhan maujud hote hain. fir bhi sampurn ank kundli men kai kamiyan maujud hoti hain jo samy-samay par asamanya ghatnaon ka karan banti hain. kabhi-kabhi in 9 ank men se koi ek ank ati mahatvapurn tatha prabal ban jata hai. aisi sthiti man yah vishisht ank ki bhanti karya karta hai tatha us disha men atirikt urja ko nirdeshit karta hai. vyakti ka sanpurn charitra usi rang men ranga paya ja sakta hai.
Kya aapko lekh pasand aaya?
Subscribe